完整藏文原文 · 德格版页 当前仅加载第 96 函德格 99a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་བློ་དང་ལྡན་པ་ཡིས། །རྐང་པའི་མཐིལ་དུ་སྭཱ་ཧཱ་དགོད། །འདི་རྣམས་གནོད་སྦྱིན་དབང་པོ་རྒྱལ། །གསང་བའི་སྙིང་པོ་རབ་ཏུ་གྲགས། །འདི་རྣམས་གང་ཤེས་བློ་ལྡན་ཡིན། །དེ་ཡིས་དངོས་གྲུབ་འགྲུབ་པར་འགྱུར། །ཇི་ལྟར་ནུས་པར་བཟླས་པ་བྱ། །
D770.096.0099a01.01བདག་ཉིད་བསྲུང་བ་བྱས་ནས་ནི། །སེམས་ཅན་རྣམས་ལ་བསོད་ནམས་གང་། །མཉམ་པར་གཞག་པས་དབུལ་བར་བྱ། །ཇི་ལྟར་འདོད་པས་བླངས་ནས་ནི། །དེ་ནས་གཤེགས་སུ་གསོལ་བར་བྱ། །སྔར་གྱི་སྤྱན་དྲང་ཕྱག་རྒྱ་ལས། །མཐེབ་མོ་བརྐྱང་བས་བསྐྱོད་པའོ། །
D770.096.0099a02.01སྔགས་དང་ལྡན་པས་གཤེགས་སུ་གསོལ། སྔགས་ནི། ཨོཾ་ཌི་ཌི་ཀི་ཏཱ་ཏེ་བཱ་ག་ཏ་ཨཛྴ་གཙྪ་གཙྪ་སྭཱ་ཧཱ། རིམ་པ་འདི་ཡིས་སྔོན་དུ་བསྙེན་པ་འབུམ་བྱས་ལ་ཕྱི་ནས་ཇི་ལྟར་འདོད་པ་བསྒྲུབ་པར་བྱའོ། །དེ་ནས་ཐམས་ཅད་དང་ལྡན་པའི་འཁོར་དེས། བཅོམ་ལྡན་འདས་ལ་འདི་
D770.096.0099a03.01སྐད་ཅེས་གསོལ་ཏོ། །ཇི་སྲིད་རིམ་པ་འདི་ཡིས་སེམས་ཅན་ཐམས་ཅད་དབུགས་དབྱུང་ཆེན་པོར་འགྱུར་རོ། །བཅོམ་ལྡན་འདས་ཤིན་ཏུ་ངོ་མཚར་རོ། །བདེ་བར་གཤེགས་པ་ཤིན་ཏུ་ངོ་མཚར་རོ། །སེམས་ཅན་ཐམས་ཅད་ཁྱད་པར་སྤྲོ་བ་དང་། དོན་ཐམས་ཅད་སྒྲུབ་པ་དང་།
D770.096.0099a04.01སྙིང་རྗེ་ཆེན་པོའི་བདག་ཉིད་ཅན་སེམས་ཅན་གང་གིས་གནོད་གནས་ཀྱི་དབང་པོའི་རྟོག་པ་མཉན་འདོད་པའི་དོན་མ་ལུས་པ་སྒྲུབ་པ། བཅོམ་ལྡན་འདས་ཀྱིས་བཤད་དུ་གསོལ། །དེ་ནས་ཡང་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་འཁོར་ལ་གཟིགས་ནས། གནོད་
D770.096.0099a05.01གནས་ཀྱི་རྟོག་པ་འདི་གསུངས་པ། སྔར་བརྗོད་པའི་ཆོ་གས་སྔོན་དུ་བསྙེན་པ་བྱས་ལ། དེ་ནས་ཡང་གནོད་གནས་ཀྱི་དབང་པོ་ལ་དྲི་དང་མེ་ཏོག་གི་མཆོད་པ་བྱས་ན། རྒྱ་མཚོའི་ཆུར་ཞུགས་ལ་སྟོང་ཕྲག་བཅུ་བཟླས་པ་བྱས་ན་སྔོན་དུ་བསྙེན་པར་འགྱུར་རོ། །དེ་ནས་ཡར་ངོའི་
D770.096.0099a06.01ཚེས་གཅིག་ལ་རྒྱ་མཚོར་འབབ་པའི་ཆུ་བོའི་འགྲམ་དུ་ཕྱིན་ནས་རྐེད་པ་ནུབ་པ་ཙམ་དུ་ཆུར་ཞུགས་ཏེ། ཉིན་མཚན་གཅིག་ཏུ་སྨྱུང་བ་ལ་གནས་ནས། ཁྱོར་བ་འབུམ་གྱི་ཆུ་སྦྱིན་སྲེག་བྱས་ན་གསེར་སྲང་སྟོང་རྙེད་པར་འགྱུར་རོ། །སྦྱོར་བ་འདི་ཉིད་ཀྱིས་པུས་མོ་ནུབ་ཙམ་
D770.096.0099a07.01