完整藏文原文 · 德格版页 当前仅加载第 80 函德格 175b 版页；藏文 NFD、目录标记与异常页序保留在来源切片中，重复版页行以稳定序号区分。
འདུལ་བ་ལ་བལྟས་ནས། །སྙིང་རྗེའི་བསམ་པས་རོལ་པར་བྱ། །རྡོ་རྗེ་ཨཱ་ར་ལི་ལས་ཕན་ཡོན་གྱི་ལེའུ་སྟེ་བརྒྱད་པའོ།། །།དེ་ནས་དེ་བཞིན་གཤེགས་པ་ཐམས་ཅད་དང་། གང་ཡང་བྱང་ཆུབ་སེམས་དཔའ་དེ་དག་གིས་ལས་རྣམ་པར་འབྱེད་
D426.080.0175b01.01པ་བསྟན་པར་བྱའོ། །གང་ཞིག་རྒྱུད་གང་དུ་དམ་ཚིག་བྱེད་པ་དེས་ནི་འཇིག་རྟེན་གསུམ་པོ་ཀུན་གྱིས་བསྟོད་པར་འགྱུར་རོ། །གང་ཞིག་རྒྱུད་དེ་ཡིས་གང་གི་ཚེ་བྱེད་པ་དེ་ནི་སྲིད་པར་མཛེས་པར་འགྱུར་རོ། །གང་ཞིག་གླུ་ཡིས་མཆོད་བྱེད་ན། །དེས་ནི་རྟག་ཏུ་
D426.080.0175b02.01སྒྲ་སྙན་འགྱུར། །གང་ཕྱིར་གང་ཞིག་མར་མེ་འབུལ། །དེ་ནི་མིག་དང་ལྡན་པར་འགྱུར། །གང་ཞིག་གར་གྱིས་མཆོད་བྱེད་པ། །དེ་ནི་རིག་འཛིན་ཆེན་པོར་འགྱུར། །གང་ཞིག་ཕྱག་འཚལ་བྱེད་པ་ནི། །དེ་ལ་སྐྱེ་བོ་ཕྱག་འཚལ་འགྱུར། །གང་
D426.080.0175b03.01ཞིག་དྲི་ཞིམ་འབུལ་བ་ནི། །ལུས་ནི་དྲི་ཞིམ་ལྡན་པར་འགྱུར། །གང་ཞིག་ཕྲེང་བ་བཟང་འབུལ་བ། །དེ་ནི་གསེར་གྱི་ཕྲེང་ལྡན་འགྱུར། །གང་ཞིག་གོས་ནི་འབུལ་བ་ནི། །དེས་ནི་ལྷ་ཡི་གོས་རྙེད་འགྱུར། །གང་ཞིག་མཚན་ཙམ་འདོན་པ་དང་། །
D426.080.0175b04.01དད་པ་ཙམ་ཡང་རབ་བྱེད་པ། །ལྷག་པར་མོས་པ་རབ་ཏུ་བྱེད། །གང་ཞིག་སྐྱེ་བོ་མཆོད་བྱེད་པ། །དེ་རྣམས་ཐམས་ཅད་རྣམ་དག་པའི། །སྲིད་པའི་ལོངས་སྤྱོད་རབ་ཏུ་བཟང་། །རྡོ་རྗེ་ཨཱ་ར་ལི་ལས་ཡོན་ཏན་རྗེས་སུ་བསྔགས་པའི་ལེའུ་སྟེ་དགུ་
D426.080.0175b05.01པའོ།། །།དེ་ནས་ཡང་གང་ཞིག་དེ་ལྟར་རྣམ་པར་དག་པའི་སྦྱིན་པ་བྱིན་པས་དེ་རྐང་གཉིས་ཀྱི་མཆོག་ཏུ་འགྱུར་རོ། །དེ་ནས་བྱང་ཆུབ་སེམས་དཔའ་དེ་དག་དགའ་བས་ཐེ་ཚོམ་སྐྱེས་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་ཉེ་བར་འདུག་སྟེ་
D426.080.0175b06.01ཞུས་པ། ཇི་ལྟ་བུ་ཡི་རྣལ་འབྱོར་བགྱི། །བཅོམ་ལྡན་འདས་ཀྱིས་བཀའ་སྩལ་པ། །སྦྱིན་པ་མཐའ་གསུམ་ཡོངས་དག་པ། །ཧེ་རུ་ཀ་ནི་བསྒོམ་པར་བྱ། །སྦྱིན་པ་ཡང་ནི་ཧེ་རུ་ཀ །གང་ལ་སྦྱིན་པའང་དེ་ལྟ་བུ། །སྦྱིན་པ་འདི་ནི་རབ་ཏུ་བསྔགས། །
D426.080.0175b07.01