完整藏文原文 · 德格版页 当前仅加载第 80 函德格 175a 版页；藏文 NFD、目录标记与异常页序保留在来源切片中，重复版页行以稳定序号区分。
བཙུན་མོ་བསྲུང་བ་ནི། །གཤིན་རྗེ་མཐར་བྱེད་དུ་ནི་འགྱུར། །ཤེས་རབ་མཐར་བྱེད་དཔུང་གི་མགོན། །པདྨ་མཐར་བྱེད་སྐུ་བསྲུང་བདག །དེ་ཡི་བགེགས་ཀྱི་མཐར་བྱེད་ནི། །དམག་དཔོན་དུ་ནི་བརྗོད་པ་ཡིན། །འདོད་
D426.080.0175a01.01པའི་རྒྱལ་པོ་ཞེས་བྱ་བ། །དེ་ཡི་གཤེད་མའི་བདག་པོ་ཉིད། །དཔལ་ལྡན་དབྱིག་པ་སྔོན་པོ་ནི། །སྒོ་སྲུང་བ་ཡི་བདག་པོ་ཉིད། །ཐམས་ཅད་ལ་ནི་དབང་བྱེད་པ། །ཞར་བ་མི་གཡོ་མགོན་པོ་ཉིད། །ཡི་གེ་པ་ཡི་བདག་པོ་ནི། །དེ་བཞིན་དུ་
D426.080.0175a02.01ནི་སྟོབས་པོ་ཆེ། །རྡོ་རྗེ་ཨཱ་ར་ལི་ལས་དངོས་གྲུབ་བསྒྲུབ་པའི་ལེའུ་སྟེ་བདུན་པའོ།། །།དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་སོགས་པ་ཐམས་ཅད་གཏམ་འདི་ཐོས་ནས་སྲིད་པའི་སྦྱོར་བ་ཀུན་ཏུ་བཅད་ཅིང་རྣམ་པར་དག་པར་གྱུར་པ་དང་། །
D426.080.0175a03.01སྡིག་པ་ཟད་ཅིང་ཉོན་མོངས་པ་བསྲེགས་པར་གྱུར་ཏོ། །དེ་ནས་བྱང་ཆུབ་སེམས་དཔའ་དེ་དག་གིས་ཚིག་འདི་སྐད་ཅེས་གསོལ་ཏོ། །རྡོ་རྗེ་ཨཱ་ར་ལི་བརྩོན་ཆེ། །སྣ་ཚོགས་ཨེ་མ་རྨད་བྱུང་བ། །གང་ཞིག་བདག་ཅག་ཉོན་མོངས་ཁེབས། །གང་ཞིག་བདག་
D426.080.0175a04.01ཅག་གྲུབ་འགྱུར་བ། །དེ་ནས་བྱང་ཆུབ་སེམས་དཔའ་དེ་རྣམས་རྐང་གཉིས་ཀྱི་མཆོག་དམ་པ་ཟོབ་ནས་སངས་རྒྱས་ཀྱི་རོལ་བ་སྟོན་པར་བྱེད་དོ། །ལ་ལར་རྫོགས་པའི་བྱང་ཆུབ་མཛད། །ཁ་ཅིག་ཏུ་ནི་དཀའ་ཐུབ་སྤྱོད། །ལྷ་ལས་བབས་པའི་སྤྲུལ་
D426.080.0175a05.01པ་དང་། །དེ་བཞིན་ཁབ་ནས་འབྱུང་བ་དང་། །ཆོས་ཀྱི་འཁོར་ལོ་བསྐོར་བ་དང་། །ཁ་ཅིག་ཏུ་ནི་རབ་བྱུང་བྱེད། །འདུལ་བར་སྟོན་པར་བྱེད་པ་དང་། །མངོན་པའི་སེམས་ནི་ལྷག་པའི་སེམས། །ལ་ལར་སྔགས་ཀྱི་བདག་ཉིད་འཆང་། །ཁ་ཅིག་
D426.080.0175a06.01ཕ་རོལ་ཕྱིན་པའི་ཚུལ། །ཁ་ཅིག་བྱེ་བྲག་སྨྲ་བའི་ལམ། །ཁ་ཅིག་ཏུ་ནི་མདོ་སྡེ་པ། །ཁ་ཅིག་ཏུ་ནི་རྣམ་ཤེས་ཉིད། །ཁ་ཅིག་ཏུ་ནི་དབུ་མ་ཉིད། །ལ་ལར་དམྱལ་བ་ཆེན་པོར་འགྲོ། །ལ་ལར་སེམས་ཅན་རྗེས་སུ་སྐྱོང་། །སེམས་ཅན་
D426.080.0175a07.01