完整藏文原文 · 德格版页 当前仅加载第 93 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
དབང་ཕྱུག་ལ་ལེགས་སོ་ལེགས་སོ་ཞེས་བསྔགས་པ་བརྗོད་ནས། རིགས་ཀྱི་བུ་ཁྱོད་ཀྱིས་སེམས་ཅན་ཐམས་ཅད་ལ་དེ་ལྟ་བུའི་བྱམས་པ་དང་སྙིང་རྗེའི་བསམ་པ་བསྐྱེད་ནས། རིག་སྔགས་ཆེན་པོ་འདི་རྣམ་པར་ཕྱེ་སྟེ་བསྟན་པ་ཡིན་པས་ཁྱོད་ཐབས་འདིའི་དབང་གིས་
D694.093.0142a01.01སེམས་ཅན་ཐམས་ཅད་ཀྱི་ནད་ཀྱི་སྡུག་བསྔལ་དང་། སྒྲིབ་པ་དང་བགེགས་དང་འཇིགས་པ་དང་ལུས་དང་ངག་དང་། ཡིད་ཀྱི་ཉེས་པ་ལས་ཡོངས་སུ་སྐྱོབ་ཅིང་ཐར་བར་བྱས་ནས་སེམས་ཅན་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་ལ་རྣམ་པར་འཇོག་པ་
D694.093.0142a02.01ཡིན་ཏེ། རིགས་ཀྱི་བུ་ང་ཡང་རྗེས་སུ་ཡི་རངས་ནས་ཁྱོད་ཀྱི་རིག་སྔགས་ཡོངས་སུ་བཟུང་ནས་ཁྱོད་ཀྱིས་སྨྲོས་ཤིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་
D694.093.0142a03.01ལྷ་ང་ས་ལ་བཙུགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །རིག་སྔགས་འདི་འདོན་པ་གང་ལགས་པ་དེས་འདི་སྐད་དུ་དཀོན་མཆོག་གསུམ་ལ་གུས་པར་ཕྱག་འཚལ་ལོ། །འཕགས་པ་དེ་བཞིན་གཤེགས་པ་ཡེ་ཤེས་རྒྱ་མཚོ་རྣམ་པར་སྣང་མཛད་བཀོད་པའི་
D694.093.0142a04.01རྒྱལ་པོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་ལ་གུས་པར་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་
D694.093.0142a05.01པ་ལ་གུས་པར་ཕྱག་འཚལ་ལོ་ཞེས་བརྗོད་པར་བགྱི་ལགས་སོ། །ཏདྱ་ཐཱ། ཨོཾ་དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཨིཊྚེ། བཊྚེ། ཙ་ལེ་ཙ་ལེ། པྲ་ཙ་ལེ་པྲ་ཙ་ལེ། ཀུ་སུ་མེ། ཀུ་སུ་མ། བ་རེ། ཨི་ལི་མི་ལི། ཙི་ཏི་ཙི་ཏི། ཛྭ་ལ་མ་པ་ན་ཡ། ཤུདྡྷ་ཏཱ་སྭཱ་ཧཱ། མ་
D694.093.0142a06.01ཧཱ་ཀཱ་རུ་ཎི་ཀཱ་ཡ་སྭཱ་ཧཱ། བཅོམ་ལྡན་འདས་འདི་རྩ་བའི་རིག་སྔགས་ལགས་ཏེ། གང་ལ་ལ་ཞིག་གིས་རྗེས་སུ་དྲན་ཞིང་བཟླས་བརྗོད་བགྱིས་ན་གོང་དུ་བསྟན་པ་ལྟ་བུའི་ཡོན་ཏན་ཁྱད་པར་དུ་འཕགས་པ་དག་འཐོབ་པར་འགྱུར་ལགས་སོ། །དཀོན་མཆོག་གསུམ་ལ་གུས་པར་
D694.093.0142a07.01