完整藏文原文 · 德格版页 当前仅加载第 79 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་དངོས་པོ་སྦས་པའོ། །གསང་བ་ནི་གསང་བའི་པདྨའོ། །གསང་བ་ནི་ལྟེ་བའི་དགའ་བའོ། །གསང་བ་ནི་ཐམས་ཅད་དུ་འགྲོ་བའོ། །གསང་བ་ནི་བདེ་བ་ཐམས་ཅད་མཐའ་ཡས་པ་སྟེ། རྒྱུད་ཀྱི་གཞུང་གིས་བཤད་དོ། །གསང་བ་ཡང་ནི་བྱང་
D382.079.0167a01.01ཆུབ་སེམས། །གཉིས་པ་ཐབས་དང་ཤེས་རབ་ཉིད། །གསུམ་པ་ཡང་ནི་སྙིང་རྗེ་སྟེ། །བཞི་པ་སྙིང་པོ་དམ་པ་ཉིད། །ལྔ་པ་མཉམ་པ་ཉིད་དུ་གསུངས། །དྲུག་པ་ཡང་ནི་བྱམས་པ་ཉིད། །བདུན་པ་ཆོས་ཉིད་ཡེ་ཤེས་ཏེ། །འདི་རྣམས་གནས་སུ་ཀུན་ཏུ་བཞུགས། །
D382.079.0167a02.01བྱང་ཆུབ་སེམས་ནི་མ་སྐྱེས་པ། །ཏིང་འཛིན་རྣམ་པ་སྣ་ཚོགས་མཆོག །མིང་ནི་མཛེས་སྤྱིར་རྣམ་པར་བཤད། །རྡོ་རྗེ་སེམས་དཔའི་དགའ་མ་དེ། །མང་པོའི་གནས་སུ་གཅིག་པུ་སྟེ། །དེ་ནི་ཤེས་རབ་ཕ་རོལ་ཕྱིན། །ཀུན་མཁྱེན་ཀུན་འགྲོ་ཐམས་ཅད་པ། །ཕྲ་སྙིང་
D382.079.0167a03.01གསང་བའི་མཁའ་གྲོང་འགྲོ། །སྒྱུ་མའི་གཟུགས་བརྒྱ་རིག་པའི་ཕྱིར། །སངས་རྒྱས་ཀུན་གྱིས་འཆད་པར་བྱེད། །མེ་ལོང་ལ་སོགས་དངོས་པོ་ཡིས། །སྔགས་ནི་ལྔ་པོ་ཡང་དག་བཤད། །ཤེས་རབ་ཕ་རོལ་ཕྱིན་པར་གསུངས། །ཡི་གེ་དང་པོ་གཅིག་གྱུར་
D382.079.0167a04.01པ། །མེ་ལོང་ལ་སོགས་བདེ་གཤེགས་ལྔ། །དྲུག་པ་དཔལ་ལྡན་བདེ་ཆེན་པོ། །དེ་ཡི་ཡང་ནི་ཡེ་ཤེས་གཞན། །དྲུག་པ་སྟེང་དུ་གྲགས་པ་མེད། །རྒྱུད་ནི་འབུམ་ཕྲག་ཆད་དུ་ནི། །དྲུག་པ་ཡོད་པར་མ་གསུངས་སོ། །རྡོ་རྗེ་སེམས་དཔའ་ལྟ་བུ་ཉིད། །མི་
D382.079.0167a05.01ཡི་འཇིག་རྟེན་ཡོད་མ་ཡིན། །དེ་ཕྱིར་ང་ཡིས་ཁྱོད་ལ་བཤད། །འདི་ཉིད་ཀྱི་ནི་ནང་སོན་པས། །གཉིས་མེད་མཉམ་པ་ཉིད་དུ་གང་། །སྔོན་དང་ཕྱི་མར་བཅོམ་ལྡན་འདས། །དཔལ་ལྡན་རྡོ་རྗེ་སེམས་དཔས་གསུངས། །འདི་ལ་སློབ་དཔོན་གྱིས་ཐམས་ཅད་དུ་འགྲོ་བའི་
D382.079.0167a06.01ཡེ་ཤེས་ཇི་ལྟ་བུ་ལགས། ཐམས་ཅད་བདག་ཉིད་རྟག་ཏུ་བཞུགས། །གནས་ནི་རྣམ་པ་བཞི་རུ་གསུངས། །བཞི་ནི་ཆ་དང་ཡང་དག་ལྡན། །པདྨ་བཞི་ལ་རྣམ་པར་གནས། །སྤྱི་བོ་མེད་སྙིང་པདྨར་གནས། །ཁ་ཡི་པདྨའི་སྤྱི་བོར་གནས། །ལྟེ་བའི་པདྨར་གནས་
D382.079.0167a07.01