完整藏文原文 · 德格版页 当前仅加载第 83 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིང་གསོལ་བའི་ལས་བྱ་སྟེ། །མེ་ཡི་སྙིང་གར་དཀྱིལ་འཁོར་མཆོད། །གསད་ལ་སོགས་པ་རིམ་པ་བཞིན། །སྔར་བསྟན་པ་ལས་ཤེས་པར་བྱ། །དེ་རྗེས་ལྷག་མས་ཅི་རིགས་མཆོད། །ཞུ་བ་ལ་སོགས་རྫས་རྣམས་ནི། །ལྷ་ཡི་ཞལ་དུ་མཆོད་པར་བྱ། །ཡམ་
D464.083.0088b01.01ཤིང་ཀུ་ཤ་ལ་སོགས་པ། །འོད་ལ་མཆོད་པར་བྱ་བ་ཡིན། །ཕྱག་ཏུ་ཞལ་ཟས་འཐོར་འཐུང་དབུལ། །མེ་ཏོག་བདུག་པ་དབུ་དང་འོད། །ཐིག་ལེ་སྙིང་ག་བསང་གཏོར་ཡང་། །སྐུ་ལ་ཕུལ་ཏེ་ཞབས་བསིལ་ཞབས། །མར་མེ་ལ་སོགས་རིམ་བཞིན་གནས། །
D464.083.0088b02.01དཀྱིལ་འཁོར་བསྡུ་གཤེགས་རིམ་པ་རྣམས། །མཁས་པས་ཉེ་བར་བརྟགས་ཏེ་བྱ། །དཀྱིལ་འཁོར་ལྷས་ནི་མཆོག་སྟེར་ལ། །མེ་ཡིས་འདོད་པའི་དོན་སྒྲུབ་བྱེད། །ལག་པན་གྱིས་ནི་བདེ་བ་འབྱིན། །འོ་མ་སྦྲང་རྩིས་རིག་པ་འཕེལ། །གྲོ་དང་སྲན་མས་
D464.083.0088b03.01ནད་ཀུན་སེལ། །དཱུར་བས་སྲོག་ནི་འཛིན་པར་བྱེད། །ནས་ཀྱིས་བརྩོན་འགྲུས་ལ་དབང་སྟེ། །སྟོབས་འཕེལ་མཱ་ཤཱ་ཀ་ཡིན་ནོ། །འབྲུ་འཕེལ་སོ་བའི་ལས་ཡིན་ཏེ། །སྡིག་པ་འདག་པ་ཏིལ་ཡིན་ནོ། །འབྲས་ཀྱིས་ནུས་པ་འཕེལ་བྱེད་པ། །ཞི་ལ་ཡུངས་ཀར་
D464.083.0088b04.01ཀུ་ཤས་བསྲུང་། །དཔལ་བསྐྱེད་པ་ནི་བུད་ཤིང་སྟེ། །ཡམ་ཤིང་གཟི་བྱིན་སྟེར་བར་བྱེད། །འབྱོར་པ་འཕེལ་བ་མར་ཡིན་ནོ། །སྦྱིན་བདག་བཀྲ་ཤིས་ཐབ་ཡིན་ཏེ། །དངོས་གྲུབ་ཀུན་སྟེར་མཆོད་པའི་རྫས། །ཐབས་དང་ཤེས་རབ་གཟར་བུ་སྟེ། །བདུད་རྩི་མར་གྱིས་ཚིམ་
D464.083.0088b05.01བྱེད་པ། །མཆོད་པ་གཞན་གྱིས་ཅི་ཞིག་བྱ། །འདི་ནི་མཛེས་མའི་ཡུལ་ཡིན་གྱིས། །གཞན་གྱིས་རྟོགས་པར་ག་ལ་འགྱུར། །བཅོམ་ལྡན་འདས་ཕྱག་ན་རྡོ་རྗེ་གསང་བ་མངོན་པར་བསྟན་པའི་རྒྱུད་ཀྱི་རྒྱལ་པོ་ལས་སྦྱིན་སྲེག་གི་ཆོ་ག་བསྟན་པའི་ལེའུ་སྟེ་བཅུ་དགུ་པའོ།། །།
D464.083.0088b06.01དཔའ་མོ་རྡོ་རྗེ་བདེ་མས་གསོལ་པ། རྡོ་རྗེ་འཆང་ཁྱོད་ཀྱི་གསང་བའི་མཚན་ཉི་ཤུ་རྩ་གཅིག་གི་བསྟོད་པ་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། །མཛེས་མ་ཁྱོད་ཀྱིས་ཞུས་པ་ལེགས། །ཟག་མེད་བདེ་བའི་རྒྱུ་འབྱུང་མ། །བདག་མེད་ཤེས་རབ་མ་ཡི་མཆོག །
D464.083.0088b07.01