完整藏文原文 · 德格版页 当前仅加载第 91 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ་ལྷ་རྣམས་འགའ་ཞིག་ནི་འཆི་བར་གྱུར། འགའ་ཞིག་ནི་ཕམ་བར་གྱུར། འགའ་ཞིག་ནི་བཅོམས་པར་གྱུར་ལགས་སོ། བཅོམ་ལྡན་འདས་ཆོས་ཀྱི་རྣམ་གྲངས་གང་གིས་སེམས་ཅན་རྣམས་གཡུལ་དུ་རྣམ་པར་རྒྱལ་བར་བྱེད་པར་འགྱུར་པ། ལྷ་མ་ཡིན་རྣམས་ཕམ་པར་བྱེད་
D684.091.0288a01.01པར་འགྱུར་བ། ལྷ་མ་ཡིན་གྱི་དྲེགས་པ་སྙིལ་བར་བྱེད་པར་འགྱུར་བ་དེ་ལྟ་བུ་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་བ། སྲེད་མེད་ཀྱི་བུ། སྔོན་བྱུང་འདས་བའི་དུས་སུ་མ་ག་ངྷཱ་རོ་ཧི་ཏའི་རི་ལ་རིན་ཆེན་དཔལ་ཞེས་བྱ་བའི་རྒྱལ་པོ་བྱུང་ངོ་། དེའི་ཚེ་དེའི་དུས་ན་དེ་བཞིན་
D684.091.0288a02.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་བདེ་བར་གཤེགས་པ་འཇིག་རྟེན་མཁྱེན་པ་བླ་ན་མེད་པ་སྐྱེས་བུ་འདུལ་བ་ཁ་ལོ་སྒྱུར་བ་ལྷ་དང་ནི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ཐམས་ཅད་དབང་ཕྱུག་ཅེས་བྱ་བ་བྱུང་ངོ་།
D684.091.0288a03.01བཅོམ་ལྡན་འདས་ཐམས་ཅད་དབང་ཕྱུག་དེའི་ཞལ་སྔ་ནས་སྒྱུ་མ་ཆེན་པོ་རྣམ་པར་རྒྱལ་བ་ཐོབ་པར་བྱེད་པ་ཞེས་བྱ་བའི་རིག་སྔགས་ཀྱི་ཚིག་འདི་རྣམས་བདག་གིས་ལེགས་པར་མནོས་ཏེ་འཛིན་པ་དང་ཀློག་པ་དང་ཀུན་ཆུབ་པ་དང་རྗེས་སུ་ཡི་རང་པར་བྱས་ཏེ་གཞན་རྣམས་ལའང་རྒྱ་ཆེར་
D684.091.0288a04.01ཡང་དག་པར་རབ་ཏུ་བསྟན་ཏོ། །སྲེད་མེད་ཀྱི་བུ་གཟུངས་འདིའི་མཐུས་ནམ་དུའང་དགྲའི་འཇིགས་པ་མེད་པ་དང་མི་འཕྲོད་པའི་འཇིགས་པ་མེད་པ་དང་ཆོམ་རྐུན་གྱི་འཇིགས་པའང་འབྱུང་བ་མེད་པར་ལོ་སྟོང་ཕྲག་བརྒྱའི་པར་དུ་ཆོས་བཞིན་གྱི་རྒྱལ་སྲིད་བྱས་ནས། སླད་མར་ཡང་གྲོང་
D684.091.0288a05.01ཁྱེར་དང་གྲོང་ཁྱེར་གཞན་དང་སྐྱེད་མོས་ཚལ་རྣམས་སུ་གཟུངས་ཀྱི་མཐུས་ལྟད་མོ་བཞིན་དུ་བདེ་བར་རྒྱུ་བར་བྱེད་དོ། སྐྱེ་བ་བརྗེས་ནས་མཱ་ངྷཱ་ཧཱ་ཞེས་བྱ་བའི་བྱང་ཆུབ་སེམས་དཔའ་འཁོར་ལོས་སྒྱུར་བའི་རྒྱལ་བོ་རིན་པོ་ཆེ་བདུན་དང་ཡང་དག་པར་ལྡན་པ། འཇིག་རྟེན་གསུམ་
D684.091.0288a06.01པོ་མཐའ་དག་ལ་བཀའི་ལུང་བསྒྱུར་བ་བྱུང་ངོ་། སྔོན་དུ་སྦྱིན་བའི་ཕ་རོལ་དུ་ཕྱིན་པ་མ་ཉམས་པས་སེམས་ཅད་ཐམས་ཅད་ཇི་ལྟར་འདོད་པ་བཞིན་དུ་ཕན་འདོགས་པར་བྱེད་བའི་ཕྱིར་ཕུན་སུམ་ཚོགས་པའི་སྐལ་བ་ཅན་ནོར་གྱི་རྒྱུན་འབེབས་པར་བྱེད་པ། སེམས་
D684.091.0288a07.01