完整藏文原文 · 德格版页 当前仅加载第 102 函德格 350a 版页；藏文 NFD、目录标记与异常页序保留在来源切片中，重复版页行以稳定序号区分。
བཞག་ལ་རང་གི་ལུས་གཡོན་སྐོར་གྱིས་ཡོངས་སུ་བསྐོར་ཞིང་དེ་ནས་ལག་པ་གཡོན་པས་སྟེང་དུ་ཕྱག་བྱས་ནས་འགྲོ་བར་བྱ་སྟེ། དེ་རྣམས་དང་ལྷན་ཅིག་རྩོད་པར་མི་བྱའོ། །བྱིས་པའི་རྣལ་འབྱོར་བ་རྣམས་ལ་ངེས་པ་གང་བྱིན་པ་དེ་དེས་བྱའོ། །
D845.102.0350a01.01རྣམ་པ་གཞན་དུ་ན་འཆི་བ་འཐོབ་སྟེ། ཁྲོས་པའི་ཕོ་ཉ་མོ་ནུས་པ་དང་ལྡན་པའོ་ཞེས་པ་ནི་བཅོམ་ལྡན་འདས་ཀྱི་ངེས་པའོ། །ད་ནི་ཕན་ཚུན་ཕྱག་རྒྱ་བསྟན་པ་ལ་ལན་གྱི་མཚན་ཉིད་གསུངས་ཏེ། འདིར་བཅོམ་ལྡན་འདས་དུས་ཀྱི་འཁོར་ལོའི་གཡོན་པ་དང་གཡས་པའི་
D845.102.0350a02.01ཕྱག་གི་མཚན་མ་གང་ཡིན་པ་དེའི་རང་བཞིན་ནི་ཕྱག་རྒྱ་རྣམས་སོ། །དེ་ལས་ཀྱང་ཕན་ཚུན་དུ་ཕྱག་རྒྱ་དང་ཕྱག་རྒྱའི་ལན་ཏེ། རྡོ་རྗེ་དང་རྡོ་རྗེ་དྲིལ་བུ་དག་དང་། རལ་གྲི་དང་ཕུབ་དག་དང་། རྩེ་གསུམ་དང་ཁ་ཊྭཱྃ་གདག་དང་། གྲི་གུག་དང་ཐོད་པ་དག་དང་། མདའ་
D845.102.0350a03.01དང་གཞུ་དག་དང་། ལྕགས་ཀྱུ་དང་ཞགས་པ་དག་དང་། ཌ་མ་རུ་དང་རིན་པོ་ཆེ་དག་དང་། ཐོ་བ་དང་པདྨ་དག་དང་། འཁོར་ལོ་དང་དུང་དག་དང་། མདུང་དང་མེ་ལོང་དག་དང་། དབྱུག་པ་དང་། ལྕགས་སྒྲོག་དག་དང་། དགྲ་སྟ་དང་ཚངས་པའི་མགོ་
D845.102.0350a04.01དག་དང་། གླང་པོ་ཆེའི་པགས་པ་དང་སྡིགས་མཛུབ་དག་དང་། དབུ་རྒྱན་དང་རྣ་རྒྱན་དག་དང་། མགུལ་རྒྱན་དང་ལག་གདུབ་དག་དང་། སྐེ་རགས་དང་རྐང་གདུབ་དག་དང་། རྭ་ཅན་དང་སེན་མོ་ཅན་དག་དང་། ཀླུ་དང་མཁའ་ལྡིང་དག་དང་། ལག་པ་དང་
D845.102.0350a05.01རྐང་པ་དག་དང་། ཁ་དང་བཤང་ལམ་དག་དང་། བྷ་ག་དང་རྟགས་དག་དང་། ནུ་མ་དང་མཆུ་དག་དང་། མིག་དང་སྨིན་མ་དག་དང་། ཐིག་ལེ་དང་མིག་སྨན་དག་དང་། རབ་ཏུ་ཁྲོ་བ་དང་གཙུག་ཕུད་དགྲོལ་བ་དག་དང་། པུས་མོ་དང་བརླ་དག་དང་།
D845.102.0350a06.01མགྲིན་པ་དང་དཔྲལ་བ་དག་དང་། ལྟེ་བ་དང་སྙིང་ཁ་དག་དང་། སྐྲ་མཚམས་དང་སིན་དཱུ་ར་དག་དང་། མཆེ་བ་དང་མཐེ་ཆུང་དག་དང་། མཐེ་བོ་དང་མིང་མེད་དག་དང་། མཛུབ་མོ་དང་གུང་མོ་དག་གོ། །དེ་ལྟར་ཕྱག་རྒྱ་དུ་མ་བསྟན་པ་ན་ཕྱག་རྒྱའི་ལན་དུ་མར་
D845.102.0350a07.01