完整藏文原文 · 德格版页 当前仅加载第 79 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་དུར་ཁྲོད་ཕག་མོ་དེས། །ཧེ་རུ་ཀ་ལ་འདི་སྐད་ཞུས། །སངས་རྒྱས་ཐོབ་བྱེད་འབྲས་བུའི་ཆོས། །བསམ་གྱིས་མི་ཁྱབ་བཤད་དུ་གསོལ། །དབང་པོ་རབ་འབྲིང་ཐ་མ་གསུམ། །གང་དང་གང་གིས་གྲོལ་བ་ལགས། །དུག་ལྔ་སྤྱོད་པའི་གང་
D378.079.0067a01.01ཟག་ལྔ། །གང་དང་གང་གིས་འཇོམས་པར་བྱེད། །དེ་ནས་སྟོན་པས་བཀའ་སྩལ་ཏེ། །ཉོན་ཅིག་དུར་ཁྲོད་བདག་མོ་ཁྱོད། །དབང་པོ་རབ་ཀྱི་གང་ཟག་ལ། །རང་བཞིན་རྣམ་དག་ཕག་མོ་བསྟན། །དབང་པོ་འབྲིང་གི་གང་ཟག་ལ། །བརྗོད་པ་སྒྲ་ཡི་ཕག་མོ་
D378.079.0067a02.01བསྟན། །དབང་པོ་ཐ་མའི་གང་ཟག་ལ། །མཚོན་པ་བརྡ་ཡི་ཕག་མོ་བསྟན། །ཞེས་བཀའ་སྩལ་ཏོ། །དེ་ནས་དུར་ཁྲོད་བདག་མོ་དེས། །སྟོན་པ་ལ་ནི་ཚིག་འདི་གསོལ། །རང་བཞིན་རྣམ་པར་དག་པ་ཡི། །རྡོ་རྗེ་ཕག་མོ་ཇི་ལྟ་བུ། །སྒྲ་ཡི་ཕག་མོ་ཇི་ལྟ་
D378.079.0067a03.01བུ། །དབྱིབས་ཀྱི་ཕག་མོ་ཇི་ལྟ་བུ། །ཞེས་པ་ལ་སོགས་པ་ཞུས་སོ། །ཉོན་ཅིག་དུར་ཁྲོད་བདག་མོ་ཁྱོད། །རང་བཞིན་ཉིད་ནས་དག་པ་དེ། །ཆོས་ཀྱི་སྐུ་ཡི་ངོ་བོ་ཉིད། །སྐད་ཅིག་དྲུག་གིས་རྫོགས་སངས་རྒྱས། །གྲོལ་འགྱུར་འདི་ལ་ཐེ་ཚོམ་མེད། །
D378.079.0067a04.01བརྗོད་པ་སྒྲ་ཡི་ཕག་མོ་དེ། །ལོངས་སྤྱོད་སྒྲ་ཡི་ངོ་བོ་ཉིད། །ལོངས་སྤྱོད་རྫོགས་སྐུའི་ངོ་བོ་ཉིད། །ཟླ་དྲུག་གོམས་པའི་སྦྱོར་བ་ཡིས། །འགྲུབ་འགྱུར་འདི་ལ་ཐེ་ཚོམ་མེད། །མཚོན་པ་བརྡ་ཡི་ཕག་མོ་དེ། །སྤྲུལ་པ་སྐུ་ཡི་ངོ་བོ་ཉིད། །ཟླ་དྲུག་གོམས་པའི་སྦྱོར་བ་ཡིས། །
D378.079.0067a05.01འགྲུབ་འགྱུར་འདི་ལ་ཐེ་ཚོམ་མེད། །ཅེས་བཀའ་སྩལ་ཏོ། །དེ་ནས་དུར་ཁྲོད་བདག་མོ་དེས། །དཔའ་བོ་ཆེ་ལ་ཡང་ཞུས་པ། །གང་ཟག་རིགས་ལ་ལྔ་ཡོད་དེ། །གཏི་མུག་ཅན་གྱི་གང་ཟག་དང་། །ཞེ་སྡང་ཅན་གྱི་གང་ཟག་དང་། །འདོད་པ་གཙོར་བྱེད་གང་ཟག་དང་། །ང་རྒྱལ་
D378.079.0067a06.01ཅན་གྱི་གང་ཟག་དང་། །ཕྲག་དོག་ཅན་གྱི་གང་ཟག་ལྔ། །དེ་རྣམས་གང་དང་གང་གིས་གྲོལ། །ཞེས་ཞུས་སོ། །དེ་ནས་སྟོན་པས་བཀའ་སྩལ་ཏེ། །གཏི་མུག་ཅན་གྱི་གང་ཟག་ལ། །སྐུ་ཡི་ཕག་མོ་དཀར་མོ་བསྟན། །གཏི་མུག་ཚུལ་གྱིས་གཏི་མུག་འཇོམས། །འདོད་པ་
D378.079.0067a07.01