完整藏文原文 · 德格版页 当前仅加载第 79 函德格 159b 版页；藏文 NFD、目录标记与异常页序保留在来源切片中，重复版页行以稳定序号区分。
གསང་བ་འདི་ནི་ཇི་ལྟ་བུར། །རྗེས་སུ་དཔག་པས་བསམ་པར་བྱ། །ཇི་ལྟར་ཡི་གེའི་དབྱིབས་སུ་ནི། །ཕྱིན་པ་ཡི་ནི་ཡེ་ཤེས་ཉིད། །གཞན་དུ་བཅོམ་ལྡན་སྒྲ་ཇི་ལྟར། །ལྷ་ཞེས་བྱ་བ་ཇི་ལྟར་ལགས། །སངས་རྒྱས་ཀུན་གྱི་ངེས་དོན་ཅི། །མཉམ་པར་སྦྱོར་བ་ཅི་
D382.079.0159b01.01ཞེས་བགྱི། །མཁའ་འགྲོ་མ་ནི་གང་གི་མིང་། །དྲ་བ་ཇི་ལྟ་བུ་ཞིག་ལགས། །སྡོམ་པ་ཞེས་བྱ་ཅི་ཞིག་བཤད། །དེ་བཞིན་སྤྱད་པར་དཀའ་བ་ཉིད། །ཁྱོད་ཀྱིས་འདོད་ཆགས་མེད་གསུངས་ཅི། །ཆགས་བྲལ་མེད་པ་དེ་བཞིན་གཞན། །དབུ་མ་ཞེས་བྱ་གང་གི་
D382.079.0159b02.01མིང་། །བུད་མེད་ཀུན་གྱི་སྒྱུ་མ་ཅི། །སྟོང་ཉིད་གཟུགས་ཁམས་ལ་སོགས་པ། །ཅི་ཞིག་བཤད་ཅིང་མཉམ་ཉིད་སྦྱོར། །དང་པོ་རྣམ་པ་དྲུག་འགྱུར་དང་། །སྣ་ཚོགས་པདྨར་བྲིས་སྐུ་དང་། །ཨཱ་ལི་ཀཱ་ལི་ཕྱག་རྒྱ་ཆེ། །དེ་ཉིད་མེད་སེམས་རྣལ་འབྱོར་དང་། །དེ་ཉིད་
D382.079.0159b03.01བཟང་པོ་ཇི་ལྟར་ལགས། །རྣལ་འབྱོར་ཉིད་ལ་མཉམ་གཞག་དང་། །ཕྱི་རོལ་དྲག་ཀྱང་ཡང་དག་བཤད། །ཟླ་བ་ཉི་མ་རྫོགས་སངས་རྒྱས། །འབྱུང་བ་ཇི་ལྟ་བུ་ཞིག་ལགས། །བྲིས་པ་དང་ནི་མ་བྲིས་པའི། །དཀྱིལ་འཁོར་ཇི་ལྟར་གཞག་པར་བགྱི། །དེ་
D382.079.0159b04.01བཞིན་སྔགས་དང་རྒྱུད་ཉིད་དང་། །གསང་བའི་གནས་ནི་མི་འཚལ་ཞིང་། །པདྨ་བཞི་ནི་ཁྱད་པར་དུ། །བདག་དང་བདག་གི་ཇི་ལྟར་ལགས། །དེ་བཞིན་སེམས་དང་སེམས་བྱུང་ཉིད། །སེམས་ཀྱི་ངོ་བོ་ཡེ་ཤེས་གསུངས། །དེ་བཞིན་རྣམ་པར་ཤེས་པ་ཉིད། །
D382.079.0159b05.01རྒྱུ་དང་འབྲས་བུའི་དངོས་པོ་དང་། །དེ་བཞིན་ཆོས་དང་ཆོས་ཅན་ཉིད། །ཆུ་བོའི་རྒྱུད་ནི་ཅི་ཞེས་བཤད། །རྒྱ་མཚོ་ཡང་ནི་ཁྱད་པར་དུའོ། །སྣ་ཚོགས་ཉིད་ནི་ཁྱོད་གསུངས་ན། །མང་པོ་ཇི་ལྟར་འཐོབ་མི་འགྱུར། །རྣམ་ཤེས་ཡེ་ཤེས་ཁྱོད་ཀྱིས་གསུངས། །དེ་བཞིན་
D382.079.0159b06.01བཅུད་ཀྱིས་ལེན་ཉིད་དང་། །གཡོན་བརྐྱང་ལ་སོགས་ཅི་ལགས་དང་། །གཞུ་ཡིས་རྣམ་རྒྱལ་དེ་བཞིན་གཞན། །གཙོ་དང་གཙོ་མིན་སྒྲ་ཅི་ལགས། །བརྟག་པ་ཡང་ནི་ཅི་ཞིག་གསུངས། །བྱང་ཆུབ་ཆེན་པོའི་ཆོས་རྣམས་ནི། །སུམ་ཅུ་རྩ་བདུན་ནང་གི་དང་། །
D382.079.0159b07.01