完整藏文原文 · 德格版页 当前仅加载第 90 函德格 274b 版页；藏文 NFD、目录标记与异常页序保留在来源切片中，重复版页行以稳定序号区分。
གཞག་གོ། །ཡང་དག་འབར་བའི་ཕཊ་ཀྱང་གཞག །གསང་བའི་མཆོད་པའི་ཆོ་གར་གྲགས། །དེ་ལྟར་མཆོད་པའི་རིམ་པ་དེར། །བེ་ཅོན་དགུ་ནི་བྱས་པར་འགྱུར། །གསང་བའི་མཆོད་པའི་སྦྱོར་བ་ཡིས། །བདུག་པ་མེ་ཏོག་དེ་བཞིན་དྲི། །དེ་བཞིན་གཏོར་མ་མར་མེ་དང་། །
D604.090.0274b01.01བཟླས་པ་མེད་ཀྱང་འགྲུབ་པར་འགྱུར། །དབང་དུ་བྱ་དང་དབྱེ་བ་དང་། །བསྐྲད་དང་གསད་ལ་སོགས་པ་ནི། །ཇི་སྐད་གསུངས་པའི་ཚུལ་དག་དང་། །དེ་ལྟར་སྦྱོར་བ་དེ་འདྲ་ལས། །ཚེས་གྲངས་དག་དང་སྐར་མ་དང་། །སྨྱུང་བ་དག་ཀྱང་བྱ་མི་དགོས། །གསང་བའི་
D604.090.0274b02.01མཆོད་པའི་ཆོ་ག་ཤེས། །ཕྱག་རྒྱའི་དཀྱིལ་འཁོར་ལེགས་བྱས་ལ། །ཁྲུས་བྱས་ཁྲུས་ནི་མ་བྱས་རུང་། །ཇི་ལྟར་འདོད་པ་རང་དགར་སྤྱོད། །ཅི་ཡང་རུང་བའི་གཏོར་མ་དང་། །ལོ་མ་མེ་ཏོག་འབྲས་བུས་ཀྱང་། །གང་དག་གཤིན་རྗེ་གཤེད་པོ་ཡི། །སྙིང་པོ་ཕྱག་རྒྱ་མཆོད་
D604.090.0274b03.01བྱེད་ལ། །བྱང་ཆུབ་སེམས་དང་ལྡན་འགྱུར་ཞིང་། །རབ་ཏུ་གུས་ན་ཟླ་དྲུག་གིས། །དེ་ནི་ཅི་འདོད་དགོས་པ་རྙེད། །ཇི་ལྟར་འདོད་པའི་ལས་ཀྱང་བྱེད། །འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བ་ལས་བེ་ཅོན་གྱི་ཕྱག་རྒྱའི་དཀྱིལ་འཁོར་གསང་བའི་མཆོད་པ་རིམ་
D604.090.0274b04.01པར་ཕྱེ་བ་སྟེ་བཞི་པའོ།། །།དེ་ནས་བེ་ཅོན་ཕྱག་རྒྱ་ཡི། །ཇི་སྐད་གསུངས་པ་དེ་དག་བསྒྲུབ། །དེ་ཡི་དཀྱིལ་འཁོར་གཉིས་པའང་གཞན། །དཀྱིལ་ན་{ཡི་དགས་,ཡི་དྭགས་}ཞེས་བྱ་བ། །བསྒྲུབ་པས་མཚན་མོ་དུར་ཁྲོད་དུ། །དུར་ཁྲོད་དག་གི་ཐལ་བ་ཡིས། །གྲུ་བཞི་པ་ལ་སྒོ་
D604.090.0274b05.01བཞི་བྲི། །མི་རོའི་རོ་སྨད་དག་དང་ལྡན། །བླ་རེ་རྔ་ཡབ་མེ་ལོང་དྲིལ། །མེ་ཏོག་ཕྲེང་བས་མཛེས་པར་བྱ། །ལྷ་རྫས་{ཡི་དགས་,ཡི་དྭགས་}མང་པོ་དངར། །ཐོད་པ་བརྒྱད་ཀྱིས་རྣམ་པར་སྤྲས། །ཕྱིས་ནི་བེ་ཅོན་ཕྱག་རྒྱ་ཡང་། །མགོ་མེད་རོ་ཡི་སྟེང་དུ་བྲི། །དཀྱིལ་ན་{ཡི་དགས་,ཡི་དྭགས་}ཞེས་བྱ་བའི། །
D604.090.0274b06.01ཐམས་ཅད་གྲུབ་བྱེད་དཀྱིལ་འཁོར་འདི། །ཁྲོ་བོའི་གཙོ་བོའི་ཕྱག་རྒྱ་ཡིས། །མཆོད་པ་ཇི་སྐད་གསུངས་པ་བྱ། །སྨེ་གཏོར་ཐམས་ཅད་བྱིན་ནས་ནི། །གཙང་མ་གོ་ཆ་བགོས་ནས་ཀྱང་། །འབུམ་ཕྲག་གཅིག་ནི་སྔར་བསྙེན་པ། །བྱས་ནས་འདི་ནི་བརྩམ་པར་བྱ། །ཕྱུགས་ཆེན་
D604.090.0274b07.01