完整藏文原文 · 德格版页 当前仅加载第 91 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །རྒྱ་གར་སྐད་དུ། ཨཱ་ཊཱ་ནཱ་ཊཱི་ཡ་མ་སཱུ་ཏྲཾ་ནཱ་མ་མ་ཧཱ་སཱུ་ཏྲ། བོད་སྐད་དུ། མདོ་ཆེན་པོ་ཀུན་ཏུ་རྒྱུ་བ་དང་། ཀུན་ཏུ་རྒྱུ་བ་མ་ཡིན་པ་དང་མཐུན་པའི་མདོ་ཞེས་བྱ་བ། དཀོན་མཆོག་གསུམ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་
D656.091.0149b02.01ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུ་ཁ་དོག་འཕགས་པ། གཡོག་འཁོར་གནོད་སྦྱིན་དུ་མ་དང་། གཡོག་འཁོར་གནོད་སྦྱིན་བརྒྱ་ཕྲག་དུ་མ་དང་། གཡོག་འཁོར་གནོད་སྦྱིན་སྟོང་ཕྲག་ཏུ་
D656.091.0149b03.01མ་དང་། གཡོག་འཁོར་གནོད་སྦྱིན་འབུམ་ཕྲག་དུ་མ་དང་ལྡན་པ་ནམ་སྲོས་པ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །དེའི་ཚེ་རྒྱལ་པོ་ཆེན་པོ་རྣམ་ཐོས་ཀྱི་བུའི་ཁ་དོག་གི་མཐུས་
D656.091.0149b04.01རྒྱལ་བུ་རྒྱལ་བྱེད་ཀྱི་ཚལ་ཐམས་ཅད་སྣང་བ་ཆེན་པོས་གསལ་བར་གྱུར་ཏོ། །རྒྱལ་པོ་ཆེན་པོ་རྣམ་ཐོས་ཀྱི་བུ་ཕྱོགས་གཅིག་ཏུ་འདུག་ནས་དེའི་ཚེ་ཚིགས་སུ་བཅད་པ་འདི་དག་གསོལ་ཏོ། །རྐང་གཉིས་དམ་པ་རྫོགས་སངས་རྒྱས། །བློ་ལྡན་ཁྱོད་ཀྱིས་གང་མཁྱེན་པ། །ལྷ་རྣམས་ཀྱིས་
D656.091.0149b05.01ནི་དེ་མ་འཚལ། །དཔའ་ཆེན་ཁྱོད་ལ་ཕྱག་འཚལ་ལོ། །སངས་རྒྱས་གང་དག་འདས་པ་དང་། །ད་ལྟར་བྱུང་དང་མ་བྱོན་པ། །ཐམས་ཅད་ལ་ནི་བདག་ཕྱག་འཚལ། །ཁྱོད་ལའང་བདག་ནི་སྐྱབས་སུ་མཆིས། །བཙུན་པ་བཅོམ་ལྡན་འདས་ཀྱི་ཉན་ཐོས་ཀྱི་དགེ་སློང་
D656.091.0149b06.01དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་གང་དག་གནས་མལ་དགོན་པ་དང་། ནགས་འདབ་དག་དང་། བས་མཐའ་དག་ན་གནས་པ་དག་ཀྱང་མཆིས་ལ། དེ་ལ་གནོད་སྦྱིན་དང་། མི་མ་ལགས་པ་གདུག་པ་གཉུག་མར་གནས་པ་གང་དག་བཅོམ་ལྡན་
D656.091.0149b07.01