完整藏文原文 · 德格版页 当前仅加载第 88 函德格 66b 版页；藏文 NFD、目录标记与异常页序保留在来源切片中，重复版页行以稳定序号区分。
སྡེ་འདི་ནི་གང་འཛིན་པ། །དེ་ལ་བར་ཆད་བྱེད་མི་ནུས། །བྱང་ཆུབ་འཚང་རྒྱ་བར་དུ་སྟེ། །དྲན་དང་བློ་གྲོས་རྟོགས་ལྡན་འགྱུར། །གཟུངས་ཀྱི་དམ་པ་གང་ཡིན་པ། །དེ་ཡི་ལྕེ་ཡི་རྩེ་མོར་གནས། །ཇི་ལྟར་མདོ་སྡེ་འཛིན་དེ་ལ། །གཟུངས་འདི་སོ་སོར་ངེས་པ་བཞིན། །འདི་ལས་ཐམས་ཅད་
D525.088.0066b01.01མཁྱེན་པ་བསྟན། །འདི་ལས་བྱང་ཆུབ་ཐོབ་པར་འགྱུར། །གཟུངས་འདི་བཤད་མ་ཐག་ཏུ་ཡང་། །མར་མེ་ཞེས་བྱས་ང་ལུང་བསྟན། །སྐད་ཅིག་དེ་ལ་སངས་རྒྱས་ནི། །གང་གཱའི་ཀླུང་གི་བྱེ་སྙེད་མཐོང་། །གང་ཞིག་སངས་རྒྱས་ཐམས་ཅད་ཀྱིས། །བསྟན་པ་འདིར་ནི་རྟོགས་འདོད་ཅིང་། །
D525.088.0066b02.01མདོ་སྡེ་འདི་ལ་བསྟེན་པ་དེས། །ཐམས་ཅད་མྱུར་དུ་ཐོབ་པར་འགྱུར། །སངས་རྒྱས་ཞིང་ནི་རྣམ་དག་དང་། །ཉན་ཐོས་ཕུན་སུམ་ཚོགས་པ་དང་། །འོད་དང་མཚན་ཀྱང་རྣམ་དག་པ། །མདོ་སྡེ་འདིས་ནི་བྱེད་པར་འགྱུར། །དེ་བས་བག་ནི་ཡོད་གྱུར་ན། །ཞག་བདུན་བར་དུ་འདི་སེམས་པ། །
D525.088.0066b03.01སངས་རྒྱས་བྱེ་བ་བརྒྱད་ཅུ་ཡིས། །དེ་ཡི་འོག་ཏུ་གཟུངས་སྦྱིན་འགྱུར། །བསམ་བྱ་སེམས་པར་མི་བསམ་སྟེ། །བསམ་བྱ་མིན་པའང་མི་བསམ་མོ། །སོམས་ཤིག་འགལ་བར་མ་སེམས་ཤིག །དེ་ཡི་འོག་ཏུ་གཟུངས་ཐོབ་འགྱུར། །དཔེར་ན་རྒྱ་མཚོར་ཕྱིན་པའི་མི། །ནོར་ལ་སོམ་ཉི་
D525.088.0066b04.01མེད་པ་ལྟར། །དེ་བཞིན་གཟུངས་འདི་ཐོབ་གྱུར་ནས། །བདེ་བ་ལ་ཡང་སོམ་ཉི་མེད། །འདི་ལས་རྫོགས་པའི་བྱང་ཆུབ་ཉེ། །དེ་བས་འདི་ལ་སྦྱོར་བར་གྱིས། །ཞི་བའི་གནས་ནི་ཐོབ་གྱུར་ནས། །རྫོགས་པའི་བྱང་ཆུབ་ཐོབ་པར་འགྱུར། །དེ་ནས་བཅོམ་ལྡན་འདས་ཀྱིས་ཡང་ཚེ་དང་ལྡན་པ་
D525.088.0066b05.01ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། གཟུངས་འདི་ཐོབ་པར་འགྱུར་རོ། །བཞི་གང་ཞེ་ན། འདི་ལྟ་སྟེ། འདོད་པ་རྣམས་ལ་ལྷག་པར་ཆགས་པ་མེད་པ་ཡིན། སེམས་ཅན་ཐམས་ཅད་ལ་ཕྲག་དོག་མེད་པ་ཡིན། བདོག་
D525.088.0066b06.01པ་ཐམས་ཅད་ཡོངས་སུ་གཏོང་ཞིང་འགྱོད་པ་མེད་པར་སྦྱིན་པའི་ཚུལ་ཅན་ཡིན། ཉིན་མཚན་དུ་ཆོས་ལ་དགའ་ཞིང་ཆོས་འདོད་པ་ཡིན་ཏེ། ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན་གཟུངས་འདི་ཐོབ་པར་འགྱུར་རོ། །དེ་ནས་བཅོམ་ལྡན་འདས་
D525.088.0066b07.01