完整藏文原文 · 德格版页 当前仅加载第 101 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་གྱི་དཀྱིལ་འཁོར་མཆོད་པར་བྱའོ། །ཆོ་ག་འདི་ལན་ཅིག་བྱས་ན་བསྐལ་པར་བསགས་པའི་ལས་ཀྱི་སྒྲིབ་པ་དང་བྲལ་ནས་སྒྲིབ་པ་མེད་པར་འགྱུར་རོ། །ནད་ཐམས་ཅད་དང་། ཉོན་མོངས་པ་ཐམས་ཅད་དང་། སེམས་ཅན་དམྱལ་བ་དང་། དུད་འགྲོའི་
D983.101.0118a01.01སྐྱེ་གནས་དང་། གཤིན་རྗེའི་འཇིག་རྟེན་གྱི་ངན་སོང་ཐམས་ཅད་དང་། འཇིགས་པ་ཐམས་ཅད་ལས་ཡོངས་སུ་ཐར་བར་འགྱུར་རོ། །འཇིག་རྟེན་པ་དང་། འཇིག་རྟེན་ལས་འདས་པའི་སྡུག་བསྔལ་དང་། སྒྲིབ་པ་དང་། སྡིག་པ་དང་། གདུག་པ་ཐམས་ཅད་ཚེ་རབས་གཅིག་
D983.101.0118a02.01ནས་གཅིག་ཏུ་བརྒྱུད་དེ་བྱང་ཆུབ་ཀྱི་སྙིང་པོའི་མཐར་ཐུག་གི་བར་དུ་རྣམ་པར་འཇིག་པར་འགྱུར་རོ། །ཚེ་ཟད་པ་ཡང་ཕྱིར་ནུར་ཞིང་ཚེ་རིང་བར་འགྱུར་རོ། །ཡུན་རིང་དུ་ནད་ཀྱིས་བརྙོངས་ཏེ་ཤ་ཟད་པ་ཡང་ལུས་ཡོངས་སུ་རྫོགས་པར་འགྱུར་རོ། །ལུས་ཤིན་ཏུ་ཡོངས་སུ་དག་པར་འགྱུར་
D983.101.0118a03.01རོ། །བསམ་པ་ཡིད་བཞིན་དུ་ཡོངས་སུ་རྫོགས་པར་འགྱུར་རོ། །ཕྱིན་ཆད་འཆི་བདག་གིས་སྒོའི་སྡུག་བསྔལ་མི་མཐོང་བར་འགྱུར་རོ། །སྦྲུལ་གྱི་པགས་པ་བརྗེས་པ་བཞིན་དུ་ལུས་བོར་ནས་སྐལ་བ་མཉམ་པའི་ཕྱིར་འཇིག་རྟེན་གྱི་ཁམས་བདེ་བ་ཅན་དུ་འགྲོ་བར་འགྱུར་རོ། །གང་དང་
D983.101.0118a04.01གང་དུ་སྐྱེ་བ་དེ་དང་དེར་པདྨ་ལས་སྐྱེ་བར་འགྱུར་རོ། །ཐམས་ཅད་དུ་རྒྱན་ཐམས་ཅད་ཀྱིས་བརྒྱན་པར་འགྱུར་རོ། །སྐྱེ་བ་ཐམས་ཅད་དུ་ཚེ་རབས་དྲན་པར་འགྱུར་རོ། །འདིའི་བཟླས་བརྗོད་ཀྱི་ཆོ་ག་བཞིན་དུ་ཉིན་གཅིག་བཞིན་དུ་དུས་གསུམ་དུ་ལན་ཉི་ཤུ་རྩ་གཅིག་བཟླས་བརྗོད་བྱས་ན་
D983.101.0118a05.01དེའི་སྡིག་པའི་སྒྲིབ་པ་དང་། ཉོན་མོངས་པ་ཐམས་ཅད་ལས་རྣམ་པར་གྲོལ་བར་འགྱུར་རོ། །བཟླས་བརྗོད་ཆོ་ག་བཞིན་དུ་ལོ་གཅིག་ཚང་བར་བྱས་ན་འཇིགས་པ་མེད་པར་ལྟ་བ་ཀུན་ནས་སྒོའི་འོད་ཟེར་ཞེས་བྱ་བའི་ཏིང་ངེ་འཛིན་འཐོབ་བོ། །ཕྱོགས་བཅུའི་སངས་རྒྱས་ཀྱི་ཞིང་ཐམས་
D983.101.0118a06.01ཅད་དུ་དེ་བཞིན་གཤེགས་པ་ཐམས་ཅད་མཐོང་བར་འགྱུར་རོ། །དྲི་མ་མེད་པ་རྣམ་པར་དག་པ་འབར་བའི་གཟི་བརྗིད་ཅེས་བྱ་བའི་ལུས་ཡོངས་སུ་དག་པ་ཐོབ་པར་འགྱུར་རོ། །ཚེ་རྣམ་པར་དག་པ་ཐོབ་པར་འགྱུར་རོ། །གང་གཱའི་ཀླུང་བྱེ་བ་ཁྲག་ཁྲིག་འབུམ་ཕྲག་བརྒྱད་ཅུ་རྩ་གཉིས་ཀྱི་བྱེ་མ་
D983.101.0118a07.01