完整藏文原文 · 德格版页 当前仅加载第 93 函德格 146b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་པའི་གདོང་གི་སྤྱི་བོ་ལ་བཏགས་ནས་ཞག་ལོན་ཏེ་སླར་བཀྲོལ་ནས་ནད་པའི་མགུལ་དུ་བཏགས་ན་བྲོ་ནད་སོས་པར་འགྱུར་ལགས་སོ། །གལ་ཏེ་ལས་ཀྱི་སྒྲིབ་པ་ལྕི་བ་ཞིག་ལགས་ཏེ་སོས་པར་མ་གྱུར་ན་སྔགས་ཐག་དེ་བླངས་ནས་ཡང་ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ་སྔ་མའི་
D694.093.0146b01.01གཟུགས་ཀྱི་སྤྱི་བོ་ལ་བཏགས་ནས། ཞག་ལོན་ཏེ་སླར་བཀྲོལ་ནས་ནད་པའི་མགུལ་དུ་བཏགས་ན་ངེས་པར་འཚོ་བར་འགྱུར་ལགས་སོ། །གཞན་ཡང་གང་ལ་ལ་ཞིག་བྲོ་ནད་རྒྱུན་རིམས་ཀྱིས་བཏབ་ནས་སྡུག་བསྔལ་ཞིང་སོས་པར་མ་གྱུར་ཏམ། འདྲེ་གདོན་མ་རུངས་པ་ཁྱིམ་དུ་
D694.093.0146b02.01ཞུགས་པར་གྱུར་ན། ཧུན་ལུག་ཐང་འབྲུམ་བུ་བརྒྱ་རྩ་བརྒྱད་བླངས་ཏེ་གཟུགས་བགྱིས་པ་དེའི་མདུན་དུ་འབྲུམ་བུ་རེ་རེ་བླངས་ལ་སྔགས་ལན་རེ་བཏབ་ནས་ཞུགས་ཀྱི་ནང་དུ་དོར་བར་བགྱི་ཞིང་ཐམས་ཅད་པས་པའི་བར་དུ་བགྱིའོ། །གཞན་ཡང་སྐུད་པ་དཀར་པོ་ལ་སྔགས་མདུད་ཉི་ཤུ་རྩ་
D694.093.0146b03.01གཅིག་མདུད་དེ་སྔགས་ལན་རེ་བཟླ་ཞིང་མདུད་པ་རེ་རེ་མདུད་ནས། མདུན་གྱི་བྱམས་པ་དང་སྙིང་རྗེ་དང་ལྡན་པའི་གདོང་གི་སྤྱི་བོ་ལ་བཏགས་ནས་ཞག་ལོན་ཏེ་སླར་བཀྲོལ་ནས་ནད་པའི་མགུལ་དུ་བཏགས་ན་བྲོ་ནད་རྣམས་འབྱང་ཞིང་གདོན་བགེགས་མ་རུངས་པ་རྣམས་འབྱེར་ཞིང་འགྱེས་
D694.093.0146b04.01པར་འགྱུར་ལགས་སོ། །གཞན་ཡང་མི་མཛའ་བདག་གིས་གླགས་བཙལ་བར་གྱུར་ཏམ། འཐབ་ཅིང་རྩོད་པ་དང་། བྱད་སྟེམས་ཀྱིས་གནོད་པ་བགྱིད་པར་གྱུར་ན་མེ་ཏོག་དང་པོག་སྤོས་ལ་སོགས་པ་སྣ་ཚོགས་ཀྱིས་གཟུགས་བགྱིས་པ་དེ་ལ་མཆོད་ཅིང་བི་ན་ཡ་ཀའི་གཟུགས་
D694.093.0146b05.01ཀྱི་མདུན་དུ་ཞུགས་སྦར་ནས། འུན་ཏེའི་འབྲས་བུ་འབྲུམ་བུ་བརྒྱ་རྩ་བརྒྱད་བླངས་ཏེ་སྔགས་ལན་རེ་བཏབ་ནས་ཞུགས་ཀྱི་ནང་དུ་དོར་བར་བགྱིའོ། །གཞན་ཡང་སྐུད་པ་དཀར་པོ་ལ་མདུད་པ་བརྒྱ་རྩ་བརྒྱད་མདུད་དེ། སྔགས་ལན་རེ་བཟླ་ཞིང་མདུད་པ་རེ་རེ་མདུད་ནས་གཟུགས་དེའི་གཡོན་ཕྱོགས་ཀྱི་
D694.093.0146b06.01ཁྲོ་བོའི་གདོང་གི་སྤྱི་བོ་ལ་བཏགས་ནས་ཞག་བཞི་ལོན་ཏེ་སླར་བཀྲོལ་ལ། སྐུད་པ་དེ་བླངས་ཏེ་མི་མཛའ་བ་དེའི་མིང་ནས་བརྗོད་དེ་མདུད་པ་རེ་རེ་ནས་སོ་སོ་ཐ་དད་པར་སྦས་ནས་རེ་རེ་ལ་ཡང་སྔགས་ལན་རེ་བཟླ་ཞིང་རེ་རེ་ནས་གཏུབས་ཏེ་ཐམས་ཅད་བས་པའི་བར་དུ་བགྱིས་ན། མི་མཛའ་
D694.093.0146b07.01