完整藏文原文 · 德格版页 当前仅加载第 101 函德格 214b 版页；藏文 NFD、目录标记与异常页序保留在来源切片中，重复版页行以稳定序号区分。
བཟུང་ན་ཇི་སྲིད་འཚོའི་བར་དུ་སྲུང་བར་འགྱུར་ལགས་སོ། །དེའི་བྲོ་ནད་ཐམས་ཅད་ཀྱང་རབ་ཏུ་ཞི་བར་འགྱུར་ལགས་སོ། །ལུས་ལ་དུག་གིས་མི་ཚུགས་པར་ཡང་འགྱུར་ལགས་སོ། །དེ་ནས་བཅོམ་ལྡན་འདས་ལ་གནས་གཙང་མའི་རིས་ཀྱི་
D1062.101.0214b01.01ལྷ་རྣམས་ཀྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་མདོ་སྡེ་འདིའི་དགོངས་པ་ཡོངས་སུ་གཟུང་བའི་སླད་དུ་ཕྱོགས་བཅུའི་འཇིག་རྟེན་གྱི་ཁམས་ནས་ལྷགས་པ་རྣམས་ཀྱིས་རིག་སྔགས་དག་སྨྲས་ལགས་ན། བཅོམ་ལྡན་
D1062.101.0214b02.01འདས་ཉན་ཐོས་ཀྱི་ཚོགས་དང་བཅས་པས་ཀྱང་ཡང་དག་པར་རྗེས་སུ་ཡི་རང་བར་མཛད་ཅིང་། ཀུན་དུ་བཟུང་བ་དང་། བསྲུང་བ་དང་བསྒྲུབ་པ་དག་ལེགས་པར་བཤད་དུ་གསོལ། དེ་ལྟར་ན་རིགས་ཀྱི་བུ་དེ་དག་གི་སྦྱིན་པར་བགྱི་བའི་ཆོས་ཀྱི་མདོ་སྡེ་
D1062.101.0214b03.01འདི་འབྲས་བུ་དང་བཅས་པར་འགྱུར་ལགས་སོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཁྱེད་ཀྱིས་གསང་སྔགས་ཀུན་དུ་བཟུང་བ་འདི་ནི་གྲུབ་པ་ཡིན་ཏེ། ང་ཉན་ཐོས་ཀྱི་ཚོགས་དང་བཅས་པས་ཀྱང་མདོ་སྡེ་འདིའི་གྲུབ་པ་དང་
D1062.101.0214b04.01བསྲུང་བ་དང་བསྒྲུབ་པ་དག་བཤད་པར་བྱ་སྟེ། དེ་ཉོན་ཅིག་དང་བཤད་པར་བྱའོ། །གནས་གཙང་མའི་རིས་ཀྱི་ལྷ་རྣམས་ཀྱིས་བཅོམ་ལྡན་འདས་དེ་བཞིན་ལགས་ཏེ། བཅོམ་ལྡན་འདས་ཉན་ཐོས་ཀྱི་ཚོགས་དང་བཅས་པས་མདོ་ཆེན་
D1062.101.0214b05.01པོ་འདི་གྲུབ་པར་བགྱི་བའི་སླད་དུ་བསྲུང་བ་དང་བསྒྲུབ་པ་དག་བཤད་དུ་གསོལ། དེ་ནས་བཅོམ་ལྡན་འདས་ཀྱིས་མདོ་སྡེ་འདི་གྲུབ་པར་བྱ་བའི་ཕྱིར་བསྲུང་བ་དང་བསྒྲུབ་པ་དག་བཀའ་སྩལ་པ། དེ་ལ་རྒྱུན་དུ་ཞུགས་པ་རྣམས་ཀྱིས་གྲུབ་པ་ནི་
D1062.101.0214b06.01འདི་ཡིན་ནོ། །ཏཱ་ལ་ཏཱ་ལ། ཏཱ་ན་ཏཱ་ལ། ཏ་ཏོ་ཏ་ལེ་མ་ཏ། ལན་ཅིག་ཕྱིར་འོང་བའི་རྣམས་ཀྱི་གྲུབ་པ་ནི་འདི་ཡིན་ནོ། །ས་ལེ་ས་ས་ལི་ཏི། ཕྱིར་མི་འོང་བ་རྣམས་ཀྱི་གྲུབ་པ་ནི་འདི་ཡིན་ནོ། །ལ་ཏེ་ལ་ཏེ་ལོ་ལ་ཏི། དགྲ་བཅོམ་པ་
D1062.101.0214b07.01