完整藏文原文 · 德格版页 当前仅加载第 91 函德格 289b 版页；藏文 NFD、目录标记与异常页序保留在来源切片中，重复版页行以稳定序号区分。
བཅུའི་ལས་ཀྱི་ལམ་གྱི་ཆད་པས་དྲང་བར་བྱ་བ་སྟེ། དེ་རྣམས་ཀྱི་འཚོ་བ་ལ་བར་དུ་གཅོད་པའི་འབྲས་བུ་ཅན་ནི་མ་ཡིན་ནོ། །སྲེད་མེད་ཀྱི་བུ། བསྔགས་པར་འོས་པའི་གཟུངས་ཀྱི་མཐུ་ནི་དེ་ལྟ་བའོ། །སྲེད་མེད་ཀྱི་བུ། ཡང་གང་ཞིག་གཟུངས་སྔགས་ཀྱི་ཚིག་འདི་
D684.091.0289b01.01རྣམས་གཙང་བར་བྱས་པས་སམ་གཙང་བར་མ་བྱས་པས་ཀྱང་རུང་། བསྙུང་བར་བྱས་པས་སམ་བསྙུང་བར་མ་བྱས་པས་ཀྱང་རུང་ཉི་མ་སོ་སོ་ལ་ལན་གསུམ་དུ་རྗོད་པར་བྱེད་པ་དེ་ཉིད་ནི་མཚམས་མེད་པ་ལྔ་བྱས་པའང་སྡིག་པའི་ཕུང་བོ་ཟད་པར་བྱས་ནས་བསོད་ནམས་ཀྱི་ཕུང་པོ་ཐོབ་
D684.091.0289b02.01ཅིང་སྐྱེ་བ་དྲན་པར་འགྱུར་རོ། །སེམས་ཅན་ཐམས་ཅད་ཀུན་ཏུ་ཁྱབ་པའི་ནོར་ལ་ཉེ་བར་ལོངས་སྤྱོད་ཅིང་དགེ་བའི་ཆོས་རྣམས་ལ་མངོན་པར་དགའ་སྟེ་མི་དགེ་བ་ལོག་པར་ལྟུང་བ་རྣམས་ལ་ནི་མ་ཡིན་ནོ། །སྲེད་མེད་ཀྱི་བུ། ཡང་གང་ཞིང་རིགས་ཀྱི་བུའམ་རིགས་ཀྱི་བུ་མོའམ་
D684.091.0289b03.01དགེ་སློང་ངམ་དགེ་སློང་མའམ་དགེ་བསྙེན་ནམ་དགེ་བསྙེན་མའམ་རྒྱལ་བོའམ་རྒྱལ་བོའི་བུའམ་བྲམ་ཟེའང་རུང་གཟུངས་འདི་འཛིན་པར་བྱེད་པ་འཆི་བའི་དུས་ལ་བབ་པ་ན་དམ་པའི་ཆོས་ཀྱི་སྣང་ཅན་དུ་འགྱུར་ཞིང་ཚིག་པའམ་ཐལ་བར་གྱུར་བ་ལའང་སྐྱེས་པའམ་བུད་མེད་གང་ལ་ལ་
D684.091.0289b04.01ཞིག་གིས་རེག་པར་བགྱིད་པ་དེ་ཉིད་ངེས་པར་སྐྱེ་བ་དྲན་པར་འགྱུར་རོ། །དེ་ནས་སྲེད་མེད་ཀྱི་བུས་བྱང་ཆུབ་སེམས་དཔའི་སྡོམ་པ་ལ་ཀྱེ་མའོ་ཞེས་ངོ་མཚར་བར་བྱས་ནས་དུང་དང་འཁོར་ལོ་དང་དབྱུག་པ་དང་མེ་ཏོག་གི་ཕྲེང་བ་རྣམས་བཞག་སྟེ་སྟན་ལས་ལངས་ནས་བཅོམ་ལྡན་འདས་ལ་
D684.091.0289b05.01ལན་གསུམ་དུ་བསྐོར་ཞིང་ཕྱག་བྱས་ཏེ་རབ་ཏུ་འཛུམ་པ་དང་བཅས་པའི་བཞིན་གྱིས་བཅོམ་ལྡན་འདས་ལ་ཚིགས་སུ་བཅད་པའི་དབྱངས་ཀྱིས་བསྟོད་པ། ཨེ་མ་ལྷ་དང་ལྷ་མིན་འཇིག་རྟེན་གྱི། །གཙོ་བོ་མཆོག་གྱུར་བླ་ན་མེད་པ་སྟེ། །ཞི་བ་ཞི་བར་གྱུར་བ་ལེགས་
D684.091.0289b06.01བཟུང་ནས། །འཇིག་རྟེན་འདས་ལ་ཕྱག་འཚལ་བསྟོད་པར་བགྱི། །ཆོས་རྣམས་ཐམས་ཅད་དངོས་མེད་པར། །བྱུང་བའི་ཆོས་ནི་རབ་ཏུ་སྟོན། །ཆོས་དང་ཆོས་མིན་རྣམ་པར་གྲོལ། །ཆོས་བདེན་ཁྱོད་ལ་ཕྱག་འཚལ་བསྟོད། །དེ་ནས་སྲེད་མེད་ཀྱི་བུས་
D684.091.0289b07.01