完整藏文原文 · 德格版页 当前仅加载第 96 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ཆུའི་ནང་དུ་ཞུགས་ནས་སྟོང་ཕྲག་བཅུའི་སྦྱིན་སྲེག་བྱས་ན་གྲོང་བཅུའམ་གསེར་སྲང་སྟོང་རབ་ཏུ་སྟེར་བར་འགྱུར་རོ། །ཆུ་བོ་དེ་ཉིད་ལ་རྐེད་པ་ནུབ་ཙམ་དུ་ཆུར་ཞུགས་ནས་པདྨ་ལ་ཞོ་དང་མར་དང་སྦྲང་རྩི་སྦགས་ནས་སྟོང་ཕྲག་བཅུ་སྦྱིན་སྲེག་བྱས་ན་གཏེར་གྱི་བུམ་པ་རྙེད་པར་
D770.096.0099b01.01འགྱུར་རོ། །ཡང་སྦྱོར་བདེ་ཉིད་ཀྱིས་ཟར་མའི་མེ་ཏོག་སྟོང་ཕྲག་བརྒྱད་སྦྱིན་སྲེག་བྱས་ན་རྒྱལ་པོ་དབང་དུ་འགྱུར་རོ། །མྱ་ངན་མེད་ཀྱི་ཡམ་ཤིང་ལ་མེ་སྦར་ཏེ། ཨ་པ་མརྒའི་སྙེ་མ་ལ་མར་དང་སྦྲང་རྩིས་སྦགས་ནས་སྦྱིན་སྲེག་སྟོང་ཕྲག་བཅུ་བྱས་ན་འཁོར་ལོས་སྒྱུར་
D770.096.0099b02.01བའི་རྒྱལ་པོ་དབང་དུ་འགྱུར་རོ། །ཨ་པ་མརྒའི་ཡམ་ཤིང་གིས་མེ་རབ་ཏུ་སྦར་ལ། ཨ་པ་མརྒའི་ས་བོན་ཞོ་དང་མར་དང་། སྦྲང་རྩིས་བྱུགས་ལ་མིང་མེད་དང་མཐེབ་མོས་བཟུང་ནས་རང་གི་ཁྱིམ་དུ་གཏེར་མཐོང་བར་འགྱུར་རོ། །དེ་ནས་ཉིན་རེ་བཞིན་ཏིལ་གྱི་མེ་ཏོག་
D770.096.0099b03.01ཞོ་དང་མར་དང་སྦྲང་རྩིས་སྦགས་ནས། དུས་གསུམ་དུ་སྟོང་ཕྲག་བརྒྱད་དུ་སྦྱིན་སྲེག་བྱས་ན་གང་དོན་དུ་གཉེར་བ་དེ་ཐོབ་པར་འགྱུར་རོ། །ཉི་མ་གཅིག་གིས་འཁོར་ཉིས་བརྒྱ་དང་བཅས་པ་མ་བསླངས་པར་བཟའ་བ་དང་བཅའ་བ་ཡང་རྙེད་པར་འགྱུར་རོ། །མྱ་ངན་མེད་
D770.096.0099b04.01ཀྱི་མེ་ཏོག་ལ་ཞོ་དང་མར་དང་སྦྲང་རྩིས་བྱུགས་ཏེ་དུས་གསུམ་དུ་སྟོང་ཕྲག་བརྒྱད་དུ་སྦྱིན་སྲེག་བྱས་ན་གང་གསོལ་བ་བཏབ་པ་དེ་འཐོབ་པར་འགྱུར་རོ། །མྱ་ངན་མེད་ཀྱི་མེ་ཏོག་དང་། ཨ་པ་མརྒའི་ས་བོན་བསྲེགས་ལ་ཞོ་དང་མར་དང་སྦྲང་རྩིས་བྱུགས་ལ་སྟོང་ཕྲག་བཅུ་སྦྱིན་
D770.096.0099b05.01སྲེག་བྱས་ན་རྒྱལ་པོའི་བུ་མོ་དབང་དུ་འགྱུར་རོ། །མིང་བཟུང་ནས་སྦྱིན་སྲེག་དེ་ཉིད་སྟོང་ཕྲག་བརྒྱད་སྦྱིན་སྲེག་བྱས་ན་རྒྱལ་པོའི་བུ་དེ་ཉིད་ཐོབ་པར་འགྱུར་རོ། །མེ་ཏོག་དམར་པོ་མཉམས་པ་ཡོངས་སུ་བཟུང་ནས་རྒྱ་མཚོར་འབབ་པའི་ཆུ་བོར་ཕྱིན་ལ་རྐེད་པ་ནུབ་ཙམ་དུ་ཚུར་
D770.096.0099b06.01ཞུགས་ནས་སྟོང་ཕྲག་བཅུར་སྦྱིན་སྲེག་བྱས་ན་གང་མེ་ཏོག་དེའི་དྲི་ཚོར་བ་དང་། རེག་པ་དང་དེ་རྣམས་ཐམས་ཅད་དབང་དུ་འགྱུར་རོ། །ཆོ་ག་དེ་ཉིད་ཀྱིས་གནོད་སྦྱིན་མོ་རྣམས་འགུགས་པར་འགྱུར་རོ། །ཡང་ན་ཆུ་དེ་ཉིད་ལ་ཨ་པ་མརྒའི་ཤིང་གིས་སྦྱིན་སྲེག་སྟོང་བྱས་ན་ཉི་
D770.096.0099b07.01