完整藏文原文 · 德格版页 当前仅加载第 79 函德格 207b 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་ཅན། །ཨེ་ནི་ཡེ་ཤེས་མཁའ་འགྲོ་ཡིན། །ཝྃ་ནི་རྡོ་རྗེའི་མཁའ་འགྲོ་ཡིན། །མ་ནི་ཤ་ཟའི་མཁའ་འགྲོ་སྟེ། །ཡཱ་ནི་ལས་ཀྱི་མཁའ་འགྲོའོ། །ཨེ་ནི་འགོག་པ་ཝྃ་ནི་ལམ། །མ་ནི་སྡུག་བསྔལ་ཡཱ་ཀུན་འབྱུང་། །ཨེ་ནི་བདེ་ཆེན་ཝྃ་ལོངས་སྤྱོད། །མ་ནི་ཆོས་ལ་ཡཱ་སྤྲུལ་པ། །
D388.079.0207b01.01ཨེ་ནི་མཚན་ལ་ཝྃ་སྟོང་པ། །མ་ནི་རྣམ་ཐར་ཡཱ་དཔེ་བྱད། །ཨེ་ནི་རྣམ་པ་སྣ་ཚོགས་ཏེ། །ཝྃ་ནི་རྣམ་པར་སྨིན་པའོ། །མ་ནི་རྣམ་པར་ཉེད་པ་སྟེ། །ཡཱ་ནི་རྣམ་པ་མཚན་ཉིད་བྲལ། །ཨེ་ནི་ཆུང་བ་ཝྃ་འབྲིང་པོ། །མ་ནི་ལྷག་པ་ཡཱ་ཆེར་ལྷག །ཨེ་ནི་གཡས་ནས་མེ་རྒྱུ་སྟེ། ཝྃ་ནི་གཡོན་
D388.079.0207b02.01ནས་རླུང་རྒྱུའོ། །མ་ནི་འོག་ནས་ས་རླུང་རྒྱུ། །ཡཱ་ནི་སྟེང་ནས་ཆུ་རླུང་རྒྱུ། །ཨེ་ནི་གནས་བརྟན་ཝྃ་ཕལ་ཆེན། །མ་ནི་བཀུར་བ་ཡཱ་ཐམས་ཅད། །ཨེ་ནི་བསྙེན་པ་ཝྃ་ཉེ་བསྟེན། །མ་ནི་སྒྲུབ་པ་ཡཱ་བསྒྲུབ་ཆེ། །ཨེ་ནི་ཤར་ལྷོ་ཝྃ་ལྷོ་ནུབ། །མ་ནི་ནུབ་བྱང་ཡཱ་བྱང་ཤར། །ཨེ་ནི་རྒྱུད་ལ་ཝྃ་ནི་
D388.079.0207b03.01སྔགས། །མ་ནི་ཡེ་ཤེས་ཡཱ་གསང་བ། །ཨེ་ནི་སྣང་བ་ཝྃ་སྣང་མཆེད། །མ་ནི་སྣང་ཐོབ་ཡཱ་འོད་གསལ། །ཨེ་ནི་བདག་གི་བཟང་པོ་ཡིན། །ཝྃ་ནི་དུས་ཀྱི་བཟང་པོའོ། །མ་ནི་ཡེ་ཤེས་བཟང་པོར་གསུངས། །ཡཱ་ནི་རླུང་གི་བཟང་པོ་ཡིན། །ཨེ་ནི་བདག་གི་གནས་ཡིན་ཏེ། །ཝྃ་ནི་རྣལ་
D388.079.0207b04.01འབྱོར་གནས་སུ་བསྟན། །མ་ནི་གཞན་གྱི་གནས་ཡིན་ཏེ། །ཡཱ་ནི་རྒྱུད་ཀྱི་གནས་ཡིན་ནོ། །ཨེ་ནི་དགའ་བ་ཝྃ་མཆོག་དགའ། །མ་ནི་ལྷན་ཅིག་ཡཱ་དགའ་བྲལ། །ཨེ་ནི་མེ་ལོང་ཝྃ་མཉམ་ཉིད། །མ་ནི་ཀུན་རྟོག་ཡཱ་ནན་ཏན། །ཨེ་ནི་ཆོས་སྐུ་ཝྃ་ལོངས་སྤྱོད། །མ་ནི་སྤྲུལ་སྐུ་ཡཱ་བདེ་
D388.079.0207b05.01ཆེན། །ཨེ་ནི་ཞི་བ་ཝྃ་ནི་དབང་། །མ་ནི་རྒྱས་པ་ཡཱ་གསོད་པ། །ཡི་གེ་བཏུས་པའི་སྔགས་ཆེན་གསུམ། །ཨོཾ་ནི་སྐུ་ཡི་འཁོར་ལོ་སྟེ། །ཨཱཿནི་གསུང་གི་འཁོར་ལོའོ། །ཧཱུྃ་ནི་ཐུགས་ཀྱི་འཁོར་ལོ་ཡིན། །ཨོཾ་ནི་རྣམ་སྣང་ཨཱཿའོད་དཔག །ཧཱུྃ་ནི་མི་བསྐྱོད་རང་བཞིན་ནོ། །ཨོཾ་ནི་ཕྱག་
D388.079.0207b06.01གཡོན་ཧཱུྃ་ནི་གཡས། །ཨཱཿནི་དབུས་ཀྱི་སྙིང་ག་ཡིན། །ཨོཾ་ནི་གཡོན་གྱི་སྤྱན་ཡིན་ཏེ། །ཧཱུྃ་ནི་གཡས་པ་ཨཱཿདབུ་མ། །ཨོཾ་ནི་སྲོག་ཡིན་ཧཱུྃ་རྩོམ་པ། །ཨཱཿནི་གནས་པར་ཤེས་པར་བྱ། །ཨོཾ་ནི་སྐུ་ལ་ཧཱུྃ་ནི་ཐུགས། ཨཱཿནི་གསུང་དུ་ཤེས་པར་བྱ། །ཨོཾ་ནི་ལུས་ལ་ཨཱཿནི་ངག །
D388.079.0207b07.01