完整藏文原文 · 德格版页 当前仅加载第 88 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
མེད། །ང་ནི་བསྐལ་པ་བཟང་དང་བཅས་ཡི་རང་། །བྱང་ཆུབ་མྱུར་དུ་རེག་པར་སུ་འདོད་དང་། །བདུད་རྣམས་མྱུར་དུ་གཞོམ་པར་སུ་འདོད་དང་། །བསོད་ནམས་བརྒྱ་ཡི་མཚན་བཟང་སུ་འདོད་པ། །འདི་ལ་བརྩོན་ན་རྙེད་པར་དཀའ་མི་འགྱུར། །གང་གཱའི་ཀླུང་གི་བྱེ་སྙེད་
D525.088.0070a01.01འཇིག་རྟེན་ཁམས། །གང་གིས་རིན་ཆེན་བཀང་སྟེ་སྦྱིན་བྱིན་ཡང་། །བྲིས་དང་བཟུང་བའི་བསོད་ནམས་གང་ཡིན་པ། །དེ་ལ་སྦྱིན་པས་དཔེར་ཡང་མི་འགྱུར་རོ། །དེ་ལྟས་ཐོས་ན་རྩེ་གཅིག་བག་ཡོད་པར། །བྱང་ཆུབ་སེམས་དཔའ་མཁས་པས་འདི་བཟུང་ངམ། །གཟུངས་འདི་
D525.088.0070a02.01བྲིས་ཤིང་སེམས་པ་དེ་དག་ནི། །བྱང་ཆུབ་རྙེད་པ་དཀའ་བ་མེད་པར་བཤད། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་སྒོ་མཐའ་ཡས་པས་བསྒྲུབ་པའི་གཟུངས་འདི་ལ་མངོན་པར་བརྩོན་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་ལུས་
D525.088.0070a03.01ལ་གང་ས་ལ་གནས་པའི་གནོད་སྦྱིན་བརྒྱད་པོ་གཟི་མདངས་འཇུག་ཅིང་ཉིན་མཚན་དུ་སྲུང་བ་དང་། སྐྱོབ་པ་དང་། སྦེད་པར་བྱེད་དོ། །བརྒྱད་གང་ཞེ་ན། འདི་ལྟ་སྟེ། གནོད་སྦྱིན་དཔའ་བོ་ཞེས་བྱ་བ་དང་། བརྟན་པོ་དང་། བདག་པོ་དང་། སྲེད་མེད་ཀྱི་བུའི་སྟོབས་དང་། སྤྱོད་པའི་བློ་གྲོས་དང་།
D525.088.0070a04.01ཐུབ་དཀའ་དང་། འཇིགས་སུ་རུང་བ་དང་། གནོད་སྦྱིན་ལག་{བཟངས་,བཟང་}ཞེས་བྱ་བ་དག་སྟེ། གནོད་སྦྱིན་རྒྱལ་པོ་བརྒྱད་པོ་དེ་དག་འོང་བར་བྱ་བའི་ཕྱིར་ཤིན་ཏུ་ཁྲུས་བྱ་བ་དང་། གོས་ཤིན་ཏུ་གཙང་མ་བགོས་པ་དང་། འཆག་སར་འགྲོ་བ་དང་། སེམས་ཅན་ཐམས་ཅད་ལ་ཞེ་འགྲས་པ་མེད་པའི་
D525.088.0070a05.01སེམས་སུ་བྱ། གཟུངས་ཀྱི་ཆོས་ཀྱི་རྣམ་གྲངས་འདི་ཡང་ཡིད་ལ་བྱས་ཏེ། དེ་ལྟར་ཡིད་ལ་བྱས་ན་དེ་ལ་གནོད་སྦྱིན་བརྒྱད་པོ་དེ་དག་མྱུར་དུ་བཞིན་སྟོན་པར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་འདོད་པ་ན་སྤྱོད་པའི་ལྷ་རྣམས་ཀྱི་ནང་དུ་སྐྱེས་པ་བརྒྱད་པོ་འདི་དག་ཀྱང་དེ་ལ་
D525.088.0070a06.01སེམས་པར་འགྱུར་ཏེ། བརྒྱད་གང་ཞེ་ན། འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་སྣང་བྱེད་ཅེས་བྱ་བ་དང་། སྣང་བྱེད་དང་། ཤེས་རབ་འོད་དང་། ཉི་མའི་འོད་དང་། ཡང་དག་སྐུལ་བྱེད་དང་། བསམ་པ་ཐམས་ཅད་ཡོངས་སུ་རྫོགས་བྱེད་དང་། སྐར་མའི་རྒྱལ་པོ་ཞེས་
D525.088.0070a07.01