完整藏文原文 · 德格版页 当前仅加载第 79 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་མར་ནི་བརྗོད། །བདུན་པར་ཟ་བྱེད་མའི་ཕྱག་རྒྱ། །བརྒྱད་པར་སྟེང་དུ་ལེན་པར་ངེས། །གཤིན་རྗེ་མོ་དང་སྐྲག་བྱེད་ད་དྲག །གཏུམ་མོ་དང་ནི་བཟང་ཟ་དང་། །བྷ་སུ་མ་དང་འདོད་པ་ཉིད། །དེ་ཉིད་བརྒྱད་པོ་ཕག་མོ་ཉིད། །མི་བཟད་རྣམ་པར་འགྱུར་བའི་གཟུགས། །
D376.079.0046b01.01ཁྲག་དང་ཁུ་བ་ཟ་བ་མོ། །འོད་ཟེར་འབར་བ་སྣ་ཚོགས་འབར། །རྡོ་རྗེ་མཁའ་འགྲོ་མ་བསྒོམ་བྱ། །མང་པོར་རྣམ་བཤད་ཡེ་ཤེས་ནི། །དེ་ལ་དབུས་སུ་རྣམ་པར་འབྱུང་། །དཔག་ཚད་འབུམ་གྱི་རྒྱ་ཁྱོན་དུ། །དེ་ཡིས་གསལ་བར་བྱེད་པ་ཡིན། །སེམས་ཅན་ཐོག་མ་ཐ་མ་མེད། །
D376.079.0046b02.01རྡོ་རྗེ་སེམས་དཔའ་ཆགས་པ་ཆེ། །ཐིག་ལེ་རྡོ་རྗེ་ཅན་དུ་འགྱུར། །ཟླ་བ་ཕྱེད་པ་ལྟ་བུར་གསལ། །གདན་ནི་པདྨ་ར་ག་སྟེ། །རྒྱལ་པོའི་གཟུགས་ནི་གསལ་བ་ཡིན། །རྒྱལ་པོ་ཉིད་ཅེས་རྣམ་པར་བཤད། །སྟེང་དུ་འབྱུང་བར་རབ་ཏུ་གྲགས། །ཡང་ནི་དགོད་པར་བྱ་བ་
D376.079.0046b03.01སྟེ། །རིགས་ཀྱི་དབྱེ་བས་བརྗོད་པའོ། །ཤར་དུ་རྡོ་རྗེ་སེམས་དཔར་གྱུར། །ལྷོ་རུ་རྣམ་པར་སྣང་མཛད་བརྗོད། །ནུབ་ཏུ་རྟ་ཡི་རྒྱལ་པོའོ། །བྱང་དུ་པདྨ་གར་དབང་སྟེ། །འཁོར་ལོའི་དབུས་སུ་ཧེ་རུ་ཀ། །སྟེང་གི་སྒྲ་ནི་རྟ་གདོང་ཡིན། །འདི་རྣམས་འདི་རུ་དགོད་
D376.079.0046b04.01པར་གསུངས། །རིགས་ཀྱིས་དབྱེ་བས་རྣམ་པ་ལྔ། །དེ་རུ་བསྒོམ་པར་བྱ་བ་ཡིན། །གཞོམ་མེད་གཞིག་ཏུ་མེད་པ་སྟེ། །དེ་ཡི་དབུས་སུ་ཡང་དག་རྫོགས། །མགོན་པོ་རྣམ་པར་སྣང་མཛད་སོགས། །རྣལ་འབྱོར་མ་བཞིའི་ཁ་སྦྱོར་ལས་ཚོགས་ཀྱིས་བསྒྱིངས་པའི་རྒྱུད་
D376.079.0046b05.01ཆེན་པོ་ཞེས་བྱ་བ་སྟེ་བརྟག་པ་དང་པོའོ།། །།དེ་ནས་རྡོ་རྗེ་ཕག་མོ་དེ། །རྐང་རྒྱན་དང་ནི་དོ་ཤལ་རྒྱན། །དེ་ཡི་དཀྱིལ་འཁོར་ལ་གར་བྱེད། །དབང་བསྐུར་བ་ནི་སྟེར་བ་ཡིན། །དམ་ཚིག་ལ་ནི་ལེགས་གཞག་ཕྱིར། །ཕག་མོས་དེ་བཞིན་རྡོ་རྗེ་ཅན། །ཅི་འདོད་དེ་
D376.079.0046b06.01བཞིན་རྡོ་རྗེ་ཅན། །དྲི་ཆེན་དྲི་ཆུ་ཟ་བ་དང་། །ཁྲག་དང་ཁུ་བ་དེ་བཞིན་ཤ། །རྟག་ཏུ་བུད་མེད་དང་ནུས་སམ། །བྷ་གའི་པདྨར་འོ་བྱེད་དམ། །སྨྲོས་ཤིག་རྡོར་ཅན་བདེ་བ་ཆེ། །དེ་ནས་བཅོམ་ལྡན་རྡོ་རྗེ་ཅན། །བཞད་པར་གྱུར་ནས་འདི་དག་སྨྲས། །ལྷ་མོ་ཅི་སྟེ་བདག་མི་སྤྲོ། །ཁྲག་དང་
D376.079.0046b07.01