完整藏文原文 · 德格版页 当前仅加载第 79 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
བཀྲ་ཤིས་ལོ་གྲངས་ལྡན་པ་ཡི། །བུ་མོས་ས་ཡི་ཕྱོགས་མཐུན་པའི། །ཀུ་ཤ་བཙལ་ལ་མཚན་མ་བརྟག །སོ་ཤིང་རྩེ་མོར་མེ་ཏོག་དྲི། །བསྲུང་སྐུད་ལ་སོགས་མཚན་མ་བརྟག །དབང་གི་དཀྱིལ་འཁོར་བསྐྱེད་པར་བྱ། །དཀྱིལ་འཁོར་སློབ་མ་རབ་འབྲིང་ཐ། །
D388.079.0204a01.01ཏིང་འཛིན་མེ་ཏོག་རྡུལ་ཚོན་རིམ། །གང་དང་ལྡན་པ་དེ་ཉིད་དོ། །དེ་ནས་མཆོད་རྫས་རིམ་པ་དགྲམ། །ཁཾ་བཱིར་ཡི་སྔགས་ཀྱིས་ཀྱང་། །དེ་ལ་རྡོ་རྗེ་བྱ་བ་པར་བྱ། །དེ་ནས་ཀུ་ཤ་ལ་སོགས་པ། །སྤོགས་པའི་ཆོ་ག་དང་བཅས་བྱ། །གཞན་ཡང་སྔོན་དུ་འགྲོ་བའི་རྫས། །བླ་མ་མཉེས་
D388.079.0204a02.01པར་བྱ་བ་དང་། །དཀྱིལ་འཁོར་ལྷ་རྣམས་མཆོད་པའི་ཕྱིར། །རྟ་དང་གླང་པོ་མ་ཧེ་དང་། །རིན་ཆེན་ལ་སོགས་གཏེར་རྣམས་དང་། །སྤོས་དང་མར་མེ་ལ་སོགས་པ། །བརྒྱའམ་སྟོང་ངམ་ཁྲིའམ་འབུམ། །བླ་རེ་རྒྱན་དང་བ་དན་སོགས། །བྱིན་བརླབས་ཚོགས་བསག་ཕྱི་རུ་དགོད། །
D388.079.0204a03.01དེ་ནས་སློབ་མ་གཞུག་པར་བྱ། །ཁྲུས་དང་ཡན་ལག་དྲི་ཡིས་བྱུག །ཀྱེ་ཧོ་ཁྱོད་ནི་ཇི་ལྟ་བུ། །འཇིག་རྟེན་འཕྲུལ་པ་ལས་སད་ན། །ཧེ་རུ་ཀར་གྲགས་ཆེན་པོ་ཡི། །དཀྱིལ་འཁོར་ཆེན་པོར་ཁྱོད་རོལ་ལམ། །དད་པ་དང་བཅས་སྤྲོ་བར་གྱིས། །རྣམ་རྟོག་དང་བྲལ་རྡོ་རྗེ་སེམས། །དགའ་
D388.079.0204a04.01ཆེན་ཁྱོད་བདག་སྟོན་པ་པོ། །རྡོ་རྗེ་འཛིན་པ་དགོངས་སུ་གསོལ། །བྱང་ཆུབ་ཆེན་པོར་ལུང་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ནི་བདག་ལ་སྩོལ། །པདྨ་ལས་བྱུང་བདག་ལ་སྩོལ། །གསང་བ་དགྱེས་པ་བདག་
D388.079.0204a05.01ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་བདག་ནི་འཇུག་པར་འཚལ། །ལེགས་སོ་ལེགས་སོ་རིགས་ཀྱི་བུ། །རྒྱལ་སྲས་ཀུན་གྱི་ནང་ན་མཆོག །རྣམ་རྟོག་ཐམས་ཅད་འཇིག་བྱེད་པས། །གཉིས་མེད་ཁྱོད་ཀྱིས་བླང་བར་བྱ། །མི་བསྐྱོད་བཅོམ་ལྡན་དང་
D388.079.0204a06.01མཚུངས་པའི། །ཟིལ་གྱིས་མི་ནོན་ཁྱོད་ཀྱིས་བླངས། །དམ་ཚིག་སྤྱོད་པ་སྤྱད་པ་ཡི། །མཆོག་གི་དེ་ཉིད་བླང་བར་བྱ། །ཐབས་དང་ཤེས་རབ་ཟུང་དུ་སྦྲེལ། །ནམ་ཡང་ཁྱོད་ཀྱིས་སྤང་མི་བྱ། །ཚངས་སྤྱོད་དེ་བཞིན་བསམ་གཏན་ལ། །འབད་པས་སེམས་ནི་བརྟན་པར་བྱ། །
D388.079.0204a07.01