完整藏文原文 · 德格版页 当前仅加载第 96 函德格 93a 版页；藏文 NFD、目录标记与异常页序保留在来源切片中，重复版页行以稳定序号区分。
བུད་ཤིང་གི་དོན་དུ་ངལ་ཤིང་སློང་དུ་འོངས་ཏེ། དེར་ངས་དགོན་པར་ཤིང་ཁྱེར་ནས་དགེ་སློང་གི་གན་དུ་ཕྱིན་ཏེ། མེ་སྦར་ནས་དགེ་སློང་གི་ནད་སོས་པར་བྱས་ཏེ། ཉི་མ་གཅིག་གི་བསོད་སྙོམས་ཀྱང་དྲངས་སོ། །དེ་ནས་དགེ་སློང་དེ་སེམས་ཡོངས་སུ་མགུ་ནས་དེས་
D770.096.0093a01.01ང་ལ་གསུམ་ལ་སྐྱབས་སུ་འགྲོ་བ་དང་། བྱང་ཆུབ་ཏུ་སེམས་བསྐྱེད་ནས་དཀྱིལ་འཁོར་དང་། ཕྱག་རྒྱ་དང་། སྔགས་དང་། གསང་བའི་རྟོག་པ་ང་ལ་བྱིན་ནོ། །ངས་ཀྱང་ཡང་དག་པར་བསྒོམས་ནས་ཡོད་དོ། །དེའི་ཚེ་སྔགས་ཀྱི་རྒྱལ་པོ་ང་ལ་བྱིན་ནས། དེ་ལྟར་དེ་ཉིད་བསྒོམས་
D770.096.0093a02.01པས། ཚེ་དེ་ཉིད་ལ་ཇི་ལྟར་འཕགས་པ་གནོད་གནས་ཀྱི་དབང་པོ་མཐོང་བའི་ལམ་དུ་གྱུར་ཏོ། །དེ་ནས་དེང་ལ་ཡོངས་སུ་མགུ་ནས་ཕྱག་རབ་ཏུ་གྲོལ་བ་ཞེས་བྱ་བར་མིང་བཏགས་སོ། །དེར་ཡང་ང་རྒྱལ་པོར་དབང་བསྐུར་བས་གྲོང་ཁྱེར་གྱི་མི་རྣམས་ཆོས་དང་ལྡན་པར་བྱས་ནས།
D770.096.0093a03.01དེ་ལ་ང་རྒྱལ་པོར་རབ་ཏུ་གནས་པས་ངས་སེམས་ཅན་ཐམས་ཅད་དགེ་བ་བཅུའི་ལས་ཀྱི་ལམ་ལ་ངེས་པར་སྦྱར་རོ། །ཇི་ལྟར་དོན་དུ་གཉེར་བ་རྣམས་ལ་སྐལ་བ་དང་ལྡན་པ་རྣམས་ལ་དུས་མེད་པར་ཐམས་ཅད་ལ་ཉེ་བར་ཕན་པ་རང་རང་གི་ཁྱིམ་དུ་རྫོགས་པར་བྱས་སོ། །
D770.096.0093a04.01དེ་ལ་སོགས་པ་ངས་སྦྱིན་པའི་ཕ་རོལ་དུ་ཕྱིན་པ་ཡོངས་སུ་རྫོགས་བཞིན་པས་བྱང་ཆུབ་སེམས་དཔའི་ས་ལ་རབ་ཏུ་ཞུགས་སོ། །རིམ་གྱིས་ངས་ཐམས་ཅད་མཁྱེན་པ་ཡང་དག་པར་རྫོགས་སོ། །དབུལ་བ་ཐམས་ཅད་ཉམས་པར་བྱེད་པ་དང་། སེམས་ཅན་ཐམས་ཅད་
D770.096.0093a05.01ཀྱི་སྡུག་བསྔལ་ཉེ་བར་གཅོད་པ་ངས་ཡང་དག་པར་མངོན་པར་ཤེས་སོ། །གང་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་མཁྱེན་པའི་ཡེ་ཤེས་ཤིན་ཏུ་རྟོགས་པ་དེ་རྣམས་ཀྱིས་ཀྱང་སྔོན་དུ་སྔགས་ཀྱི་རྒྱལ་པོ་འདི་བསྒྲུབས་
D770.096.0093a06.01པས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ།། །།དེའི་ཕྱིར་གནོད་སྦྱིན་གྱི་སྡེ་དཔོན་ཆེན་པོ་ཁྱོད་དེ་བཞིན་གཤེགས་པ་ཐམས་ཅད་ཀྱི་ཡུམ་དུ་གྱུར་པ་བསྐྱེད་པ། འདོད་དོན་ཐམས་ཅད་སྒྲུབ་པའི་ཐབས། །གང་ཞིག་མཐོང་བ་ཙམ་གྱིས་ཀྱང་། །དེ་ནི་
D770.096.0093a07.01