完整藏文原文 · 德格版页 当前仅加载第 90 函德格 286a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ནོ། །ཁྲོ་བོས་ཅི་སྐད་གསུངས་པ་བཞིན། །རི་མོའི་མཚན་ཉིད་བཤད་པར་བྱ། །མི་རོའི་གོས་བཟང་བཀྲུས་པ་ནི། །མཁས་པས་ཁྲུ་ཚད་གང་དག་ལ། །མི་རོ་ཉིད་ཀྱི་སྐྲ་དག་གིས། །པིར་གྱིས་ལེགས་པར་བྲི་བར་བྱ། །ཚོན་གྱི་ཁ་དོག་ཀུན་མེད་
D604.090.0286a01.01པར། །རི་བོང་ཁྲག་གིས་བྲི་བར་བྱ། །ཡང་ན་དེ་ཡི་སྐུ་གཟུགས་ནི། །སྔ་མ་བཞིན་དུ་བཙག་གིས་བྲི། །ཁྲོས་ཤིང་འབར་བས་འཇིགས་འཇིགས་ལྟར། །གཡོན་བརྐྱང་བསྐུམ་པའི་ཚུལ་དུ་གནས། །ཞལ་དྲུག་དབུ་སྐྲ་གྱེན་དུ་བརྫེས། །སྨིན་མ་སེར་ཞིང་སྤྱན་ཡང་སེར། །
D604.090.0286a02.01སྤྱན་ནི་ཟླུམ་པོ་གསུམ་དང་ལྡན། །བཅུ་གཉིས་ཕྱག་དང་ལྡན་པའི་སྐུ། །དེ་བཞིན་{ཡི་དགས་,ཡི་དྭགས་}སྟེང་ན་བཞུགས། །ཞབས་ནི་དྲུག་གིས་མཛེས་པར་བྱས། །གཡས་ཀྱི་ཕྱག་ན་མཆོག་སྦྱིན་ཅིང་། །རྩེ་གསུམ་རལ་གྲི་དགྲ་སྟ་དང་། །བེ་ཅོན་དང་ནི་ལྕགས་ཀྱུ་བསྣམས། །ཁྲོས་
D604.090.0286a03.01པའི་ཕྱག་གཡོན་བསྡིགས་པར་བྱེད། །ཕྱག་ན་ཤག་ཏི་ཐོ་མ་ར། །གཡོན་པའི་ཕྱག་ན་དབྱུག་ཏོ་བསྣམས། །ཕྱག་ན་ཐོད་པ་ཞགས་པ་བསྣམས། །གཤིན་རྗེའི་གཤེད་པོ་བྲི་བར་བྱ། །ན་བཟར་སྟག་གི་པགས་པ་གསོལ། །འཇིགས་པས་ཕ་རོལ་གནོན་པའི་ཞལ། །དེ་ཡི་
D604.090.0286a04.01མཆེ་བ་གཙིགས་པར་ནི། །མཁས་པས་རི་མོ་བྲི་བར་བྱ། །དེ་ནས་གློ་གཉིས་དག་ཏུ་ཡང་། །ཕྱག་རྒྱའི་གཟུགས་དག་བྲི་བ་ནི། །གཡས་སུ་སྐྱེས་པ་ཁྲོ་བོའི་གཟུགས། །ཁ་གདངས་པ་ནི་འཇིགས་འཇིགས་ལྟ། །གྱེན་དུ་སྐྲ་བརྫེས་རབ་ཏུ་སེར། །བེ་ཅོན་ཕྱག་རྒྱ་མཚོན་ཆར་
D604.090.0286a05.01ཐོགས། །གཡས་བརྐྱང་བསྐུམ་པའི་ཚུལ་དུ་གནས། །བསྡིགས་ཤིང་ཞལ་ནི་ཁྲོ་གཉེར་ཅན། །ཞལ་དང་སྤྱན་ཡང་ཁྲོས་པའི་ཚུལ། །གཡོན་དུ་རོ་ལངས་མོ་བྲི་བ། །འབར་བའི་ཁ་ལ་གཟི་ཡང་ཆེ། །མིག་གསུམ་གདོང་གི་ཁྲོ་གཉེར་ཅན། །རབ་ཏུ་འཇིགས་པའི་ཁ་
D604.090.0286a06.01ཡང་གདངས། །གྱེན་དུ་སྐྲ་བརྫེས་གསུས་པོ་ཆེ། །གཏུམ་པོ་དུག་ཧྲུལ་གོས་གྱོན་པ། །དེ་བཞིན་ལག་ན་ཏྲི་ཤཱུལ་ཐོགས། །གཟི་ཆེན་རབ་ཏུ་བསྡིགས་པར་བྱེད། །ལུས་ནི་མེ་ལྕེ་འབར་བ་ལ། །གདོང་དང་མིག་ནི་ཁྲོས་པའི་ཚུལ། །བདེ་གཤེགས་སྲས་ཀྱི་བཀའ་ནོད་པ། །གསང་
D604.090.0286a07.01