完整藏文原文 · 德格版页 当前仅加载第 79 函德格 170b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་བའི་སྔགས་ཀྱིས་མངོན་པར་བསྔགས་ཤིང་བཟླ་བར་བྱའོ་ཞེས་གསུངས་པའོ། །བུད་མེད་ཀྱི་བྷ་གར་གུར་གུམ་བཅུག་ནས་ཕྱི་ནས་རང་གི་སྒྲུབ་པ་གཞུག་པར་བྱ་ཞིང་མཉམ་པར་སྦྱོར་བས་སྔགས་བཟླས་ཏེ་ཁྱད་པར་དུ་ཡང་བསྒྲུབ་པར་བྱའོ། །དེའི་སྔགས་བརྗོད་པ་བཀའ་
D382.079.0170b01.01སྩལ་པ། ཨོཾ་པྲ་སནྣ་ཏཱ་རེ། ཨ་མྲྀ་ཏ་མུ་ཁྃ། ཨ་མྲྀ་ཏ་ལོ་ཙ་ནེ། སརྦྦཱ་རྠ་སཱ་དྷ་ནི། སརྦྦ་སཏྭཱ་བ་ཤྃ་ཀ་ར་ཧཱུྃ་ཕཊ་ཧཱུྃ་སྭཱ་ཧཱ། ཨོཾ་ཏྲྀ་མུ་ཁེ་ཥ་ཌྜྷུ་ཛེ། དེ་བི་མཱ་ལ་ཀི་རཽ་དྲྀ་རཱུ་པི་ཎི་ཧྲིཾ་ཧྲིཾ་ཧཱུྃ་ཧཱུྃ་ཨྃ་ཨྃ་ཧ་ཧ་སྭཱ་ཧཱ། སྔོན་གྱི་བསྙེན་པ་འབུམ་ཕྲག་གཅིག་བཟླས་ནས། ཕྱི་ནས་མིག་སྨན་དང་
D382.079.0170b02.01གུར་གུམ་ཡང་བསྒྲུབ་པར་བྱའོ་ཞེས་གསུངས་པ་ཡིན་ནོ། །གུར་གུམ་དེས་དཔྲལ་བར་ཐིག་ལེ་བྱའོ་ཞེས་གསུངས་སོ། །བུད་མེད་སྐལ་བ་བཟང་པོར་བྱེད་པ་བཀའ་སྩལ་པ། བྷ་ག་ཙནྡན་གྱིས་བྱུགས་པའི་སྟེང་དུ་བ་གླང་གི་གི་ཝང་གིས་བྲུྃ་བྲིས་ནས། བདག་པོ་དང་ལྷན་ཅིག་
D382.079.0170b03.01སྦྱོར་བས་ཇི་སྲིད་མྱོས་བྱེད་མ་འོངས་ཀྱི་བར་དུའོ། །དེ་ནས་བདག་པོ་དེ་བྲན་བཞིན་དུ་འགྱུར་རོ། །ནྲྀ་པ་ནི་བུང་བའི་རྒྱལ་པོའོ། །ཙི་ཏྲི་ནི་འདབ་མ་སྟོང་པའོ། །མཚན་མོ་ནི་ཡུང་བའོ། །བ་ཀུ་ཙི་ནི་ཨ་པ་ཀུ་ཙའོ། །ཨུཏྤ་ལའི་སྙིང་པོ་ནི་ཨུཏྤལ་ཁ་མ་བྱེ་བའོ། །ལྕགས་ཀྱི་དྲི་མ་
D382.079.0170b04.01ནི་ལྕགས་ཀྱི་བཤང་བའོ། །དྲི་ལ་སོགས་པ་ནི་གུ་གུལ་དང་སརྫ་ར་སའོ། །ཁྲག་སེལ་བ་ནི་ལས་ཀྱི་ཁ་དོག་གོ། །གསེར་གྱི་ཤིང་ནི་གསེར་གྱི་ལྗོན་ཤིང་ངོ་། །ཌི་ཌྷ་པྲ་རོ་ནི་བཱ་ལཱའོ། །སིནྷུ་པ་ར་ནི་ནིར་གུཎྜའོ། །ཤྱཱ་མ་ནི་པྲི་ཡ་ཀུའོ། །ཀེ་ཤ་རི་ནི་ནཱ་ག་གེ་སར་རོ། །
D382.079.0170b05.01རིག་པ་འཛིན་པ་ནི་ཙམ་པ་ཀའོ། །ནཱ་ག་ནི་པུ་ན་ན་གའོ། །འཁོར་ལོ་འཐག་པ་ནི་ཨེ་ཌ་ཙིའོ། །མཚན་མོ་སྤྱོད་པ་ནི་ཡུང་བའོ། །ཤི་ཁི་ནི་རྨ་བྱའི་གཙུག་པུད་དོ། །པྲ་བ་ན་ནི་བལླ་ཀའོ། །འབྱུང་པོའི་དགྲ་བོ་ནི་ནིར་གུན་ཏིའོ། །བ་ར་ཧྲི་ད་ནི་བལླ་བྷི་དང་རྐུན་མའི་མེ་ཏོག་
D382.079.0170b06.01ཏུ་བརྗོད་དོ། །ཀ་རན་ལ་ནི་ཀ་ར་ཉྫའོ། །མན་ཛ་རི་ནི་འདུལ་བར་བྱེད་པའོ། །གསེར་གྱི་ཤིང་གི་ཤུན་པ་ནི་པགས་པའོ། །གྷ་ན་ནི་མུསྟ་ཀའོ། །མཚན་མོའི་ཤིང་ནི་སྐྱེར་པའི་ཤིང་ངོ་། །ནད་ཀྱི་དབང་པོ་ནི་ཀུནྡའོ། །སྲིད་པའི་རྡུལ་ནི་ཁྱིམ་གྱི་མེ་ཏོག་གོ། །རྐུན་མ་ནི་
D382.079.0170b07.01