完整藏文原文 · 德格版页 当前仅加载第 91 函德格 287b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། རྒྱ་གར་སྐད་དུ། ནཱ་རཱ་ཡ་ན་པའི་པྲྀཙྪྭ་ཨཱརྱ་མཧཱ་མཱཡཱ་བིཛ་ཡ་བཱ་ཧི་ནཱི་ནཱ་མ་དྷཱ་ར་ཎཱི། བོད་སྐད་དུ། སྲེད་མེད་ཀྱི་བུས་ཞུས་པ་འཕགས་པ་སྒྱུ་མ་ཆེན་མོ་རྣམ་པར་རྒྱལ་བ་ཐོབ་པར་བྱེད་པ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་
D684.091.0287b01.01དཔའ་ཐམས་ཅད་ལ་ཕྱག་འཚལ་ལོ། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་གསེར་གྱི་རྭ་ཞེས་བྱ་བའི་རི་བོའི་རྩེ་ན་རྣམ་ཐོས་བུའི་ཁང་པ་ན་བཞུགས་ཏེ། ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་མིའམ་ཅི་དང་ལྟོ་འཕྱེ་
D684.091.0287b02.01ཆེན་པོ་དང་རིག་པ་འཛིན་པ་དང་ཆུ་སྐྱེས་མ་ལ་སོགས་པ་མང་པོ་རྣམས་ཀྱིས་བསྟོད་པར་བྱེད་པའི་ཆོས་སྣང་བའི་སྒོ་ཞེས་བྱ་བའི་ཆོས་རྣམས་གྲངས་བསྟན་བར་མཛད་དོ། དེ་ནས་ལྷ་མ་ཡིན་རྣམས་ཀྱིས་བཅོམ་པ་ཕམ་པ་ཀུན་ཏུ་ཉམས་བ་གཟི་བརྗིད་ཀྱི་སྟོབས་དམན་པའི་སྲིད་མེད་ཀྱི་
D684.091.0287b03.01བུ་གང་དེ་བཅོམ་ལྡན་འདས་ཀྱི་དྲུང་དུ་ཉེ་བར་འོངས་སོ། ཉེ་བར་འོངས་ནས་ཀྱང་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་མངོན་པར་བཏུན་ནས་མཐའ་གཅིག་ཏུ་འདུག་གོ། མཐའ་གཅིག་ཏུ་འདུག་ནས་དེ་ཉིད་དུ་གསོལ་བ། འདི་ལྟར་བཅོམ་ལྡན་འདས་ཐམས་
D684.091.0287b04.01ཅད་མཁྱེན་པ་ཐམས་ཅད་གཟིགས་པ་སེམས་ཅན་ཐམས་ཅད་ལ་རྗེས་སུ་བརྩེ་བ་ཅན། ཆོས་ཀྱི་རྣམ་གྲངས་གང་གིས་ལྷ་དང་ཀླུ་དང་གནོད་སྦྱིན་དང་སྲིན་པོ་ལ་སོགས་པ་རྣམས་སམ་མི་རྣམས་ཀྱང་རུང་སྟེ། གཡུལ་འཁྲུགས་པའི་ཚེ་མཚོན་ཆ་ཆེན་པོ་ལྟུང་བའམ་ཉེ་བར་འཚོ་
D684.091.0287b05.01བའམ་རྩོད་པ་ཐམས་ཅད་ལས་ཐམས་ཅད་དུ་རྣམ་པར་རྒྱལ་བར་འགྱུར་པ་དེ་ལྟ་བུ་བསྟན་པར་མཛད་དུ་གསོལ། བཅོམ་ལྡན་འདས་ཀྱིས་བཀའ་སྩལ་བ། སྲེད་མེད་ཀྱི་བུ་སྒྱུ་མ་འཆང་བ་ཁྱེད། སྲེད་མེད་ཀྱི་བུ་སྒྱུ་མ་དང་ལྡན་པ། སྟོབས་ཆེན་པོ་མཆིས་པ་གཡོ་སྒྱུ་
D684.091.0287b06.01མང་པོས་སེམས་ཅན་རྣམས་སླུ་བར་བྱེད་པ་ཁྱེད་འདིར་འཇིགས་ནས་གཡུལ་དུ་རྣམ་པར་རྒྱལ་བ་འདྲི་ཞིང་ཡོངས་སུ་འདྲི་བར་བྱེད་པ་ཅི་ཡིན། སྲེད་མེད་བུས་འདི་སྐད་གསོལ་བ། བཅོམ་ལྡན་འདས་འདོད་པའི་ལྷ་མ་ཡི་གྱི་དབང་བོས་ལྷ་མ་ཡིན་གྱི་སྒྱུས་འདིར་བདག་བཅོམ་
D684.091.0287b07.01