完整藏文原文 · 德格版页 当前仅加载第 91 函德格 158a 版页；藏文 NFD、目录标记与异常页序保留在来源切片中，重复版页行以稳定序号区分。
གང་དུ་ནུབ་འགྱུར་བ། །དེ་ན་མཚོ་ཆེན་ཟབ་མོ་འདི། །ཤིན་ཏུ་འདའ་བར་དཀའ་བ་སྟེ། །དེ་ནི་ཆུ་མངོན་རྒྱ་མཚོ་ཞེས། །སྐྱེ་བོས་རྟོགས་པ་མཆིས་པ་ཡི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ནི། །ཀླུ་ཡི་བདག་པོ་རྒྱལ་པོ་སྟེ། །མིང་ནི་མིག་མི་བཟང་ཞེས་
D656.091.0158a01.01བགྱི། །དེ་ནི་ཉེ་དུ་ལྷན་ཅིག་ཏུ། །གླུ་དང་གར་གྱིས་རྟག་ཏུ་རྩེ། །ཀླུ་རྣམས་ཀྱིས་ནི་ཡོངས་བསྐོར་ཅིང་། །ཀླུ་རྣམས་ཀྱིས་ནི་མདུན་གྱིས་བལྟས། །དེ་ལ་བུ་ནི་མང་མཆིས་ཏེ། །བརྒྱད་ཅུ་དང་ནི་བཅུ་དང་གཅིག །དེ་དག་མིང་མཐུན་གྲགས་པ་ནི། །དབང་པོ་ཞེས་བགྱི་སྟོབས་པོ་ཆེ། །ལྷ་དང་ལྷ་མིན་གཡུལ་འགྱེད་པ། །
D656.091.0158a02.01ཀུན་ཏུ་གཞན་གྱིས་མི་ཐུབ་ལགས། །དེ་དག་རྣམས་ཀྱིས་རྫོགས་སངས་རྒྱས། །སངས་རྒྱས་ཉི་མའི་གཉེན་མཐོང་ནས། །སྐྱེས་བུ་ཅང་ཤེས་ཁྱོད་ལ་འདུད། །སྐྱེས་མཆོག་ཁྱོད་ལ་ཕྱག་འཚལ་ཞེས། །མི་ཡིས་ཕྱག་བགྱིས་ཁྱོད་ལ་ནི། །རྒྱང་རིང་གནས་ཤིང་ཕྱག་འཚལ་ལགས། །བདག་ལ་དགེ་བས་
D656.091.0158a03.01གཟིགས་སུ་གསོལ། །ཁྱོད་ལ་མི་མིན་ཕྱག་འཚལ་བ། །དེ་སྐད་ཡང་དང་ཡང་དུ་ཐོས། །དེ་སླད་བདག་ནི་འདི་སྐད་ཅེས། །འདྲེན་པ་རྒྱལ་ལ་ཕྱག་འཚོལ་ཅིག །གཽ་ཏམ་རྒྱལ་ལ་ཕྱག་འཚོལ་ཅིག །སངས་རྒྱས་རིག་དང་ཞབས་ལྡན་པ། །མྱ་ངན་འདས་ལ་ཕྱག་འཚོལ་མཆི། །དེ་ལྟར་ནུབ་ཀྱི་ཕྱོགས་
D656.091.0158a04.01དེ་ནི། །བཟང་བ་ལགས་ཞེས་སྐྱེ་བོ་མཆི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ལགས། །གང་ན་བྱང་གི་སྒྲ་མི་སྙན། །དགའ་ཞིང་ལྷུན་ཆེན་བལྟ་མཛེས་དང་། །གང་ན་མི་རྣམས་ཚེ་ལོ་ནི། །བརྒྱ་ཕྲག་བཅུ་པ་སྐྱེ་འགྱུར་ཞིང་། །དེ་དག་མི་རྨོ་མི་འདེབས་ལ། །གཤོལ་
D656.091.0158a05.01ཡང་འཆའ་བར་མི་བགྱིད་ཅིང་། །ཚེ་རིང་མདོག་དང་ལྡན་པ་དང་། །ངེས་པར་ཡོངས་སུ་སྤྱོད་བགྱིད་ཅིང་། །ཟས་སུ་སཱ་ལུ་ཁ་དོག་དང་། །དྲི་དང་རོ་དང་ལྡན་པ་དང་། །དྲི་བདའ་མེ་ཏོག་ཚོགས་འདྲ་ཞིང་། །ལྷ་ཡི་བདུད་རྩི་འདྲ་བ་འཚལ། །ན་ལི་ཀེ་ར་བསྐོལ་བགྱིས་ན། །ཚོད་མར་དེ་འཚལ་སྲན་ཚོད་མིན། །གང་
D656.091.0158a06.01ན་མེ་ལྕེ་རྩེ་འདྲ་བའི། །སྨན་དག་འཁྲུང་བར་འགྱུར་བ་ཡི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ནི། །གནོད་སྦྱིན་བདག་པོ་རྒྱལ་པོ་སྟེ། །མིང་ནི་ལུས་ངན་པོ་ཞེས་བགྱི། །དེ་ནི་ཉེ་དུ་ལྷན་ཅིག་ཏུ། །གླུ་དང་གར་གྱིས་རྟག་ཏུ་རྩེ། །གནོད་སྦྱིན་རྣམས་ཀྱིས་ཡོངས་བསྐོར་
D656.091.0158a07.01