完整藏文原文 · 德格版页 当前仅加载第 83 函德格 79b 版页；藏文 NFD、目录标记与异常页序保留在来源切片中，重复版页行以稳定序号区分。
དམིགས་ལ། །གུས་པས་མེ་ཏོག་དང་བཅས་ནས། །གསོལ་བ་འདི་ལྟར་གདབ་པར་བྱ། །དཔལ་ལྡན་རྡོ་རྗེ་འཛིན་པ་ཆེ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་མཆོག་བདག་ལ་སྩོལ། །
D464.083.0079b01.01སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་སྩོལ། །ཐར་བ་ཆེན་པོའི་གྲོང་མཆོག་ཏུ། །མགོན་པོས་བདག་ནི་གཞུག་པར་མཛོད། །ཅེས་པ་ལན་གསུམ་བར་དུ་བྱ། །བུ་ཚུར་ཐེག་པ་ཆེན་པོ་ཡི། །ཚུལ་ཆེན་སྣོད་ནི་ཁྱོད་ཡིན་ཏེ། །གསང་སྔགས་
D464.083.0079b02.01སྤྱོད་ཚུལ་ཆོ་ག་མཆོག །ཁྱོད་ལ་ཡང་དག་བཤད་པར་བྱ། །རྡོ་རྗེ་མི་ཕྱེད་མཐུ་ཡིས་ནི། །མཉམ་མེད་པ་ཡི་ཡེ་ཤེས་འཐོབ། །དེ་བས་ཀུན་མཁྱེན་ཐོབ་འདོད་པས། །བུ་ཡིས་བློ་གྲོས་འདི་གྱིས་ཤིག །བླ་མ་སངས་རྒྱས་ཀུན་མཆོད་ཅིང་། །རྩ་བ་ཡན་ལག་
D464.083.0079b03.01ཉེས་པ་སྤོང་། །མ་གྲོལ་འཁོར་བའི་སེམས་ཅན་ལ། །སྙིང་རྗེ་ཆེན་པོ་རབ་བསྐྱེད་ནས། །བསྒྲལ་ཞིང་གྲོལ་བའི་ལམ་ལ་དགོད། །བདེ་བར་དབུགས་ནི་དབྱུང་བར་བྱ། །དེ་དག་རིམ་དང་རིམ་མིན་པ། །སློབ་མའི་རིམ་པ་རྣམ་པར་བརྟག །ཁྲུས་བྱ་སོ་ཤིང་སྦྱིན་པར་བྱ། །
D464.083.0079b04.01ཕྲིན་ལས་ཕྱོགས་དང་དངོས་གྲུབ་ཀྱི། །རིམ་པར་རྣམ་པར་བརྟག་པར་བྱ། །སྲུང་སྐུད་གདགས་དང་ཀུ་ཤ་སྦྱིན། །རྨི་ལམ་བརྟགས་ལ་ངན་པ་ན། །ཞི་བའི་མེ་ཡིས་བཟློག་པར་བྱ། །གདོང་གཡོགས་བཅིངས་ལ་ཡེ་ཤེས་དབབ། །དཀྱིལ་འཁོར་དམ་པར་གཞུག་
D464.083.0079b05.01པའི་ཕྱིར། །སྔོན་བསགས་སྡིག་པ་མ་ལུས་ལས། །དཀྱིལ་འཁོར་མཐོང་བ་ཙམ་གྱིས་འབྱང་། །བུ་ཁྱོད་སུ་ཡིན་ཅི་དགའ་བ། །བདག་ནི་སྐལ་བཟང་རིགས་ཡིན་པས། །རྡོ་རྗེ་འཛིན་པ་ཁྱོད་ལ་དགའ། །མིག་དབྱེ་དཀྱིལ་འཁོར་ལྷ་ཡང་བསྟན། །དམ་ཚིག་ཆུ་སྦྱིན་མནའ་
D464.083.0079b06.01ཡང་བསྒྲག །མེ་ཏོག་དོར་ལ་ལྷ་ངོ་བསྟན། །གང་དང་གང་དུ་བབ་གྱུར་པའི། །རིགས་ཀྱིས་དེ་ལ་སྤྲོ་བར་བྱ། །ཆུ་དང་ཅོད་པན་རྡོ་རྗེ་དེ། །དྲིལ་བུ་མིང་གིས་དབང་བསྐུར་ཏེ། །རིགས་ལྔའི་བདག་ཉིད་ཡེ་ཤེས་ལྔ། །བརྟུལ་ཞུགས་ལུང་བསྟན་རྗེས་གནང་སྦྱིན། །
D464.083.0079b07.01