foxue.ai全球佛学交流 AI 平台
经藏/Saṅgītisutta

上座部佛教

长部第 33 经

Saṅgītisutta · Mahāsaṅgīti Tipiṭaka Buddhavasse 2500

完整原文 · 原生段落SuttaCentral DN33

完整巴利原文 · 稳定分页　当前仅加载第 8 阅读页；保留 Bilara 原生段落标识，每页最多 120 段。

3.1.50

So nipajjati na vīriyaṁ ārabhati appattassa pattiyā anadhigatassa adhigamāya asacchikatassa sacchikiriyāya.

dn33:3.1.50
3.1.51

Idaṁ aṭṭhamaṁ kusītavatthu.

dn33:3.1.51
3.1.52

Aṭṭha ārambhavatthūni.

dn33:3.1.52
3.1.53

Idhāvuso, bhikkhunā kammaṁ kātabbaṁ hoti.

dn33:3.1.53
3.1.54

Tassa evaṁ hoti:

dn33:3.1.54
3.1.55

‘kammaṁ kho me kātabbaṁ bhavissati, kammaṁ kho pana me karontena na sukaraṁ buddhānaṁ sāsanaṁ manasi kātuṁ, handāhaṁ vīriyaṁ ārabhāmi appattassa pattiyā anadhigatassa adhigamāya, asacchikatassa sacchikiriyāyā’ti.

dn33:3.1.55
3.1.56

So vīriyaṁ ārabhati appattassa pattiyā, anadhigatassa adhigamāya asacchikatassa sacchikiriyāya.

dn33:3.1.56
3.1.57

Idaṁ paṭhamaṁ ārambhavatthu.

dn33:3.1.57
3.1.58

Puna caparaṁ, āvuso, bhikkhunā kammaṁ kataṁ hoti.

dn33:3.1.58
3.1.59

Tassa evaṁ hoti:

dn33:3.1.59
3.1.60

‘ahaṁ kho kammaṁ akāsiṁ, kammaṁ kho panāhaṁ karonto nāsakkhiṁ buddhānaṁ sāsanaṁ manasi kātuṁ, handāhaṁ vīriyaṁ ārabhāmi …pe…

dn33:3.1.60
3.1.61

so vīriyaṁ ārabhati …

dn33:3.1.61
3.1.62

idaṁ dutiyaṁ ārambhavatthu.

dn33:3.1.62
3.1.63

Puna caparaṁ, āvuso, bhikkhunā maggo gantabbo hoti.

dn33:3.1.63
3.1.64

Tassa evaṁ hoti:

dn33:3.1.64
3.1.65

‘maggo kho me gantabbo bhavissati, maggaṁ kho pana me gacchantena na sukaraṁ buddhānaṁ sāsanaṁ manasi kātuṁ.

dn33:3.1.65
3.1.66

Handāhaṁ vīriyaṁ ārabhāmi …pe…

dn33:3.1.66
3.1.67

so vīriyaṁ ārabhati …

dn33:3.1.67
3.1.68

idaṁ tatiyaṁ ārambhavatthu.

dn33:3.1.68
3.1.69

Puna caparaṁ, āvuso, bhikkhunā maggo gato hoti.

dn33:3.1.69
3.1.70

Tassa evaṁ hoti:

dn33:3.1.70
3.1.71

‘ahaṁ kho maggaṁ agamāsiṁ, maggaṁ kho panāhaṁ gacchanto nāsakkhiṁ buddhānaṁ sāsanaṁ manasi kātuṁ, handāhaṁ vīriyaṁ ārabhāmi …pe…

dn33:3.1.71
3.1.72

so vīriyaṁ ārabhati …

dn33:3.1.72
3.1.73

idaṁ catutthaṁ ārambhavatthu.

dn33:3.1.73
3.1.74

Puna caparaṁ, āvuso, bhikkhu gāmaṁ vā nigamaṁ vā piṇḍāya caranto na labhati lūkhassa vā paṇītassa vā bhojanassa yāvadatthaṁ pāripūriṁ.

dn33:3.1.74
3.1.75

Tassa evaṁ hoti:

dn33:3.1.75
3.1.76

‘ahaṁ kho gāmaṁ vā nigamaṁ vā piṇḍāya caranto nālatthaṁ lūkhassa vā paṇītassa vā bhojanassa yāvadatthaṁ pāripūriṁ, tassa me kāyo lahuko kammañño, handāhaṁ vīriyaṁ ārabhāmi …pe…

dn33:3.1.76
3.1.77

so vīriyaṁ ārabhati …

dn33:3.1.77
3.1.78

idaṁ pañcamaṁ ārambhavatthu.

