完整藏文原文 · 德格版页 当前仅加载第 101 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
ཟེ་འདི་དུམ་བུ་དུམ་བུར་གཏུབས་ལ་ཉ་དང་རུས་སྦལ་བསྲེགས་པ་བཞིན་དུ་བོར་ཏེ་ཁ་ངན་སྐྱུགས་ཀྱིས་དགང་ངོ་སྙམ་མོ། །དེས་འདི་སྙམ་དུ་བསམས་མ་ཐག་ཏུ་ཁྱིམ་བདག་དེ་ཤ་བཀྲ་དང་མཛེའི་ནད་ཀྱིས་བཏབ་བོ། །དེ་ནས་འཆི་བའི་དུས་བྱས་ནས་འཆི་ཀར་སྡུག་བསྔལ་གྱི་ཚོར་བ་ཆེན་
D983.101.0116b01.01པོ་མྱོང་སྟེ། ཤི་ནས་སེམས་ཅན་དམྱལ་བ་ཆེན་པོ་མནར་མེད་པར་སྐྱེས་ཏེ། དེར་བསྐལ་པའི་ཚད་དུ་སྡུག་བསྔལ་གྱི་ཚོར་བ་མྱོང་ངོ་། །དེ་ནས་ཤི་འཕོས་ནས་ཉ་དང་། ཕག་དང་། རུས་སྦལ་གྱི་ནང་དུ་བསྐལ་པར་སྡུག་བསྔལ་མྱོང་ངོ་། །དེ་ནས་འཆི་བའི་དུས་བྱས་ནས་སེམས་
D983.101.0116b02.01ཅན་དམྱལ་བ་ཐིག་ནག་ཏུ་སྐྱེས་ཏེ། དེར་ཡང་བསྐལ་པའི་ཚད་དུ་སྡུག་བསྔལ་ཆེན་པོ་མྱོང་ངོ་། །དེ་ནས་ཤི་འཕོས་ནས་གྲོང་ཁྱེར་དེ་ཉིད་དུ་དམུས་ལོང་གི་ཁྱིམ་དུ་སྐྱེས་ཏེ་དམུས་ལོང་དུ་གྱུར་ནས་ཕན་ཚུན་དུ་སློང་མོ་ལ་སོང་བ་དང་། གཙུག་ལག་ཁང་ཅིག་ཏུ་ཕྱིན་པ་ན་དེ་ན་དགེ་སློང་
D983.101.0116b03.01སྙིང་རྗེ་ལ་གནས་པ་ཞིག་འདུག་སྟེ། དེས་དེ་མཐོང་ནས་བྱམས་པས་རྒྱས་པར་བྱས་ཏེ་ཟས་བྱིན་ནོ། །རིག་སྔགས་ཀྱི་རྒྱལ་མོ་འདི་ཡང་བསྒྲགས་སོ། །དམུས་ལོང་དེས་གཟུངས་སྔགས་འདི་ཐོས་པ་དང་ཚེ་རབས་དྲན་པར་གྱུར་ནས་བྲམ་ཟེ་དེ་ཡང་དྲན་ཏེ། རྗེས་སུ་སེམས་ཤིང་ཀྱེ་མའོ་
D983.101.0116b04.01མི་བཟད་པའི་ལས་བྱས་སོ་སྙམ་ནས་ངོ་ཚ་དང་ཁྲེལ་ཡོད་པར་གྱུར་ཏེ། འཆི་བའི་དུས་བྱས་པ་དང་གཟུངས་སྔགས་འདིའི་མཐུས་སུམ་ཅུ་རྩ་གསུམ་པའི་ལྷའི་ནང་དུ་སྐྱེས་ཏེ། གཞལ་མེད་ཁང་ཆེན་པོའི་ནང་ན་ལྷའི་བུ་མོའི་ཚོགས་ཀྱིས་བསྐོར་ཅིང་ལྷའི་ལོངས་སྤྱོད་ཆེན་པོ་མྱོང་
D983.101.0116b05.01བར་གྱུར་ཏོ། །དེའི་ཚེ་དེའི་དུས་ན་ཁྱིམ་བདག་དམུས་ལོང་དུ་གྱུར་བ་དེ་གཞན་ཞིག་ཡིན་སྙམ་དུ་ཁྱོད་དོགས་ཤིང་ཐེ་ཚོམ་ཟའམ་ཡིད་གཉིས་སུ་གྱུར་ན་དེ་ལྟར་མི་བལྟ་སྟེ། ལྷའི་བུ་ནོར་བུའི་སྙིང་པོ་དྲི་མ་མེད་པ་འདི་ཉིད་དོ། །ལག་ན་རྡོ་རྗེ་དེ་ལྟ་བས་ན་སྡོམ་པ་གསུམ་གྱིས་བསྡམ་པར་
D983.101.0116b06.01བྱའོ། །ལག་ན་རྡོ་རྗེ་ལས་དེས་འབྲས་བུ་རྣམ་པར་སྨིན་པ་སྡུག་བསྔལ་གྱི་ཚོར་བ་འདི་ལྟ་བུ་མྱོང་ངོ་། །ལྷའི་བུ་འདིས་བྱང་ཆུབ་སྙིང་པོའི་མཐར་ཐུག་གི་བར་དུ་ལས་ཀྱི་འབྲས་བུ་ཐ་མ་འདི་མྱོང་ངོ་། །ལག་ན་རྡོ་རྗེ་དེའི་ཚེ་དེའི་དུས་ན་བྲམ་ཟེ་དྲི་མ་མེད་པར་གྱུར་བ་དེ་གཞན་ཞིག་ཡིན་
D983.101.0116b07.01