完整藏文原文 · 德格版页 当前仅加载第 79 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བསྒྲུབ་པར་བྱ། །རྣམ་རྟོག་སེལ་བྱེད་རྣམ་རྒྱལ་ལྔ། །མ་བཅོས་སེམས་ཀྱིས་གཅད་པར་བྱ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ལས་ཕག་མོ་མངོན་པར་འབྱུང་བའི་རྒྱུད་ལས་སྟོན་པས་ཞལ་གྱིས་བཞེས་པའི་ལེའུ་སྟེ་
D378.079.0061b01.01གཉིས་པའོ།། །།དེ་ནས་སྟོན་པས་བཀའ་སྩལ་པ། །ཚེ་གཅིག་སངས་རྒྱས་ཐོབ་འདོད་པས། །དང་པོ་གདེང་ཆེན་ལྟ་བ་གཅེས། །དེས་ན་ལྟ་བ་དང་པོར་བསྟན། །ཕྱོགས་རིས་མེད་པ་ལྟ་བའི་མཆོག །ནམ་མཁའ་ལྟ་བུ་ཤེས་པར་གྱིས། །ཐམས་ཅད་འདེགས་པ་ལྟ་
D378.079.0061b02.01བའི་མཆོག །ས་གཞི་ལྟ་བུར་ཤེས་པར་གྱིས། །ཐམས་ཅད་སྡུད་པ་ལྟ་བའི་མཆོག །འབྱུང་བ་ཆུ་ལྟར་ཤེས་པར་གྱིས། །ཉོན་མོངས་སྲེག་པ་ལྟ་བའི་མཆོག །འབྱུང་བ་མེ་ལྟར་ཤེས་པར་གྱིས། །ངོས་གཟུང་མེད་པ་ལྟ་བའི་མཆོག །འབྱུང་བ་རླུང་ལྟར་ཤེས་པར་གྱིས། །
D378.079.0061b03.01དེ་ནས་ཡང་སྟོན་པས་གསུངས་པ། འཕོ་འགྱུར་མེད་པ་ལྟ་བའི་མཆོག །རི་བོ་ལྟ་བུར་ཤེས་པར་གྱིས། །གཡོ་འགུལ་མེད་པ་ལྟ་བའི་མཆོག །རྒྱ་མཚོ་ལྟ་བུར་ཤེས་པར་བྱ། །གསལ་ལ་མ་འདྲེས་ལྟ་བའི་མཆོག །འཇའ་ཚོན་ལྟ་བུར་ཤེས་པར་གྱིས། །གཉིས་སུ་མེད་པ་
D378.079.0061b04.01ལྟ་བའི་མཆོག །ག་བུར་ལྟ་བུར་ཤེས་པར་བྱ། །དེ་ནས་ཡང་གསང་བས་ཚིག་འདི་གསུངས་ཏེ། ཟིལ་གྱིས་གནོན་པ་ལྟ་བའི་མཆོག །སེང་གེ་ལྟ་བུར་ཤེས་པར་བྱ། །ཉམ་ང་མེད་པ་ལྟ་བའི་མཆོག །གླང་ཆེན་ལྟ་བུར་ཤེས་པར་བྱ། །སྟོབས་དང་ལྡན་པ་ལྟ་བའི་མཆོག །
D378.079.0061b05.01རྟ་མཆོག་ལྟ་བུར་ཤེས་པར་བྱ། །ཀུན་ཏུ་རྒྱུག་པ་ལྟ་བའི་མཆོག །སྟག་མོ་ལྟ་བུར་ཤེས་པར་བྱ། །འཇིགས་པ་མེད་པ་ལྟ་བའི་མཆོག །དོམ་བུ་ལྟ་བུར་ཤེས་པར་བྱ། །དེ་ནས་ཡང་གསང་བའི་ཚིག་འདི་གསུངས་ཏེ། སྐྱོན་གྱིས་མ་གོས་ལྟ་བའི་མཆོག །བྱང་ཆུབ་སེམས་དེ་
D378.079.0061b06.01དཀར་པོར་སྣང་། །དུས་གསུམ་མི་འགྱུར་ལྟ་བའི་མཆོག །བྱང་ཆུབ་སེམས་དེ་ནག་པོར་སྣང་། །ཡོན་ཏན་རྒྱས་པ་ལྟ་བའི་མཆོག །བྱང་ཆུབ་སེམས་དེ་སེར་པོར་སྣང་། །ཀུན་ལ་ཁྱབ་པ་ལྟ་བའི་མཆོག །བྱང་ཆུབ་སེམས་དེ་དམར་པོར་སྣང་། །ཕྲིན་ལས་རྫོགས་པ་ལྟ་བའི་
D378.079.0061b07.01