完整藏文原文 · 德格版页 当前仅加载第 83 函德格 81a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་དག་ཀླུའི་རྒྱལ་པོ་རྣམས་ཀྱི་སྔགས་སོ། །རིམ་པས་མཆོད་ཅིང་གསོ་བ་བྱ། །མཛེས་པའི་རྒྱ་མཚོ་གཏོར་མ་ཡིས། །ཀླུ་རྣམས་ཚིམ་པས་གདུག་སེམས་ཞི། །དེ་རྗེས་བསྟོད་པ་བརྗོད་པར་བྱ། །ཧཱུྃ་ཆུ་བདག་ཆེན་པོ་སྤྲུལ་པའི་དམ་ཚིག་ཅན། །མཐའ་ཡས་
D464.083.0081a01.01ནོར་རྒྱས་ལ་སོགས་ཀླུ་དབང་རྣམས། །རྒྱ་མཚོ་ཆུ་གཏེར་ཟབ་པའི་མཇིང་ཆེན་གནས། །རིན་ཆེན་སྣ་ཚོགས་ཡིད་འོང་སྤྲས་པ་ཡི། །གཞལ་ཡས་འབྱོར་པ་ཕུན་སུམ་གནས་ན་བཞུགས། །སྦྲུལ་མགོའི་གདེངས་ཀ་རབ་འབར་རིན་ཆེན་གསལ། །ཡིད་འོང་ནོར་བུ་འདོད་
D464.083.0081a02.01པ་ཀུན་སྒྲུབ་པ། །རང་གཞན་ཕུན་ཚོགས་དོན་རྣམས་སྟེར་བའི་དཔལ། །འོད་འབར་ས་འོག་མུན་པ་མ་ལུས་སེལ། །དུ་མའི་བསྐལ་པར་ཡོན་ཏན་སྦྱངས་པ་ཡིས། །ཀླུ་རྒྱལ་འབྱོར་པ་མཆོག་ལ་མངའ་བརྙེས་པ། །བསམ་གྱིས་མི་ཁྱབ་རྫུ་འཕྲུལ་མཆོག་བརྙེས་པའི། །
D464.083.0081a03.01ཡོན་ཏན་བསམ་གྱིས་མི་ཁྱབ་ཁྱོད་ལ་བསྟོད། །སངས་རྒྱས་བཀའ་ཐོབ་དད་པའི་སྟོབས་འཕེལ་བ། །སངས་རྒྱས་སར་གནས་སྒྲུབ་ལ་ནན་ཏན་བྱེད། །ཐབས་དང་ཤེས་རབ་འབྲེལ་བས་གཞན་དོན་མཛད། །བདག་གཞན་དོན་སྒྲུབ་ཁྱོད་ལ་ཕྱག་འཚལ་ལོ། །བདེ་གཤེགས་
D464.083.0081a04.01སྤྱན་སྔར་ཁས་བླངས་དམ་བཅས་ཏེ། །བསྟན་པ་བསྲུང་ཞིང་འགྲོ་རྣམས་བསྐྱང་བའི་ཕྱིར། །ཁས་བླངས་མནའ་ཕུལ་དམ་ཚིག་དྲན་གྱིས་ལ། །ཕྲིན་ལས་དོན་གྱིས་བདག་གཞན་དོན་གྲུབ་མཛོད། །གཞན་ཡང་འཇིག་རྟེན་པ་རྣམས་ལ། །ཨོཾ་མཐའ་ཡས་དང་ནི་འཇོག་པོ་
D464.083.0081a05.01དང་། །སྟོབས་ཀྱི་རྒྱུ་དང་རིགས་ལྡན་དང་། །ནོར་རྒྱས་བུ་དང་དུང་སྐྱོང་དང་། །པདྨ་དང་ནི་ཆུ་ལྷ་དང་། །རྒྱ་མཚོ་རྒྱ་མཚོ་ཆེན་པོ་དང་། །དཔལ་གྱི་འོད་དང་འོད་པོ་ཆེ། །གཟུགས་ཆེ་ལྟོ་འཕྱེ་སྦྲུལ་ཆེན་པོ། །ཀླུ་ཆེན་འཁོར་དང་བཅས་པ་ལ། །མཐུན་པའི་དམ་རྫས་ཡིད་
D464.083.0081a06.01འོང་བ། །དཀར་གསུམ་མངར་གསུམ་གསོ་བའི་སྨན། །རིན་ཆེན་དར་དང་ཟ་འོག་དང་། །དཔག་བསམ་ཤིང་དང་འདོད་འཇོའི་བ། །སྣ་ཚོགས་ཁྱེད་ལ་ཕུལ་བ་ཡིས། །ཀླུ་ཡི་ནད་རྣམས་མེད་པར་མཛོད། །ཕྱིས་ཀྱང་མི་ཕྱེད་དམ་ཆོས་ལ། །སོ་སོའི་གནས་སུ་འགྲོ་བར་
D464.083.0081a07.01