完整藏文原文 · 德格版页 当前仅加载第 79 函德格 51b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པར་སྒོམ་པའི་དངོས། །དེ་ལ་བསྒོམ་པར་བརྗོད་པ་མིན། །ཕྲེང་བ་མེད་ཅིང་བྱ་བ་མེད། །སྤུངས་པ་མེད་པར་བརྗོད་པ་སྟེ། །རྣལ་འབྱོར་འདི་ལ་གནས་པ་ནི། །དབུ་མའི་མཆོག་གི་གོ་འཕང་ངོ་། །བླ་ན་མེད་པའི་ཡེ་ཤེས་ནི། །བླ་མེད་ཞེས་ནི་རིམ་པ་མེད། །འདིས་
D376.079.0051b01.01ནི་འཁོར་བ་རྣམ་པར་གྲོལ། །ཕྱིར་མི་ལྡོག་པའི་གོ་འཕང་མཆོག །རྡོ་རྗེ་སེམས་དཔའ་ཞེས་སུ་གསུངས། །དེ་ཡིས་རྡོ་རྗེ་སེམས་དཔའ་འགྲུབ། །སྐྱེ་བ་འདི་ལ་གྲུབ་པ་སྟེ། །རྡོ་རྗེ་སེམས་དཔའ་དང་མཉམ་འགྱུར། །ཁྲག་དང་ཁུ་བ་བཟའ་བ་སྟེ། །དྲི་ཆེན་དྲི་ཆུ་ཤ་དང་
D376.079.0051b02.01ལྔ། །དེ་ཡི་ཚེ་ནི་རྒྱས་པར་འགྲོ། །རྡོ་རྗེ་སེམས་དཔའ་དང་མཉམ་འགྱུར། །བ་ཧཱུ་བི་ཧ་ཧཱུྃ་ཀཱ་ར་ག་ཏི་བ་ཧཱུྃ་བི་ཧ། །རཱུ་པ་དྷཱ་རི་ཎེ་བ་ཧཱུྃ་བི་དྷནཱ་ནཱ་རཉྫི་ཧ། བ་ཧཱུ་བི་ཧ་བྲྀ་ཏྱ་གཱི་ཏཏྱ། །བ་ཧུ་བི་ཧ་ཛི་བ་སནྟ་ཏྱ་ཤེ། །ཥཿནི་ཤེ་ཥ་ས་ཏྭ་བི་ན་ཡ་བི་དིགྦྷན་ས་མ་ར་སྟུ་བི་ཤུདྡྷེ་ཧཿཧཿཧཿཧཿཧོཿ། ཨ་
D376.079.0051b03.01ཧཻ་སམྦ་རེ་སིཛྫྷ་མ་ཧཱུྃ་ཨ་ཧོ། །ཤུཾ་ཧ་ཧཱུྃ་རེ་ཨུ་པ་རཱུ་ཨ་ལ་ལ་ལ་ལ་ཧོཿ། གླུ་འདི་དག་ནི་བླངས་པ་སྟེ། །བརྟག་པ་ཀུན་གྱི་བླ་ན་མེད། །དེ་ཡི་ཚེ་ནི་རྒྱས་པར་འགྲོ། །རྡོ་རྗེ་སེམས་དཔའ་དང་མཉམ་འགྱུར། །རྣལ་འབྱོར་མ་བཞིའི་ཁ་སྦྱོར་ལས་དེ་ཁོ་ན་ཉིད་གཏན་ལ་དབབ་པ་ཞེས་བྱ་བ་སྟེ་
D376.079.0051b04.01བརྟག་པ་དྲུག་པའོ།། །།དེ་ནས་ཡང་དག་བཤད་བྱ་བ། །དེ་ཉིད་རྣལ་འབྱོར་ཐམས་ཅད་ནི། །སྦྱིན་དང་ཚུལ་ཁྲིམས་བརྩོན་དེ་བཞིན། །བསམ་གཏན་བཟོད་པ་ཤེས་རབ་དང་། །སྟོབས་དང་དེ་བཞིན་ཐབས་དང་ནི། །སྨོན་ལམ་ཡེ་ཤེས་ཡང་དག་འབྱུང་། །ཕ་རོལ་
D376.079.0051b05.01ཕྱིན་པ་བཅུ་རྫོགས་པ། །བྱང་ཆུབ་སེམས་དཔའི་སྡོམ་པ་ཡི། །སྦྱིན་པ་རྣམ་པ་བཞི་རུ་གསུངས། །ཚུལ་ཁྲིམས་གསུམ་གྱི་ངོ་བོ་ཉིད། །བསམ་གཏན་རྣམ་བཞིར་གསུངས་པ་སྟེ། །བརྩོན་འགྲུས་རྣམ་པ་ལྔ་རུ་འགྱུར། །བཟོད་པ་རྣམ་པ་བཅུར་ཤེས་བྱ། །ཤེས་རབ་རྣམ་
D376.079.0051b06.01པ་དྲུག་ཏུ་འགྱུར། །སྟོབས་ནི་རྣམ་བཅུ་རབ་ཏུ་གསུངས། །ཐབས་ནི་རྣམ་པ་ལྔར་འགྱུར་ཏེ། །སྨོན་ལམ་གཉིས་སུ་ཤེས་བྱ་སྟེ། །ཡེ་ཤེས་རྣམ་ལྔར་གནས་པའོ། །ཆོས་དང་མི་འཇིགས་རྫས་དང་བྱམས། །སྦྱིན་པ་རྣམ་པ་བཞི་པོ་ནི། །སྦྱིན་པའི་ཕ་རོལ་ཕྱིན་པའོ། །
D376.079.0051b07.01