完整藏文原文 · 德格版页 当前仅加载第 101 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
འདུས་པར་གྱུར་པ་ནི། །སྤུ་དག་ཟིང་ཞེས་བྱེད་པ་ཡིན། །གང་དག་ས་ལ་གནས་པ་དང་། །གང་དག་རི་ཁྲོད་གནས་པ་རྣམས། །སེང་གེ་བཞིན་དུ་ཐ་དད་ལ། །སེམས་བསྡུས་མཉམ་པར་བཞག་བྱས་ཤིང་། །ཀུན་ནས་འདུས་གྱུར་སྤུ་ཟིང་ཞེས། །
D1062.101.0207a01.01བྱེད་པ་བདག་གིས་བརྗོད་པར་བྱ། །ཡིད་བྱང་དག་ཅིང་རབ་དང་ལ། །རྙོག་མེད་འཆི་བདག་སྤངས་བ་རྣམས། །ཚངས་བའི་འཇིག་རྟེན་མཐར་ཐུག་པའི། །ལྷ་དང་མི་ཡི་བར་ན་འཁོད། །སློབ་པ་ལྔ་བརྒྱ་ཕྲག་གཉིས་དང་། །གཞན་ཡང་བརྒྱ་དང་བཅུ་དག་
D1062.101.0207a02.01དང་། །སྟོང་ཕྲག་དུ་མ་རྣམས་དག་གི། །ལྷ་རྣམས་འདུས་པར་གྱུར་བ་དག །མཐའ་ནས་མཐའ་མ་མི་མཐོང་ཞིང་། །ཕྱོགས་རྣམས་ཐམས་ཅད་ཁྱབ་གྱུར་བ། །སངས་རྒྱས་ཀྱིས་ནི་དེ་མཁྱེན་ནས། །དེ་བཞིན་གཤེགས་པས་རྣམ་གཟིགས་ཏེ། །དེ་ནས་
D1062.101.0207a03.01སྟོན་པས་བསྟན་དགའ་བའི། །ཉན་ཐོས་རྣམས་ལ་དགེ་སློང་དག །ལྷ་ཚོགས་མངོན་པར་ལྷགས་གྱུར་གྱིས། །ངེས་པར་རྟོགས་ཞེས་བཀའ་སྩལ་པ། །ཚིགས་སུ་བཅད་པས་མཐར་ཆགས་ཀྱིས། །དེ་དག་རྣམས་ཀྱི་མིང་བརྗོད་ཀྱིས། །རྩེ་གཅིག་གྱུར་པའི་
D1062.101.0207a04.01ཡིད་ཀྱིས་ནི། །ང་ཡིས་བཤད་པ་མཉན་པར་གྱིས། །སེར་སྐྱའི་གནས་ཀྱི་ནགས་ཚལ་གྱིས། །གནོད་སྦྱིན་སྟོང་ཕྲག་བདུན་པོ་དག །སེར་སྐྱའི་གནས་ཀྱི་ནགས་ཚལ་ནི། །སྣང་བར་བྱས་ཏེ་འཁོད་པ་དང་། །གང་དག་དེ་ཡི་འཁོར་རྣམས་དང་། །དེ་དག་
D1062.101.0207a05.01ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །གསེར་ཅན་སྟོང་ཕྲག་དྲུག་པོ་ཀུན། །ཁ་དོག་སྣ་ཚོགས་ལྡན་པ་དག །
D1062.101.0207a06.01སེར་སྐྱའི་གནས་ཀྱི་ནགས་ཚལ་ནི། །སྣང་བར་བྱས་ཏེ་འཁོད་པ་དང་། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །
D1062.101.0207a07.01