dn33:3.1.78
3.1.79

Puna caparaṁ, āvuso, bhikkhu gāmaṁ vā nigamaṁ vā piṇḍāya caranto labhati lūkhassa vā paṇītassa vā bhojanassa yāvadatthaṁ pāripūriṁ.

dn33:3.1.79
3.1.80

Tassa evaṁ hoti:

dn33:3.1.80
3.1.81

‘ahaṁ kho gāmaṁ vā nigamaṁ vā piṇḍāya caranto alatthaṁ lūkhassa vā paṇītassa vā bhojanassa yāvadatthaṁ pāripūriṁ, tassa me kāyo balavā kammañño, handāhaṁ vīriyaṁ ārabhāmi …pe…

dn33:3.1.81
3.1.82

so vīriyaṁ ārabhati …

dn33:3.1.82
3.1.83

idaṁ chaṭṭhaṁ ārambhavatthu.

dn33:3.1.83
3.1.84

Puna caparaṁ, āvuso, bhikkhuno uppanno hoti appamattako ābādho.

dn33:3.1.84
3.1.85

Tassa evaṁ hoti:

dn33:3.1.85
3.1.86

‘uppanno kho me ayaṁ appamattako ābādho, ṭhānaṁ kho panetaṁ vijjati yaṁ me ābādho pavaḍḍheyya, handāhaṁ vīriyaṁ ārabhāmi …pe…

dn33:3.1.86
3.1.87

so vīriyaṁ ārabhati …

dn33:3.1.87
3.1.88

idaṁ sattamaṁ ārambhavatthu.

dn33:3.1.88
3.1.89

Puna caparaṁ, āvuso, bhikkhu gilānā vuṭṭhito hoti aciravuṭṭhito gelaññā.

dn33:3.1.89
3.1.90

Tassa evaṁ hoti:

dn33:3.1.90
3.1.91

‘ahaṁ kho gilānā vuṭṭhito aciravuṭṭhito gelaññā, ṭhānaṁ kho panetaṁ vijjati yaṁ me ābādho paccudāvatteyya, handāhaṁ vīriyaṁ ārabhāmi appattassa pattiyā anadhigatassa adhigamāya asacchikatassa sacchikiriyāyā’ti.

dn33:3.1.91
3.1.92

So vīriyaṁ ārabhati appattassa pattiyā anadhigatassa adhigamāya asacchikatassa sacchikiriyāya.

dn33:3.1.92
3.1.93

Idaṁ aṭṭhamaṁ ārambhavatthu.

dn33:3.1.93
3.1.94

Aṭṭha dānavatthūni.

dn33:3.1.94
3.1.95

Āsajja dānaṁ deti, bhayā dānaṁ deti, ‘adāsi me’ti dānaṁ deti, ‘dassati me’ti dānaṁ deti, ‘sāhu dānan’ti dānaṁ deti, ‘ahaṁ pacāmi, ime na pacanti, nārahāmi pacanto apacantānaṁ dānaṁ na dātun’ti dānaṁ deti, ‘idaṁ me dānaṁ dadato kalyāṇo kittisaddo abbhuggacchatī’ti dānaṁ deti.

dn33:3.1.95
3.1.96

Cittālaṅkāracittaparikkhāratthaṁ dānaṁ deti.

dn33:3.1.96
3.1.97

Aṭṭha dānūpapattiyo.

dn33:3.1.97
3.1.98

Idhāvuso, ekacco dānaṁ deti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ.

dn33:3.1.98
3.1.99

So yaṁ deti taṁ paccāsīsati.

dn33:3.1.99
3.1.100

So passati khattiyamahāsālaṁ vā brāhmaṇamahāsālaṁ vā gahapatimahāsālaṁ vā pañcahi kāmaguṇehi samappitaṁ samaṅgībhūtaṁ paricārayamānaṁ.

dn33:3.1.100
3.1.101

Tassa evaṁ hoti:

dn33:3.1.101
3.1.102

‘aho vatāhaṁ kāyassa bhedā paraṁ maraṇā khattiyamahāsālānaṁ vā brāhmaṇamahāsālānaṁ vā gahapatimahāsālānaṁ vā sahabyataṁ upapajjeyyan’ti.

dn33:3.1.102
3.1.103

So taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti, tassa taṁ cittaṁ hīne vimuttaṁ uttari abhāvitaṁ tatrūpapattiyā saṁvattati.

dn33:3.1.103
3.1.104

Tañca kho sīlavato vadāmi no dussīlassa.

dn33:3.1.104
3.1.105

Ijjhatāvuso, sīlavato cetopaṇidhi visuddhattā.

