完整藏文原文 · 德格版页 当前仅加载第 90 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་གིའུ་ཝང་གིས། །ཁྲོ་བོས་མཐར་བྱས་རོ་ལངས་བྲི། །མཁས་པས་མཆོད་རྟེན་འོག་ཏུ་གཞག །དེ་ནས་ཟླ་བ་གཟས་ཟིན་པའི། །ནུབ་མོ་{ཡི་དགས་,ཡི་དྭགས་}ཕལ་ཆེན་གྱི། །དཀྱིལ་འཁོར་མཚོ་འགྲམ་བྲིས་ནས་བཟླས། །དེ་ནས་གྲུབ་ཕྱིར་སྔགས་པ་ཡིས། །མཇུག་མ་དེ་ལ་ཡིད་
D604.090.0279a01.01གཏད་ནས། །ལག་པ་གཡོན་པས་བཟུང་ནས་ནི། །ཟླ་བ་དེ་ལ་བལྟ་ཞིང་བཟླས། །སེམས་ནི་བདུད་ཀྱིས་མ་འཁྲུགས་པའི། །སེམས་དཔའ་ཆེན་པོ་ཁ་ཅིག་ལ། །དྲོད་དང་དུད་འཐུལ་འབར་བ་དག །མཇུག་མ་དེ་ལས་འབྱུང་བར་འགྱུར། །དྲོ་བར་གྱུར་པ་མཐོང་ན་ནི། །བྱང་ཆུབ་སེམས་
D604.090.0279a02.01དཔའ་འདྲ་བ་ཡིས། །སེམས་ཅན་རྣམས་ནི་ཐམས་ཅད་ལ། །དེས་ནི་ཕན་འདོགས་གནོད་པ་ནུས། །མཇུག་མ་བཟང་པོ་དེ་ལས་ནི། །དུ་བ་འབྱུང་བ་མཐོང་ན་ཡང་། །མྱུར་དུ་མི་སྣང་བར་ཡང་འགྱུར། །འདོད་པའི་གཟུགས་ཅན་ཡིད་མགྱོགས་བཞིན། །རྒས་པ་དང་ནི་འཆི་བ་མེད། །
D604.090.0279a03.01གནོད་སྦྱིན་རྣམས་ནི་ཡོངས་སུ་བསྐོར། །སེམས་ཅན་ཆེན་པོ་དེ་ཡི་གཟིས། །གལ་ཏེ་དེ་ནི་འབར་འགྱུར་ན། །རིག་འཛིན་དཔལ་དང་ལྡན་པར་འགྱུར། །ནམ་མཁའ་ལ་ནི་མྱུར་དུ་འགྲོ། །བདེ་བ་ཀུན་དང་ལྡན་པ་ཡིས། །རིག་འཛིན་རྣམས་ཀྱི་མཆོག་ཏུ་འགྱུར། །གལ་ཏེ་ཟླ་བ་གཟས་
D604.090.0279a04.01བཏང་ལ། །དེ་ཚེ་གྲུབ་པར་མ་གྱུར་ནའང་། །མཇུག་མ་ལན་ཅིག་བསྐོར་བ་ཡིས། །དཔུང་རྣམས་གནོན་པའི་དངོས་གྲུབ་དང་། །གང་ཡང་རུང་བ་གཅིག་ཀྱང་གནོན། །མྱོས་པས་དྲེགས་པའི་གླང་པོ་དང་། །སྟག་དང་སེང་གེ་ཝ་རྣམས་དང་། །རྟ་དང་ཤིང་རྟ་བྱ་རྣམས་དང་། །གྲུ་དང་གྲུ་
D604.090.0279a05.01ཆེན་བཞོན་པ་རྣམས། །བསྐོར་ན་ཐམས་ཅད་གནོན་པར་བྱེད། །མནན་པ་དག་ལས་ཐར་བར་ཡང་། །མཇུག་མ་འདིས་ནི་གདོན་མི་ཟ། །དེ་ནས་གཞན་ཡང་རོ་ལངས་ཀྱིས། །རྨུགས་པར་བྱ་བ་གསང་བར་བཤད། །དེ་ནས་ཚིལ་ཆེན་བླངས་ནས་ནི། །དེ་ཡང་ཐོད་པའི་ནང་དུ་གཞག །
D604.090.0279a06.01ཨེ་ཤྭ་མ་ར་དམར་པོ་ཡི། །ཤིང་བལ་འཇམ་པོའི་སྙིང་པོ་བྱ། །གདོལ་པའི་མེ་ཡིས་འབར་བྱས་ན། །ཉི་མ་ཟླ་བ་གཟས་ཟིན་ཚེ། །ཐོད་པའི་དུད་པ་བླངས་ནས་ནི། །ཟླ་བའམ་ཡང་ན་ཉི་མ་དག །བཏང་བའི་བར་དུ་བཟླས་པར་བྱ། །ཡང་ན་ཨརྒའི་ཤིང་བལ་ལས། །དེ་ཡི་འོག་ཏུ་ལྕགས་
D604.090.0279a07.01