完整藏文原文 · 德格版页 当前仅加载第 80 函德格 171b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་ཕྱག་ན་རྡོ་རྗེ་ལ་སོགས་པ་བྱང་ཆུབ་སེམས་དཔའ་ཐམས་ཅད་དང་། མི་བསྐྱོད་པ་ལ་སོགས་པ་དེ་བཞིན་གཤེགས་པ་ཐམས་ཅད་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སོགས་པ་རྡོ་རྗེ་བཙུན་མོ་ཐམས་ཅད་དང་། ཛམ་བྷ་ལ་ལ་སོགས་པའི་རྡོ་རྗེ་གནོད་སྦྱིན་
D426.080.0171b01.01ཐམས་ཅད་དང་། དབང་ལྡན་ལ་སོགས་པའི་འབྱུང་པོ་ཐམས་ཅད་དང་། དབང་པོ་ལ་སོགས་པ་རྡོ་རྗེ་ནམ་མཁའ་ལ་གནས་པ་ཐམས་ཅད་དང་། གླང་པོ་ཆེའི་རྣ་བ་ལ་སོགས་པ་ཞིང་སྐྱོང་བ་ཐམས་ཅད་དང་། ཀུན་དར་ལ་སོགས་པའི་{ཡི་དགས་,ཡི་དྭགས་}ཐམས་ཅད་དང་། དེ་དག་ལ་
D426.080.0171b02.01སོགས་པ་སེམས་ཅན་ཐམས་ཅད་ཀྱི་ཆོས་ཉན་པའི་སྦྱོར་བ་དེས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྡོ་རྗེ་ཨཱ་ར་ལི་ཆེན་པོ་ལ་ཞུས་པ། བཅོམ་ལྡན་འདས་གཏོར་མའི་སྔགས་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། །བདེ་གཤེགས་ཀུན་གྱི་སྟོན་པ་
D426.080.0171b03.01ཡིས། །གཏོར་མའི་ལས་ནི་རབ་ཏུ་ཕྱེ། །ཕྱག་རྒྱ་ཡང་ནི་ཁྱད་པར་དུ། །འདོད་པའི་དོན་ཀུན་སྒྲུབ་པའོ། །རྡོ་རྗེ་ཐལ་མོ་གྱེན་ཕྱེ་ནས། །ཨོྃ་ཛྭ་ལ་ཛྭ་ལ་བྷྱོ་ཧཱུྃ་ཕཊ་སྭཱ་ཧཱ། འདི་ཉིད་སྔགས་ནི་ཆེན་པོ་ཉིད། །དེ་བཞིན་དུ་ནི་གཏོར་མའི་སྔགས། །ལས་ནི་ཐམས་ཅད་པ་ཡི་
D426.080.0171b04.01སྔགས། །ཡིན་པ་ཉིད་དུ་ཐེ་ཚོམ་མེད། །རྡོ་རྗེ་ཨཱ་ར་ལི་ལས་གཏོར་མའི་བྱ་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཀྱིས་མིང་ཡང་དག་པར་རབ་ཏུ་ཕྱེ་བ། གདོང་རིང་ན་ནི་མཐོ་བ་དང་། །དེ་བཞིན་དཔག་བསམ་ཤིང་ཉིད་དང་། །ཚངས་པར་སྤྱོད་པ་མང་
D426.080.0171b05.01བ་ཉིད། །དམ་ཚིག་འདིར་ནི་དངོས་གྲུབ་བྱིན། །གླང་པོ་རྟ་བོང་གླང་རྔ་མོ། །ཁྱི་ལས་བྱུང་བའི་མར་མེ་དང་། །མར་མེ་ཆེན་པོ་བསྲེགས་ནས་ནི། །ཚངས་སྤྱོད་འཛིན་པ་མཆོད་པར་བྱ། །དེ་ནས་སྡོམ་པ་བཀའ་སྩལ་པ། །ཁྱོད་ཀྱིས་སྲོག་ཆགས་གསད་པར་བྱ། །{བརྫུན་,རྫུན་}གྱི་
D426.080.0171b06.01ཚིག་ཀྱང་སྨྲ་བར་བྱ། །ཁྱོད་ཀྱིས་མ་བྱིན་པར་ཡང་ལོང་། །གཞན་གྱི་བུད་མེད་བསྟེན་པར་གྱིས། །མ་དང་སྲིང་མོ་ཉིད་དང་ཡང་། །བུ་མོ་སྲིང་མོའི་བུ་མོ་ནི། །ཐབས་དང་ཤེས་རབ་ཆོ་ག་ཡིས། །རྣལ་འབྱོར་རིག་པས་རྟག་ཏུ་མཆོད། །དེ་ནས་དབང་བསྐུར་བཀའ་སྩལ་
D426.080.0171b07.01