完整藏文原文 · 德格版页 当前仅加载第 88 函德格 62b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་གི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་མང་པོ་དང་། ཐབས་ཅིག་ཏུ་བཞུགས་ཏེ། དེའི་ཚེ་ཟླ་བ་གསུམ་པོ་འདི་དག་འདས་ནས། དེ་བཞིན་གཤེགས་པ་ཡོངས་སུ་མྱ་ངན་ལས་འདའོ། །ཞེས་བཅོམ་ལྡན་འདས་ཀྱིས་དྲན་པ་དང་ལྡན་
D525.088.0062b01.01ཞིང་མཁྱེན་བཞིན་དུ་ཚེའི་འདུ་བྱེད་དག་བཏང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་བཀའ་སྩལ་པ། མཽད་གལ་གྱི་བུ་ཆེན་པོ་ཁྱོད་སོང་ལ་སྟོང་གི་འཇིག་རྟེན་གྱི་ཁམས་ན། དགེ་སློང་ཇི་སྙེད་གནས་པ་དེ་དག་ཐམས་ཅད་ཚལ་ཆེན་པོ་ཁང་པ་བརྩེགས་
D525.088.0062b02.01པའི་ཁང་{བཟངས་,བཟང་}འདིར་བསྡུས་ཤིག །ཚེ་དང་ལྡན་པ་མཽད་གལ་གྱི་བུ་ཆེན་པོས། བཅོམ་ལྡན་འདས་དེ་བཞིན་ནོ། །ཞེས་གསོལ་ནས། བཅོམ་ལྡན་འདས་ཀྱི་ལྟར་མཉན་ནས། སྐད་ཅིག་དེ་ཉིད་ལ་རང་གི་རྫུ་འཕྲུལ་གྱི་སྟོབས་ཀྱིས་རི་རབ་ཀྱི་རྩེ་མོ་ལ་འདུག་སྟེ། སྟོང་གི་འཇིག་རྟེན་གྱི་ཁམས་
D525.088.0062b03.01སྐད་ཀྱིས་གོ་བར་བྱས་པ། བདེ་གཤེགས་སློབ་མ་སེམས་ཅན་གང་སུ་དག །འཇིག་རྟེན་ཁམས་འདིར་གནས་པ་ཀུན་ཉོན་ཅིག །དེང་འདིར་སྟོན་པ་ཆོས་ཀྱི་ཆར་འབེབས་ཀྱིས། །གང་དག་ཉན་པར་འདོད་པ་འདིར་ཤོག་ཅིག །དེའི་ཚེ་ཚལ་ཆེན་པོའི་ཁང་པ་བརྩེགས་པའི་ཁང་{བཟངས་སུ་,བཟང་དུ་}
D525.088.0062b04.01དགེ་སློང་བཞི་ཁྲི་འདུས་པར་གྱུར་ཏེ། དེ་དག་ལྷགས་ནས་བཅོམ་ལྡན་འདས་མཐོང་བ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། ཕྱོགས་གཅིག་ཏུ་འཁོད་དོ། །དེ་ནས་ཚེ་དང་ལྡན་པ་ཤཱ་རིའི་བུ་སངས་རྒྱས་ཀྱི་
D525.088.0062b05.01མཐུས། སྐད་ཅིག་དེ་ཉིད་ལ་འདི་སྙམ་དུ་སེམས་ཏེ། བདག་གིས་རྫུ་འཕྲུལ་མངོན་པར་འདུ་བྱ་བ་གང་མངོན་པར་འདུ་བྱ་བས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ཉན་ཐོས་ཀྱི་ཐེག་པ་ཅན་ནམ། རང་སངས་རྒྱས་ཀྱི་ཐེག་པ་ཅན་ནམ། ཐེག་པ་ཆེན་པོ་ཅན་ཡང་རུང་སྟེ། དགེ་
D525.088.0062b06.01སློང་ཇི་སྙེད་གནས་པ་དེ་དག་ཐམས་ཅད་ཚལ་ཆེན་པོའི་ཁང་པ་བརྩེགས་པའི་ཁང་{བཟངས་སུ་,བཟང་དུ་}འདུ་བར་འགྱུར་བ། དེ་འདྲ་བའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་བྱ་གོར་མ་ཆག་སྙམ་མོ། །དེ་ནས་ཚེ་དང་ལྡན་པ་ཤཱ་རིའི་བུས་རྫུ་འཕྲུལ་མངོན་པར་འདུ་བྱ་བ་དེ་ལྟ་བུ་མངོན་པར་འདུས་བྱས་ཏེ།
D525.088.0062b07.01