完整藏文原文 · 德格版页 当前仅加载第 81 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
མདུན་དུ་བསྒྲུབ་པར་བྱ། །བྲན་གྱི་ངོ་བོས་འཇུག་འགྱུར་ཞིང་། །འཚོ་བ་དང་ནི་ནོར་གྱིས་ཀྱང་། །ས་སྟེངས་འཇིག་རྟེན་སླར་ཅི་སྨོས། །འགྲུབ་འགྱུར་འདི་ལ་ཐེ་ཚོམ་མེད། །སྔགས་ཀྱི་དབང་པོ་སྒྲུབ་པ་པོས། །རང་དབང་མེད་རྣམས་སྦྱར་མི་བྱ། །སྔགས་
D436.081.0029a01.01ཀྱི་རྒྱལ་དབང་བཟླས་བྱས་པས། །རྒྱལ་སྲིད་སྒྲུབ་པ་དེ་མཆོག་གོ། །གཞན་དུ་གང་གིས་རབ་བསྒྲུབས་ན། །བུད་མེད་འདོད་པས་ལོང་བཞིན་མྱོས། །གལ་ཏེ་ལྷ་ཡི་བུ་མོ་ཡང་། །དེ་ཡི་སྐད་ཅིག་ཉིད་ལ་མཆི། །རིགས་ཀྱི་འཇིག་རྟེན་མགོན་པོའི་ལྔ་བཅུ་པ་ལས་ལྷའི་དེ་ཁོ་ན་ཉིད་
D436.081.0029a02.01ཀྱི་ལེའུ་སྟེ་གསུམ་པའོ།། །།འཇིག་རྟེན་དབང་ཕྱུག་སྙིང་པོ་མཆོག །སྦ་ཞིང་སྲོག་བཞིན་ཡང་དག་བསྲུང་། །དམ་ཚིག་སྤྱོད་པ་དམན་པས་ཀྱང་། །འདྲེན་པའི་བདག་ཉིད་སྔགས་བཟླས་བྱ། །གཅིག་པུ་གྲོགས་དང་བྲལ་བྱས་ཏེ། །བློ་དང་ལྡན་པས་འབུམ་དུ་བཟླས། །དེ་ཡི་
D436.081.0029a03.01མངོན་སུམ་འོང་འགྱུར་ཏེ། །འཁོར་ལོ་གསུམ་དུ་ལེགས་འགྲོ་མཆོག །འཇིག་རྟེན་ཐམས་ཅད་འབྱིན་པ་དང་། །སྡུད་པ་དང་ནི་ཡང་དང་ཡང་། །ནམ་མཁའི་གོ་འཕང་བདེར་འགྲོ་སྟེ། །དྲན་པས་འདི་ལ་ཐེ་ཚོམ་མེད། །སེམས་དང་སེམས་མེད་སྦྱོར་བ་ནི། །སེམས་ནི་སེམས་མེད་ལ་དེས་
D436.081.0029a04.01མཐོང་། །སེམས་ནི་སེམས་མ་ལ་ཐིམ་ནས། །རབ་འཇུག་ལུས་སྐྱེས་མ་རྣམས་ལ། །ནད་བཅས་ནད་མེད་པ་དང་ནི། །ནད་མེད་དེ་བཞིན་ནད་བཅས་བྱེད། །ཞགས་པ་ལྕགས་ཀྱུ་འཛིན་པའི་མཆོག །སྔགས་ཀྱི་རྒྱལ་པོའི་དབང་པོས་སོ། །གཞན་དུ་བྱིས་པ་རྨོངས་པ་ཡིས། །ཟླ་བ་
D436.081.0029a05.01འཛིན་པར་འདོད་པ་བཞིན། །གང་ཞིག་རང་བཞིན་སྦྱོར་བྲལ་བས། །ལས་རྣམས་བསྒྲུབ་པ་དེ་མཆོག་མིན། །གང་གིས་གསུམ་གསུམ་གནས་སྐབས་གསུམ། །འཇིག་རྟེན་མགོན་པོ་ཉིད་རིག་ནས། །ཆུ་འཛིན་བྲལ་བའི་ནམ་མཁའ་བཞིན། །འཇིག་རྟེན་མགོན་པོའི་གོ་འཕང་འགྲོ། །
D436.081.0029a06.01ཞེས་པ་ནི་དཔལ་པདྨ་འབར་བའི་རྒྱུད་ཆེན་པོ་ལས་ཕྱུང་བ་རིགས་ཀྱི་འཇིག་རྟེན་མགོན་པོ་ལྔ་བཅུ་པ་རྫོགས་སོ།། །།པཎྜི་ཏ་ཆེན་པོ་བི་མ་ལ་ཤྲཱི་བྷ་དྲའི་ཞལ་སྔ་ནས། བྱང་ཆུབ་རིན་ཆེན་གྱིས་བསྐུལ་ནས། ཤུད་ཀེ་གྲགས་པ་རྒྱལ་མཚན་གྱིས་དཔལ་ས་སྐྱའི་གཙུག་ལག་ཁང་
D436.081.0029a07.01