完整藏文原文 · 德格版页 当前仅加载第 79 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་ལྔ་སྟེ། །གསང་སྔགས་སྤྱོད་པས་བསྟེན་པར་བྱ། །དེ་ནས་ཉམས་དང་བྱིན་བརླབས་ནི། །{གོ་རིམས་,གོ་རིམ་}སྐྱེ་ཚུལ་འདི་ལྟ་སྟེ། །དམིགས་པ་མེད་པའི་སྙིང་རྗེ་སྐྱེ། །སངས་རྒྱས་མཁའ་འགྲོའི་ཉམས་མྱོང་ཡིན། །ཆོས་རྣམས་གཟུགས་བརྙན་ལྟར་མཐོང་བ། །རྡོ་རྗེ་མཁའ་
D378.079.0068b01.01འགྲོའི་ཉམས་མྱོང་ཡིན། །ཐམས་ཅད་མཉམ་པ་ཉིད་སྐྱེ་བ། །རིན་ཆེན་མཁའ་འགྲོའི་ཉམས་མྱོང་ཡིན། །ཆོས་རྣམས་མ་འདྲེས་སོ་སོར་གསལ། །པདྨ་མཁའ་འགྲོའི་ཉམས་མྱོང་ཡིན། །དངོས་པོ་གང་ལའང་ཐོགས་མེད་པ། །ལས་ཀྱི་མཁའ་འགྲོའི་ཉམས་མྱོང་ཡིན། །
D378.079.0068b02.01ཉོན་མོངས་ལྔ་ཡི་འགྱུར་ལུགས་ནི། །གཏི་མུག་ཆོས་ཀྱི་དབྱིངས་སུ་འགྱུར། །ཞེ་སྡང་མེ་ལོང་ཡེ་ཤེས་འགྱུར། །ང་རྒྱལ་མཉམ་པ་ཉིད་ཀྱིར་འགྱུར། །འདོད་ཆགས་སོ་སོར་རྟོག་པར་འགྱུར། །ཕྲག་དོག་བྱ་བ་ནན་ཏན་འགྱུར། །དེ་ནས་འགྱུར་བ་ལམ་དུ་བྱེད། །དེ་ནས་གཞན་ཡང་
D378.079.0068b03.01བཤད་བྱ་སྟེ། །སྐུ་ཡི་ཡི་གེ་རྣམ་བཞི་ཡིས། །ཆོས་ཀྱི་དབྱིངས་ཀྱི་ཡེ་ཤེས་འཕེལ། །གསུང་གི་ཡི་གེ་རྣམ་བཞི་ཡིས། །སོ་སོར་རྟོག་པའི་ཡེ་ཤེས་འཕེལ། །ཐུགས་ཀྱི་ཡི་གེ་རྣམ་བཞི་ཡིས། །མེ་ལོང་ལྟ་བུའི་ཡེ་ཤེས་འཕེལ། །ཡོན་ཏན་ཡི་གེ་རྣམ་བཞི་ཡིས། །མཉམ་
D378.079.0068b04.01པ་ཉིད་ཀྱི་ཡེ་ཤེས་འཕེལ། །ཕྲིན་ལས་ཡི་གེ་རྣམ་བཞི་ཡིས། །བྱ་བ་གྲུབ་པའི་ཡེ་ཤེས་འཕེལ། །ཨཱ་ལི་དང་ནི་ཀཱ་ལི་ཡིས། །སྒྲ་དོན་དག་གིས་རྟོགས་པར་འགྱུར། །ཞེས་སོ། །དེ་ནས་གསང་བ་བཤད་བྱ་སྟེ། །གྲངས་ཀྱི་ཚད་ནི་འདི་ལྟ་སྟེ། །འབུམ་ཕྲག་གཅིག་གིས་
D378.079.0068b05.01བགེགས་རྣམས་སྐྲོད། །འབུམ་ཕྲག་གཉིས་ཀྱིས་གྲོང་ཁྱེར་སྐྲོད། །འབུམ་ཕྲག་གསུམ་གྱིས་རྒྱལ་པོ་འཇོམས། །འབུམ་ཕྲག་བཞི་པས་བུད་མེད་འགུགས། །འབུམ་ཕྲག་ལྔ་ཡིས་ཕྱོགས་རྣམས་བསྲེག །འབུམ་ཕྲག་དྲུག་གིས་འབྱུང་བ་བཟློག །འབུམ་ཕྲག་བདུན་གྱིས་གནས་
D378.079.0068b06.01ཁང་གཡོ། །འབུམ་ཕྲག་བརྒྱད་ཀྱིས་མངོན་ཤེས་འཆར། །འབུམ་ཕྲག་དགུ་ཡིས་ཟས་ནོར་འདུ། །འབུམ་ཕྲག་བཅུ་ཡིས་གང་འདོད་འགྲུབ། །དེ་ནས་གསང་བ་བཤད་བྱ་སྟེ། །མཚན་ལྟས་རབ་འབྲིང་ཐ་མ་གསུམ། །སྐལ་དང་ལྡན་པའི་གང་ཟག་ལ། །ཡེ་ཤེས་ཁྲོ་མོ་རྣམ་པ་ལྔ། །
D378.079.0068b07.01