完整藏文原文 · 德格版页 当前仅加载第 102 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
པ་གྲུ་བཞི་ཅུང་ཟད་རུས་སྔ་ལ་རྒྱབ་བཞིན་མཐོ་བ་ལ། ཁྲུ་ཚད་གཅིག་ལ་སོགས་པ་དུས་དང་ནོར་དང་མི་བདག་ཅེས་པ་ཁྲུ་བཞི་དང་ཁྲུ་བརྒྱད་དང་ཁྲུ་བཅུ་དྲུག་སྟེ་དེ་བཞིན་དུ་སྟོང་ཕྲག་གི་བར་གྱི་ཚད་ཀྱི་གནས་གང་བདེ་ལ་ལྷར་ཐིག་སྐུད་དང་གཤིན་རྗེར་རྡོ་རྗེ་དང་། ཆུར་རྡུལ་ཚོན་གྱི་སྣོད་དང་
D845.102.0279b01.01བྱང་དུ་རྡོ་རྗེ་དྲིལ་བུ་དང་། དབུས་སུ་རྣམ་པར་རྒྱལ་བའི་བུམ་པ་བཀོད་ནས་དེའི་རྗེས་ལ་འཆད་པར་འགྱུར་བའི་རིམ་པས་གཉིད་ལོག་སྟེ། གང་གི་ཚེ་སློབ་དཔོན་ནམ་སློབ་མས་མཚན་རྙེད་པ་དེའི་ཚེ་མཚན་མ་རྙེད་ན་དང་པོ་སྟེ་ཤར་གྱི་ཕྱོགས་དང་། ཕྱི་མ་སྟེ་ནུབ་ཀྱི་ཕྱོགས་སུ་
D845.102.0279b02.01དཀྱིལ་འཁོར་ཐིག་ནི་གདབ་པར་བྱ་སྟེ་བླ་མ་དང་སློབ་མ་དག་གིས་སོ་ཞེས་པ་ནི་ངེས་པའོ། །ད་ནི་མཚན་མ་ངན་པའི་མཚན་ཉིད་གསུངས་ཏེ། འདིར་ཐིག་སྐུད་ཆད་པར་གྱུར་པ་ན་བླ་མ་ཉམས་པར་འགྱུར་ཞིང་ཡོངས་འཇོམས་འགོངས་པར་གྱུར་ན་བུ་རྣམས་དག་ཀྱང་ཉམས་པར་འགྱུར་
D845.102.0279b03.01རོ། །གལ་ཏེ་རྡུལ་ཚོན་རླུང་གིས་ཁྱེར་ན་ཞེས་པ་ནི་འདིར་གང་གི་ཚེ་དཀྱིལ་འཁོར་གྱི་རྡུལ་ཚོན་རླུང་གིས་ཁྱེར་བར་གྱུར་པ་དེའི་ཚེ་བླ་མ་ལ་སོགས་པ་རྣམས་ལ་འཇིགས་པ་གསལ་བར་བྱེད་ཅིང་ཡུལ་འཁོར་དག་ཏུ་རྒྱལ་པོ་འཇིགས་པ་ཡང་གསལ་བར་བྱེད་དོ། །མཚན་མ་ངན་པ་དེ་
D845.102.0279b04.01དག་མཐོང་ནས་སླར་ཡང་སློབ་དཔོན་གྱིས་གཙོ་བོ་དག་གི་སྔགས་ཀྱི་བཟླས་པ་རབ་ཏུ་བྱ་སྟེ་སླར་ཡང་མཚན་མར་གྱུར་གྱི་བར་དུའོ། །དེ་ནས་སླར་ཡང་མཚན་མ་རྙེད་ན་མཉམ་དང་མི་མཉམ་རྐང་པ་དག་གིས་ཐིག་ནི་གདབ་པ་བསྒྲུབ་པར་བྱ། འདིར་སློབ་དཔོན་གྱི་རྐང་པ་གཡོན་པ་སྐྱིལ་
D845.102.0279b05.01ཀྲུང་དང་གཡས་པའི་མཐིལ་ས་ལ་བཞག་པ་མཉམ་པའི་རྐང་པ་དང་དེ་བཞིན་དུ་བཟློག་པ་མི་མཉམ་པའི་རྐང་པས་ཐིག་གདབ་པ་བསྒྲུབ་པར་བྱའོ་ཞེས་པ་ནི་ངེས་པའོ། །ད་ནི་ཡོངས་འཇོམས་གསུངས་པ་འདིར་ཤེས་རབ་ཐབས་ཀྱི་ཡན་ལག་དབུས་སུ་ཡོངས་འཇོམས་སུ་འགྱུར་
D845.102.0279b06.01ཏེ་དེ་ནི་དཀྱིལ་འཁོར་དག་ལ་སྤང་བར་བྱ་ཞེས་པ་ལ། འདིར་ཤེས་རབ་ཀྱི་ཡན་ལག་ནི་ལྷོ་དང་ནུབ་བོ། །ཐབས་ཀྱི་ཡན་ལག་ནི་ཤར་དང་བྱང་ངོ་། །འདི་དག་གི་དབུས་སུ་ཡོངས་འཇོམས་ཏེ་དཀྱིལ་འཁོར་ལ་སྤང་བར་བྱའོ། །དེ་བཞིན་དུས་ལ་གཡུལ་གྱི་དུས་སུ་རྩེ་མོ་ཅན་
D845.102.0279b07.01