完整藏文原文 · 德格版页 当前仅加载第 93 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
པ་སྣ་ཚོགས་ཀྱིས་བྲོ་འཚལ་བར་གྱུར་ཏམ་རལ་གྲི་དང་། མདའ་དང་། མདུང་ལ་སོགས་པ་ཕོག་སྟེ་སྨྱོས་པར་གྱུར་ཏམ། སྦྲུལ་དང་། སྡིག་པ་དང་། རྩངས་པ་དང་། བུང་བ་དང་། གདུག་པ་ལ་སོགས་པས་ཟིན་པར་གྱུར་ན། སྔགས་འདིས་ལན་བདུན་བཟླས་ཏེ་བཏབ་
D694.093.0144b01.01ནས་སོས་པར་འགྱུར་ལགས་སོ། །གལ་ཏེ་སྒྲིབ་པ་ལྕི་བ་ཞིག་ལགས་ན། དོག་ས་སེར་པོའི་འཇིམ་པ་ལ་ལན་བདུན་སྔགས་ཀྱིས་བཏབ་སྟེ་བྲོ་འཚལ་བའི་དམིགས་སུ་བྱུགས་ན་སེལ་བར་འགྱུར་ལགས་སོ། །གལ་ཏེ་རླུང་ནད་ན་བའམ་ཕྱོགས་གཅིག་པ་ལངས་པར་གྱུར་ཏམ་
D694.093.0144b02.01རྣ་བ་འོན་པའམ་སྣ་འཚུབས་པའམ་རླུང་གིས་ཟིན་པའི་ནད་ལ་སོགས་པས་བྲོ་འཚལ་བར་གྱུར་ན། སེམས་རྩེ་གཅིག་ཏུ་སྔགས་འདི་བཟླས་བརྗོད་བགྱིས་ནས་ནད་པ་དེ་དག་ལ་ལན་བརྒྱ་རྩ་བརྒྱད་སྔགས་ཀྱིས་བཏབ་ན་ནད་སོས་པར་འགྱུར་ལགས་སོ། །གལ་ཏེ་སྒྲིབ་པ་ལྕི་བ་ཞིག་
D694.093.0144b03.01ལགས་ན་འབྲུ་མར་དང་། ཆབ་མར་དང་གྲོ་དང་། རུ་རྟ་རྣམས་བསྐོལ་ཏེ་སྔགས་ལན་བདུན་བཏབ་ནས་ལུས་ལ་བསྐུས་སམ་རྣ་བ་དང་སྣར་བླུགས་སམ་འཚལ་དུ་སྩལ་ན་བྲོ་ནད་སོས་པར་འགྱུར་ལགས་སོ། །གཞན་ཡང་བྲོ་ནད་གཞན་རྣམ་པ་སྣ་ཚོགས་ཀྱིས་བྲོ་འཚལ་བར་གྱུར་ན།
D694.093.0144b04.01སེམས་རྩེ་གཅིག་ཏུ་སྔགས་འདི་གདབ་པར་བགྱིའོ། །ཡང་ན་བདག་ཉིད་ཀྱིས་བཟླས་བརྗོད་བགྱིས་ན་འཚོ་བར་འགྱུར་ལགས་སོ། །གལ་ཏེ་རིག་སྔགས་འདི་བསྒྲུབ་པར་འཚལ་ན། སྔར་སྲ་ཞིང་འཕན་སྐྱོན་མ་མཆིས་པའི་ཙནྡན་དཀར་པོ་ལས་བྱང་ཆུབ་སེམས་དཔའ་སྤྱན་
D694.093.0144b05.01རས་གཟིགས་དབང་ཕྱུག་གི་གཟུགས་སྲིད་དུ་མཐོ་ཕྱེད་དང་དོ་མཆིས་པ། སུག་པ་ལག་པ་གཡོན་པ་ན་པདྨ་ལེ་བརྒན་དང་རིལ་བ་ཐོགས་པ་ལག་པ་གཡས་པ་བརྐྱང་ནས་བགྲང་ཕྲེང་ཐོགས་ཤིང་། འཇིགས་པ་མ་མཆིས་པ་སྩོལ་བའི་ལག་ཏུ་སྟོན་པ་གདོང་བཅུ་གཅིག་པར་
D694.093.0144b06.01བགྱིས་ཏེ་མདུན་གྱི་གདོང་གསུམ་ནི་བྱམས་པ་དང་སྙིང་རྗེ་དང་བཅས་པའི་མཚན་དང་ལྡན་པར་བགྱིའོ། །གཡོན་ཕྱོགས་ཀྱི་གདོང་གསུམ་ནི་ཁྲོ་བོའི་མཚན་ཅན་དུ་བགྱིའོ། །གཡས་ཕྱོགས་ཀྱི་གདོང་གསུམ་ནི་མཆེ་བ་དཀར་པོ་གྱེན་དུ་འབྱུང་བའི་མཚན་ཅན་དུ་བགྱིའོ། །
D694.093.0144b07.01