完整藏文原文 · 德格版页 当前仅加载第 79 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
དྲུག །རྣམ་ཐར་གསང་བའི་ཕོ་བྲང་གནས། །སྐྱེ་མཆེད་རིག་པར་གནས་པའོ། །སྟོང་པ་རྟ་མགྲིན་འཁོར་ལོར་གནས། །ཁམས་རྣམས་གསང་བ་བདེ་སྐྱོང་གནས། །འདབ་ལ་སྤྲུལ་པའི་འཁོར་ལོར་གནས། །ཡང་དག་སྤོང་བ་སྙིང་གར་གནས། །ཧེ་རུ་ཀར་ནི་མ་གཤིགས་ཤིང་། །
D388.079.0206b01.01རྡོ་རྗེ་མངའ་ཡིས་མ་བརྒྱབ་པའོ། །དྲང་བའི་ཚད་ནི་སོར་བཞི་འབྱུང་། །དང་པོར་ཁྲུས་བྱས་གཉིས་པ་ལ། །སྨན་དང་སྣུམ་དང་དྲི་དང་གསུམ། །སུམ་ཆ་སུམ་གཉིས་སྟོད་སྨད་དུ། །ལུས་ལ་བསྐུ་ཞིང་མེ་ལ་བདུག །རྩེ་གསུམ་རྩ་ནི་ཤིན་ཏུ་ཟབ། །བ་སྤྲུ་བ་དང་ལྕ་བ་དང་། །ར་མཉེ་བ་དང་
D388.079.0206b02.01ཉེའུ་ཤིང་དང་། །ར་མོ་ཤགས་དང་ཡན་ལག་བཅས། །རྡོ་ལ་སོགས་པ་ལྔ་སྦྱར་དང་། །གཞན་ཡང་སྨན་དང་སྣུམ་དང་དྲི། །དར་ལ་སོགས་པའི་ནང་དུ་བླུགས། །སྒོ་གཉིས་ནས་ནི་ཐོ་ལྡོས་བདུག །ཟབ་པའི་སྔགས་བཏབ་བསྒོམས་བྱས་ན། །དང་པོར་མཚན་མ་ཤེས་པར་བྱ། །
D388.079.0206b03.01ཆགས་པའི་གཟི་ལྡན་སྣ་ཚོགས་འབྱུང་། །ཐ་མའང་གསུམ་མམ་བདུན་ན་འབྱུང་། །དགོངས་པའི་བྱེ་བྲག་ཤེས་གྱུར་ནས། །སྔགས་དང་སྨན་གྱི་ཁྱད་པར་རོ། །དགོངས་པ་མི་ཤེས་འདོད་ཆགས་ཕྱིར། །སྨན་ལ་སོགས་པ་བཙལ་མི་བྱ། །འདི་ཡི་སྡིག་པ་བསམ་མི་ཁྱབ། །
D388.079.0206b04.01བདུག་པའི་སྦྱོར་ཐབས་ཤེས་གྱུར་ན། །དབུས་ཀྱི་རྩ་ཡི་ཁ་འབྱེད་པ། །སྦྱོར་ཐབས་ཁྱད་པར་ཡིན་པར་གསུངས། །བདེ་ཆེན་གོ་བཟློག་སྦྱོར་བ་དང་། །འཁོར་ལོའི་གོ་བཟློག་སྦྱོར་བ་དང་། །སྐུ་ཡི་གོ་བཟློག་སྦྱོར་བ་དང་། །ཡེ་ཤེས་གོ་བཟློག་སྦྱོར་བ་དང་། །འབྱུང་བ་གོ་བཟློག་
D388.079.0206b05.01སྦྱོར་བ་དང་། །ཡུམ་གྱི་གོ་བཟློག་སྦྱོར་བ་དང་། །ཐིག་ལེ་གོ་བཟློག་སྦྱོར་བ་དང་། །བསམ་གཏན་གོ་བཟློག་སྦྱོར་བ་དང་། །ཡི་གེ་གོ་བཟློག་སྦྱོར་བ་དང་། །སྟོང་པའི་གོ་བཟློག་སྦྱོར་བ་དང་། །དབུགས་ཀྱི་གོ་བཟློག་སྦྱོར་བ་དང་། །དགའ་བའི་གོ་བཟློག་སྦྱོར་བ་དང་། །གཏུམ་མོའི་
D388.079.0206b06.01གོ་བཟློག་སྦྱོར་བ་དང་། །རྩ་ཡི་གོ་བཟློག་སྦྱོར་བ་དང་། །བྱང་སེམས་གོ་བཟློག་སྦྱོར་བ་དང་། །གཡས་གཡོན་གོ་བཟློག་སྦྱོར་བ་དང་། །བརྡ་ཡི་གོ་བཟློག་སྦྱོར་བ་དང་། །རྟེན་གྱི་གོ་བཟློག་སྦྱོར་བ་རྣམས། །ཀུན་མཁྱེན་གྱིས་ཀྱང་མ་གཟིགས་པ། །སངས་རྒྱས་རྣམས་ཀྱི་ཐུགས་ཀྱི་གསང་། །
D388.079.0206b07.01