完整藏文原文 · 德格版页 当前仅加载第 81 函德格 28a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་མགོན་པོའི་སྐུ་རུ་འགྱུར། །གང་གིས་གཞན་དུ་བཟླས་བྱས་དང་། །ལས་རྣམས་ཀྱང་ནི་བསྒྲུབ་བྱས་ན། །དེ་ནི་མཁའ་ལ་ཁུ་ཚུར་བསྣུན། །རྨོངས་པས་སྤུན་སྟོང་འཇོམས་པར་བྱེད། །བསམ་གཏན་སྦྱོར་བས་ཆོ་ག་བཞིན། །ལས་གང་རྟག་ཏུ་བྱ་བ་སྟེ། །
D436.081.0028a01.01དེ་ལས་མྱུར་དུ་སྒྲུབ་བྱེད་དོ། །དེ་ཡི་ལས་ནི་ཡིད་ཀྱིར་འདོད། །རིགས་ཀྱི་འཇིག་རྟེན་དབང་ཕྱུག་གི་རྟོག་པ་ལྔ་བཅུ་པ་ལས་བདག་གི་དེ་ཁོ་ན་ཉིད་ཀྱི་ལེའུ་སྟེ་གཉིས་པའོ།། །།རང་བཞིན་བསམ་གཏན་དང་བཅས་ཤིང་། །ཛཱ་ཏི་མཚལ་གྱི་འོད་ཟེར་བཞིན། །སེ་འབྲུ་ལེ་བརྒན་མེ་ཏོག་བཞིན། །
D436.081.0028a02.01ལི་ཁྲི་དམར་པོ་དང་མཚུངས་གཙོ། །སྔགས་ཀྱི་སྐུ་ཡི་ལྷ་ཡི་ལྷ། །ཞལ་གཅིག་ཕྱག་ནི་བཞི་པ་སྟེ། །མཁའ་པད་ཟླ་བའི་གདན་ལ་བཞུགས། །ཁྱབ་བདག་ཞགས་པ་ལྕགས་ཀྱུ་བསྣམས། །མཆོག་སྦྱིན་ཕྱག་གིས་ཡང་དག་རོལ། །མུ་ཏིག་ནོར་བུས་རྣམ་པར་བརྒྱན། །པདྨའི་
D436.081.0028a03.01ཕྱག་དང་སྤྱན་གསུམ་པོ། །གཟི་བརྗིད་ཆེན་པོ་སྣ་ཚོགས་སྐུ། །དཔའ་བོ་དབང་ཕྱུག་འགྲོ་བའི་མགོན། །རྣལ་འབྱོར་མ་ཡི་ཐུགས་དགྱེས་པ། །དངོས་གྲུབ་ཐམས་ཅད་རབ་སྟེར་བའི། །སྔགས་རྣམས་ཀུན་ལ་བསམ་གཏན་བྱ། །གང་དང་གང་གིས་བསྒོམ་པ་ཡིས། །རྣལ་འབྱོར་
D436.081.0028a04.01གོམས་པར་གྱུར་པའི་ཕྱིར། །དེ་ནི་དེ་ཡི་རང་བཞིན་འགྱུར། །ཡིད་བཞིན་ནོར་མཆོག་ཇི་བཞིན་ནོ། །ལྷ་ནི་དཀར་པོས་ཞི་རབ་སྟེར། །དེ་བཞིན་ངག་ནི་རབ་སད་བྱེད། །དབང་དང་དགུག་པའི་དེ་ཉིད་ལ། །སྐུ་མདོག་དམར་པོ་རྣམ་པར་བསམ། །དུ་བ་དམར་པོའི་འོད་མདོག་ཅན། །རླུང་
D436.081.0028a05.01གི་དཀྱིལ་འཁོར་གྱིས་དཀྲིས་པས། །དགྲ་བོ་རྣམས་ནི་ཉེར་སྐྲོད་པ། །འདིར་ནི་ཐེ་ཚོམ་མེད་པར་བྱེད། །དུ་བ་སྐྱ་བོ་དམར་བ་ཡིས། །རྣམ་པར་ཞེ་སྡང་ངེས་སྦྱོར་བ། །གསད་པ་ལ་ནི་ཁ་དོག་གནག །རེངས་པ་ལ་ནི་སེར་པོར་ཤིས། །ལུག་གི་སྟེང་དུ་གནས་པ་ལ། །རྐན་གྱི་བར་དུ་རྣམ་ཕུག་
D436.081.0028a06.01ན། །སྲིད་པ་གསུམ་དུ་གང་གང་གནས། །ཐམས་ཅད་རབ་ཏུ་རྨོངས་པར་བྱེད། །གཞན་དག་རྨོངས་པས་ཅི་ཞིག་བྱ། །དོན་མང་ཚིག་ནི་རབ་འདུས་པ། །འཇིག་རྟེན་གསུམ་གྱི་ལས་རྣམས་ནི། །ཡོན་ཏན་བརྒྱད་དང་ལྡན་པ་ཡི། །རྒྱུད་གཞན་རྣམས་ལ་ཉེར་གྱུར་པ། །གསུངས་དང་མ་གསུངས་
D436.081.0028a07.01