完整藏文原文 · 德格版页 当前仅加载第 101 函德格 213b 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་གསོལ་པ། བཅོམ་ལྡན་འདས་བདག་ཅག་གི་རིག་སྔགས་འདི་ཡང་དེ་བཞིན་དུ་མདོ་སྡེ་འདི་ཡོངས་སུ་འཛིན་པར་བགྱིད་ཅིང་། འདོད་པ་ན་སྤྱོད་པའི་ལྷ་གོང་མ་རྣམས་ཀྱིས་ནི་རྗེས་སུ་ཡི་རང་བར་བགྱིས་ལ། འོག་མ་རྣམས་ཀྱིས་ཀྱང་
D1062.101.0213b01.01ལེགས་པར་རྗེས་སུ་ཡི་རང་བར་བགྱིས་པ་ལགས་སོ། །ཏདྱ་ཐཱ། བཱི་རེ་བཱི་ར་བ་ཏི། ཏོ་ཊེ་ཏོ་ཊ་བ་ཏི། བྷ་དྲེ་བྷ་དྲ་བ་ཏི། གོ་ནེ་གོ་ན་བ་ཏི། མེ་གྷེ་མེ་གྷ་བ་ཏི། ཛྭ་ལ་ནེ་ཛྭ་ལ་ན་བ་ཏི། པཱུ་ཏེ་བྷུ་ཏ་བ་ཏི། ཁོ་ར་ཏེ་ཁོ་ར་ཏ་བ་ཏི། ཨི་
D1062.101.0213b02.01ད་ན་སཱུ་ཏྲ་མ་ནུ་གྲྀཧྞ་ཐ། ཨ་ནུ་པཱ་ལ་ཡ་ཐ་ཙེ་ཏི། བཅོམ་ལྡན་འདས་གང་ཞིག་མདོ་སྡེ་འདི་དང་། གསང་སྔགས་ཀྱི་ཚིག་འདི་དག་དུམ་བུར་མ་གྱུར་པར་འཛིན་པར་བགྱིད་ན། དེ་ཇི་སྲིད་འཚོའི་བར་དུ་འབྱུང་པོ་ཐམས་ཅད་ལས་སྲུང་
D1062.101.0213b03.01བར་བགྱིད་པར་འགྱུར་ལགས་སོ། །དེ་ལ་མི་དང་མི་མ་ལགས་པ་འགའ་ཡང་འཚེ་བར་མི་འགྱུར་ལགས་སོ། །གང་དུ་ཀློག་པ་དེར་ཇི་སྲིད་འཚོའི་བར་དུ་སྲུང་བ་བགྱིད་པར་འགྱུར་ལགས་སོ། །སེམས་ཅན་ཐམས་ཅད་ཀྱང་དགའ་
D1062.101.0213b04.01བར་འགྱུར་ལགས་སོ། །དེ་ལ་ཟིལ་གྱིས་གནོན་པ་འགའ་ཡང་འབྱུང་བར་མི་འགྱུར་ལགས་སོ། །དེའི་ལུས་ལ་བྲོ་ནད་རྣམས་ཀྱིས་མི་ཚུགས་པར་འགྱུར་ལགས་སོ། །སེམས་ཅན་ཐམས་ཅད་ལ་ཕན་འདོགས་པར་ཡང་འགྱུར་
D1062.101.0213b05.01ལགས་སོ། །གང་དུ་ཀློག་པར་འགྱུར་བ་དེར་དགུང་ལོ་བདུན་དུ་བསྲུང་བ་བགྱིས་པར་འགྱུར་རོ། །འབྱུང་པོ་དང་གདོན་རྣམས་ལས་ཐར་བར་ཡང་འགྱུར་ལགས་སོ། །དུག་འཇོམས་པར་ཡང་འགྱུར་ལགས་སོ། །བྲོ་ནད་ཐམས་
D1062.101.0213b06.01ཅད་སེལ་བར་ཡང་འགྱུར་ལགས་སོ། །སྐུད་པ་འམ་ཆབ་ལ་བཟླས་བརྗོད་བགྱིས་ཏེ་བཅིངས་སམ་གཏོར་ན། བྲོ་ནད་ཐམས་ཅད་དང་བྲལ་བར་ཡང་འགྱུར་ལགས་སོ། །དེ་ནས་བཅོམ་ལྡན་འདས་ལ་རྒྱལ་པོ་ཆེན་པོ་བཞིས་གསོལ་པ།
D1062.101.0213b07.01