完整藏文原文 · 德格版页 当前仅加载第 101 函德格 115b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་ལ་གུས་པར་བྱས་ཏེ་མཆོད་རྟེན་གྱི་ལས་བྱས་ན་ཚེ་ཟད་པ་ལས་སླར་ནུར་ཏེ་ཚེ་རིང་པོར་སྦྱོང་བར་བྱེད་དོ། །གལ་ཏེ་ཤི་འཕོས་ན་ཡང་སྦྲུལ་གྱི་པགས་པ་བརྗེས་པ་བཞིན་དུ་ལུས་བོར་ནས་སྐལ་བ་མཉམ་པས་འཇིག་རྟེན་གྱི་ཁམས་བདེ་བ་ཅན་དུ་འགྲོ་
D983.101.0115b01.01བར་འགྱུར་རོ། །འཆི་བའི་སྡུག་བསྔལ་མྱོང་བར་མི་འགྱུར་རོ། །ཕྱིན་ཅད་ནམ་ཡང་འཆི་བའི་ཚོར་བ་མཐོང་བར་མི་འགྱུར་རོ། །ཕྱིན་ཅད་སེམས་ཅན་དམྱལ་བ་དང་། དུད་འགྲོ་དང་། གཤིན་རྗེའི་འཇིག་རྟེན་དང་། ངན་འགྲོར་འགྲོ་ཞིང་སྐྱེ་བར་མི་འགྱུར་རོ། །ཕྱིན་ཅད་སེམས་ཅན་
D983.101.0115b02.01དམྱལ་བ་པའི་སྒྲ་རྣ་ལམ་དུ་ཡང་གྲག་པར་མི་འགྱུར་ན་འབྲས་བུ་རྣམ་པར་སྨིན་པར་འགྱུར་བ་ལྟ་ཅི་སྨོས་ཏེ་དེ་ནི་གནས་མེད་དོ། །དེ་ནས་ལྷའི་དབང་པོ་བརྒྱ་བྱིན་གྱིས་རིག་སྔགས་འདི་བཅོམ་ལྡན་འདས་ལས་བཟུང་ནས་ལྷའི་བུ་ནོར་བུའི་སྙིང་པོ་དྲི་མ་མེད་པ་དང་ལྷན་ཅིག་ཏུ་ནམ་ནངས་པ་དང་རང་
D983.101.0115b03.01གི་གནས་སུ་སོང་སྟེ། དེ་བཞིན་གཤེགས་པས་བཀའ་སྩལ་པའི་ལུང་བཞིན་དུ་ཆོ་ག་{གོ་རིམས་,གོ་རིམ་}བཞིན་དུ་མཆོད་རྟེན་གྱི་ལས་བྱས་ནས་བཟླས་བརྗོད་ཀྱི་ཆོ་ག་ཡང་བྱས་པ་དང་། བྱས་མ་ཐག་ཏུ་ལྷའི་བུ་ནོར་བུའི་སྙིང་པོ་དྲི་མ་མེད་པ་སྡུག་བསྔལ་ཐམས་ཅད་ཉེ་བར་ཞི་ནས་སྡིག་པ་ཐམས་
D983.101.0115b04.01ཅད་དང་བྲལ་ཏེ། ལུས་རྣམ་པར་དག་ནས་པགས་པའི་མདོག་ནི་གསེར་གྱི་ཁ་དོག་ལྟ་བུར་གྱུར། སྐྲ་དང་མིག་ནི་མཐོན་མཐིང་ལྟ་བུར་གྱུར། དེ་བཞིན་གཤེགས་པ་ཐམས་ཅད་ནི་མངོན་དུ་མཐོང་། ནམ་མཁའི་དབྱིངས་ནས་དེ་བཞིན་གཤེགས་པས་ལེགས་སོ་ལེགས་སོ་
D983.101.0115b05.01ཞེས་བྱ་བའི་གསུང་ནི་ཕྱུང་ངོ་། །དེ་ནས་ལྷའི་བུ་དེ་སྒྲིབ་པ་དང་བྲལ་བའི་ལུས་སུ་གྱུར་པར་མཐོང་ནས་ཡ་མཚན་ཆེར་བཟུང་སྟེ་རབ་ཏུ་དགའ་ནས། ཨ་ལ་ལ་སངས་རྒྱས། ཨ་ལ་ལ་རིག་སྔགས། ཨ་ལ་ལ་ཆོས། འབྲས་བུ་འཕྲལ་དུ་སྟོན་པ་བཅོམ་ལྡན་འདས་དེ་བཞིན་གཤེགས་
D983.101.0115b06.01པ་ཤཱཀྱ་ཐུབ་པ་ཐུགས་རྗེ་མཆོག་ཏུ་ཆེ་བ་ཡིད་བཞིན་གྱི་ནོར་བུ་ལྟ་བུ་དེ་ལ་ཕྱག་འཚལ་ལོ། །ཕྱག་འཚལ་ལོ་ཞེས་ཆེད་དུ་བརྗོད་པ་ཆེད་དུ་བརྗོད་དོ། །དེ་ནས་ལྷའི་བུ་དེ་རང་གི་གནས་སུ་སོང་ནས་ལྷའི་མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་སྣ་
D983.101.0115b07.01