完整藏文原文 · 德格版页 当前仅加载第 91 函德格 160a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་ལ་ལ་ཀུན་ཏུ་རྒྱུ་བ་དང་། ཀུན་ཏུ་རྒྱུ་བ་མ་ལགས་པ་དང་མཐུན་པའི་མདོ། །རིག་སྔགས་དང་། སྲུང་བ་དང་། སུག་པ་རྐང་པ་ལ་ཕྱག་འཚལ་བར་འགྱུར་བ་འདི་ཉིད་རྒྱ་ཆེར་ལུང་
D656.091.0160a01.01མནོས་ཤིང་འདོན་པར་བགྱིད་པ་དེ་ལ། གལ་ཏེ་ཤ་ཟའམ། ཤ་ཟ་མོའམ། ཤ་ཟ་རྒན་པོའམ། ཤ་ཟ་རྒན་མོའམ། ཤ་ཟའི་བུ་ཕོའམ། ཤ་ཟའི་བུ་མོའམ། ཤ་ཟའི་འཁོར་ཕོའམ། ཤ་ཟའི་འཁོར་མོའམ། ཤ་ཟའི་མངག་གཞུག་པའམ། ཤ་ཟའི་མངག་གཞུག་
D656.091.0160a02.01མ་འཚེ་བར་བགྱིད་པ། གླགས་ལྟ་ཞིང་གླགས་ཚོལ་བ་ལ་ལ་ཞིག་ཉེ་བར་མཆི་ཞིང་། ཉེ་བར་འགྲེང་ངམ། ཉེ་བར་མཆིས་པར་གྱུར་ན་གླགས་མི་རྙེད་ཅིང་གནས་མི་རྙེད་ལ། ཤ་ཟ་རྣམས་ཀྱི་ཤ་ཟ་འདུ་བའི་ནང་དུ་མཆིར་མི་ཆུད་ཅིང་རྒྱལ་པོའི་ཕོ་བྲང་ལྕང་ལོ་ཅན་དུ་ཡང་གནས་མི་
D656.091.0160a03.01འཐོབ་སྟེ། དེའི་མགོ་ཨརྫ་ཀའི་དོག་པ་བཞིན་དུ་ཚལ་པ་བདུན་དུ་འགས་ལགས་སོ། །དེ་ལ་གསང་སྔགས་ཀྱི་ཚིག་ནི་འདི་དག་ལགས་སོ། །ཏདྱ་ཐཱ། ཧུ་མེ་ཧུ་མེ། ཧུ་མི་ལེ། ཧུ་མི་ལཱ་བཱ་ཏཱི་ཡེ་སྭཱ་ཧཱ། བཙུན་པ་བཅོམ་ལྡན་འདས་ཀྱི་སྤྱན་སྔར་བདག་གིས་གྲུལ་བུམ་རྣམས་
D656.091.0160a04.01དང་། གྲུལ་བུམ་ཆེན་པོ་རྣམས་དང་། གྲུལ་བུམ་གྱི་སྡེ་དཔོན་རྣམས་དང་། དམག་དཔོན་རྣམས་ཀྱི་མིང་བརྗོད་པར་བགྱི་ལགས་སོ། །འདི་ལྟ་སྟེ། བྱིན་དང་ཉེ་བྱིན་ཀྲི་མི་ཤ། །རྩིབ་ལོགས་ཆེ་དང་གསུས་པོ་ཆེ། །ལག་བཅུ་དྲང་ནི་ས་ལ་རྒྱུ། །གཡོན་ཕྱོགས་ནག་པོ་
D656.091.0160a05.01དམར་པོ་དང་། །སྤྲིན་མདོག་དང་ནི་དྲི་མེད་དང་། །རྣ་བ་རིང་དང་འབྲུག་སྒྲ་སྒྲོགས། །རལ་པ་ཅན་དང་སྟོབས་བཅུ་དང་། །སྲིད་སྒྲུབ་དང་ནི་འདོད་དགུར་མཆི། །འཇོག་པོ་དང་ནི་བྱ་བ་སྦེད། །ལ་བ་བཟང་ལྡན་གསུམ་པོ་དང་། །ཚོན་ཀུན་དང་ནི་མིག་བཀྲ་པོ། །འགྲོ་གནས་ཇི་སྙེད་
D656.091.0160a06.01མཆིས་པ་ལགས། །དེ་དག་ནི་བདག་གི་སྤུན་ལགས་ཏེ། དེ་དག་ལ་བདག་གྲུལ་བུམ་འདི་ནི་བདག་ལ་འཚེའོ། །གྲུལ་བུམ་འདི་ནི་བདག་མི་གཏོང་ངོ་ཞེས་མཆི་ཞིང་དེ་དག་ལ་གོ་བར་བགྱིད་ལགས་སོ། །བདག་ལ་འཚེ་བའི་གྲུལ་བུམ་དང་། །བདག་མི་གཏོང་བའི་གྲུལ་བུམ་གྱིས། །
D656.091.0160a07.01