完整藏文原文 · 德格版页 当前仅加载第 81 函德格 28b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་པ་ནི། །རང་བཞིན་བསམ་གཏན་སྦྱོར་བ་ཡིས། །བྱ་བ་འདི་ལ་ཐེ་ཚོམ་མེད། །གང་ཞིག་ལྷ་ནི་ནམ་མཁའ་མཚུངས། །ཁ་དོག་དབྱེ་བས་སོ་སོ་སྟེ། །འཇིག་རྟེན་གསུམ་ན་གང་སྤྱོད་པའི། །ལས་རྣམས་ཐམས་ཅད་བྱ་བའོ། །སྐལ་བཟང་བྱེད་པའི་སྔགས་རྣམས་ནི། །སྙིང་གའི་
D436.081.0028b01.01ཆུ་སྐྱེས་དབུས་སོང་བ། །སྙིང་གའི་ཆུ་སྐྱེས་སྦྱོར་བ་ཡིས། །དབང་ལ་སོགས་པ་ཡང་དག་བསྒྲུབ། །ཡི་གེ་གསུམ་དང་བཅས་པའི་ལྷ། །སྟེང་དུ་འགྲོ་བ་གསུམ་ལྡན་པས། །མི་རྣམས་ལས་ནི་རྟག་བསྒྲུབས་པ། །རྣལ་འབྱོར་མ་རྣམས་ཞལ་ལ་གནས། །རྣམ་པ་གསུམ་ནི་འགུགས་པར་
D436.081.0028b02.01བྱེད། །པདྨ་གཟུགས་ལྡན་གྱུར་པས་མཛེས། །རྟག་སྦྱོར་རྒྱུན་དུ་རྣལ་འབྱོར་པས། །མར་མེ་གཡོ་མེད་གནས་པ་བཞིན། །སྔོན་གསུངས་ལྷ་ཡི་ལྷ་དབང་ཕྱུག །སྐྱ་རེངས་དམར་པོ་དང་མཚུངས་འོད། །མཚན་མོ་ཕྱེད་ཀྱི་དུས་གནས་ལ། །རྣལ་འབྱོར་ཉིད་ནི་ཡང་དག་སྤྱོད། །
D436.081.0028b03.01དེ་ཡི་གཟུགས་འཛིན་ལུས་ལ་ནི། །ཡང་དག་སྔོན་དུ་བཀོད་པ་ཡིས། །ཞགས་པ་ལྕགས་ཀྱུ་འཛིན་པའི་ལྷ། །བསྒྲུབ་བྱའི་ལུས་ལ་ཡང་དག་བླང་། །ཐམས་ཅད་བླ་མའི་ཞལ་ལ་གནས། །ཞགས་པ་ལྕགས་ཀྱུའི་འོད་ཟེར་གྱིས། །དེ་ལས་ལྕགས་ཀྱུ་བསྣུན་ནས་ནི། །ཞགས་པ་ཡིས་
D436.081.0028b04.01ནི་འགུགས་པར་བྱེད། །རྣམ་པར་མྱོས་ཤིང་ལུས་ནི་དམར། །ཡང་དང་ཡང་དུ་བརྒྱལ་གྱུར་ཏེ། །བུ་ག་སྒོ་དགུ་ནས་བསྣུན་ནས། །ཁྲག་ནི་རབ་ཏུ་འབབ་པར་བྱེད། །སྒྲིབ་པ་མེད་པར་དང་མཚུངས་པར། །རང་ལུས་རྣམ་པར་བལྟ་བར་བྱ། །དེ་ཡི་དབུགས་ལས་བཞེངས་པའི་སྔགས། །
D436.081.0028b05.01ཡི་གེའི་དབང་པོ་དང་པོར་བསམ། །འབར་ཞིང་འབར་བ་ལྟ་བུ་ཡིས། །ཁ་ཡི་སྒོ་རུ་སྔོན་འདོད་རོལ། །པདྨའི་གཟུགས་འཛིན་དེ་ཡང་ནི། །ཁ་ཡི་ནང་ནས་ངེས་པར་འབྱུང་། །བསྒྲུབ་བྱའི་ཁ་རུ་ཐིམ་གྱུར་ཏེ། །ཇི་སྲིད་དེ་སྙིང་ཆུ་སྐྱེས་ལ། །གང་ཞིག་དེ་ཡི་སྙིང་གནས་པ། །འདིར་ནི་དེའི་སྙིང་
D436.081.0028b06.01ཀུན་ནས་ཕྲོགས། །མེར་མེར་པོར་ནི་བླངས་པ་ཡིས། །སྒྲོལ་མའི་གཟུགས་བཞིན་ཡིད་འཕྲོག་པ། །དེ་ནི་གསུམ་པས་ཆོ་ག་བཞིན། །རླུང་གིས་ལོ་མ་གཡོ་བ་ལྟར། །རང་གི་ཁྱིམ་དུ་རིམ་པར་བསྒོམ། །གཅིག་གི་ངོ་བོར་གྱུར་པ་མཆོག །ལྷ་དང་ལྷ་ཡི་སྒྲུབ་པའི་ཐབས། །མཚན་མོ་
D436.081.0028b07.01