完整藏文原文 · 德格版页 当前仅加载第 102 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
མཉམ་པའི་ཡི་གེ་སྟེ་དེའི་གཏོར་མའི་སྔགས་ནི་ཨོྃ་ཨཱཿཧཱུྃ་ཆེ་གེ་མོ་ས་པ་རི་ཝཱ་རཱ་ཡ། ཨི་དཾ་པ་ལིཾ་གན་དྷཾ་པུཥྤཾ་དྷཱུ་པཾ་པྲ་དཱི་པཱ་ཀྵ་ཏཾ་ད་དཱ་མ་ཧེ། ས་པ་རི་ཝཱ་རཿཤཱི་གྷྲཾ་ཨཱ་གཙྪ་ཏུ། ཛཿཧཱུྃ་བྃ་ཧོཿཨི་དཾ་བ་ལིཾ་གྲྀ་ཧྞཱ་ཏུ་ཁཱ་ད་ཏུ་པི་བེ་ཏུ། ས་བ་རི་ཝཱར་ཀཿསརྦ་སཏྭཱ་ནཱཾ་ཤཱན་ཏིཾ་
D845.102.0274a01.01པུ་ཥྚིཾ་རཀྵཱ་ཝར་ཎ་གུ་པ་ཏིཾ་ཀ་རོ་ཏུ། ཨི་དཾ་སྠཱ་ནྃ་ཏྱ་ཀ་ཏྲཱ་བཱ་ཧྱེ་མཎྜ་ལ་བྷཱུ་མྱཾ་ཏིཥྛ་ཏུ་ཧཱུྃ་ཧཱུྃ་ཕཊ། བཛྲ་དྷ་ར་ཨཱ་ཛྙཱ་པ་ཡ་ཏི་སྭཱ་ཧཱ། དེ་ལྟར་གཏོར་མ་བྱིན་ནས་གནས་ཀྱི་བདག་པོ་གཤེགས་ཏེ་དེ་ནས་སྔར་གསུངས་པའི་ཆོ་གས་བདུད་ཀྱི་ཚོགས་བསྲེགས་ནས་བསྲུང་བའི་འཁོར་ལོ་རྣམ་པར་
D845.102.0274a02.01བསམ་མོ། །དེ་ལ་དང་པོར་ཡྃ་ཡིག་ཡོངས་སུ་གྱུར་པ་ལས་རླུང་གི་དཀྱིལ་འཁོར་ཏེ་སྟེང་དང་འོག་ཏུ་ཧཱུྃ་ཡིག་ལས་རྡོ་རྗེ་ཁ་སྦྱར་བའོ། །དེ་བཞིན་དུ་རྃ་ཡིག་གི་བདག་ཉིད་མེའི་དཀྱིལ་འཁོར་དང་། ཝྃ་ཡིག་གི་བདག་ཉིད་ཆུའི་དཀྱིལ་འཁོར་དང་། ལྃ་ཡིག་གི་བདག་ཉིད་སའི་
D845.102.0274a03.01དཀྱིལ་འཁོར་རོ། །དེ་ནས་དཀྱིལ་འཁོར་བཞི་པོ་རྣམས་གཅིག་ཏུ་བྱས་ཏེ་ཐོ་རངས་གྲིབ་མ་ཡི་ནི་མཐའ་རུ་ཞེས་པ་མཚམས་ཀྱི་མཐར་ཐུག་པར་རོ། །དེ་ནས་ཡང་ཁང་པ་བརྩེགས་པ་ཁྲུ་བརྒྱ་ཕྲག་གཉིས་པ་བསྒོམ་པར་བྱ་སྟེ་ཕྱི་རོལ་དུ་རིང་དུ་མཐོང་བའི་མཐའ་རུ་སྟེ། གང་དུ་ནམ་
D845.102.0274a04.01མཁའ་དང་ས་འབྱར་བ་ཟླུམ་པོའི་དཀྱིལ་འཁོར་གྱི་རྣམ་པར་སྣང་བ་དེར་དཀྱིལ་འཁོར་བཞི་གཅིག་ཏུ་གྱུར་པ་དེ་ཉིད་ལས་རབ་གསུམ་མོ། །དེ་ནས་ཡུལ་འཁོར་བསྲུང་བའི་དོན་དུ་ཡུལ་འཁོར་གྱི་མཚམས་སུ་རབ་ལྔ་བསྒོམ་པར་བྱ་སྟེ་ཐམས་ཅད་དུ་འོག་ཏུ་མདུང་རྣམས་དང་སྟེང་དུ་མདའི་
D845.102.0274a05.01དྲ་བ་རྣོན་པོའོ། །དབུས་སུ་རྡོ་རྗེའི་ས་གཞི་ཡུལ་འཁོར་གྱི་མཚམས་ཀྱི་མཐར་ཐུག་པ་བསྒོམ་པར་བྱའོ། །དེ་ནས་ཁང་པ་བརྩེགས་པའི་དབུས་སུ་ཆུ་སྐྱེས་སམ་འཁོར་ལོ་རྩིབས་བརྒྱད་པ་ཁྲུ་བཅུ་གཉིས་པ་བསྒོམ་པར་བྱའོ། །དེའི་ལྟེ་བའམ་མུ་ཁྱུད་གདན་དང་བཅས་པ་
D845.102.0274a06.01སྟེ་ཉི་མའི་གདན་དང་བཅས་པ་དག་ཀྱང་ཁྲུ་བཞིའོ། །ཉི་མ་དེའི་སྟེང་དུ་བདག་ཉིད་འཆད་པར་འགྱུར་བའི་ཁྲོ་བོ་རྡོ་རྗེ་ཤུགས་ཀྱི་སྐུ་ཕྱག་ཉི་ཤུ་རྩ་དྲུག་དང་ཞལ་བཞི་པ་ཉེས་པ་དག་དང་རྣམ་པར་བྲལ་བ་སྟེ། འདི་ལྟར་འཁོར་ལོའི་དབུས་སུ་གཉིས་ལྷག་རྒྱལ་བའི་ཕྱག་དང་དུས་
D845.102.0274a07.01