dn33:3.1.105
3.1.106

Puna caparaṁ, āvuso, idhekacco dānaṁ deti samaṇassa vā brāhmaṇassa vā annaṁ pānaṁ …pe… seyyāvasathapadīpeyyaṁ.

dn33:3.1.106
3.1.107

So yaṁ deti taṁ paccāsīsati.

dn33:3.1.107
3.1.108

Tassa sutaṁ hoti:

dn33:3.1.108
3.1.109

‘cātumahārājikā devā dīghāyukā vaṇṇavanto sukhabahulā’ti.

dn33:3.1.109
3.1.110

Tassa evaṁ hoti:

dn33:3.1.110
3.1.111

‘aho vatāhaṁ kāyassa bhedā paraṁ maraṇā cātumahārājikānaṁ devānaṁ sahabyataṁ upapajjeyyan’ti.

dn33:3.1.111
3.1.112

So taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti, tassa taṁ cittaṁ hīne vimuttaṁ uttari abhāvitaṁ tatrūpapattiyā saṁvattati.

dn33:3.1.112
3.1.113

Tañca kho sīlavato vadāmi no dussīlassa.

dn33:3.1.113
3.1.114

Ijjhatāvuso, sīlavato cetopaṇidhi visuddhattā.

dn33:3.1.114
3.1.115

Puna caparaṁ, āvuso, idhekacco dānaṁ deti samaṇassa vā brāhmaṇassa vā annaṁ pānaṁ …pe… seyyāvasathapadīpeyyaṁ.

dn33:3.1.115
3.1.116

So yaṁ deti taṁ paccāsīsati.

dn33:3.1.116
3.1.117

Tassa sutaṁ hoti:

dn33:3.1.117
3.1.118

‘tāvatiṁsā devā …pe…

dn33:3.1.118
3.1.119

yāmā devā …pe…

dn33:3.1.119
3.1.120

tusitā devā …pe…

dn33:3.1.120
3.1.121

nimmānaratī devā …pe…

dn33:3.1.121
3.1.122

paranimmitavasavattī devā dīghāyukā vaṇṇavanto sukhabahulā’ti.

dn33:3.1.122
3.1.123

Tassa evaṁ hoti:

dn33:3.1.123
3.1.124

‘aho vatāhaṁ kāyassa bhedā paraṁ maraṇā paranimmitavasavattīnaṁ devānaṁ sahabyataṁ upapajjeyyan’ti.

dn33:3.1.124
3.1.125

So taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti, tassa taṁ cittaṁ hīne vimuttaṁ uttari abhāvitaṁ tatrūpapattiyā saṁvattati.

dn33:3.1.125
3.1.126

Tañca kho sīlavato vadāmi no dussīlassa.

dn33:3.1.126
3.1.127

Ijjhatāvuso, sīlavato cetopaṇidhi visuddhattā.

dn33:3.1.127
3.1.128

Puna caparaṁ, āvuso, idhekacco dānaṁ deti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ.

dn33:3.1.128
3.1.129

So yaṁ deti taṁ paccāsīsati.

dn33:3.1.129
3.1.130

Tassa sutaṁ hoti:

dn33:3.1.130
3.1.131

‘brahmakāyikā devā dīghāyukā vaṇṇavanto sukhabahulā’ti.

dn33:3.1.131
3.1.132

Tassa evaṁ hoti:

dn33:3.1.132
3.1.133

‘aho vatāhaṁ kāyassa bhedā paraṁ maraṇā brahmakāyikānaṁ devānaṁ sahabyataṁ upapajjeyyan’ti.

dn33:3.1.133
3.1.134

So taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti, tassa taṁ cittaṁ hīne vimuttaṁ uttari abhāvitaṁ tatrūpapattiyā saṁvattati.

dn33:3.1.134
3.1.135

Tañca kho sīlavato vadāmi no dussīlassa;

dn33:3.1.135
3.1.136

vītarāgassa no sarāgassa.

dn33:3.1.136
3.1.137

Ijjhatāvuso, sīlavato cetopaṇidhi vītarāgattā.

dn33:3.1.137
3.1.138

Aṭṭha parisā—

dn33:3.1.138
3.1.139

khattiyaparisā, brāhmaṇaparisā, gahapatiparisā, samaṇaparisā, cātumahārājikaparisā, tāvatiṁsaparisā, māraparisā, brahmaparisā.

dn33:3.1.139
3.1.140

Aṭṭha lokadhammā—

dn33:3.1.140
3.1.141

lābho ca, alābho ca, yaso ca, ayaso ca, nindā ca, pasaṁsā ca, sukhañca, dukkhañca.

dn33:3.1.141
3.1.142

Aṭṭha abhibhāyatanāni.

dn33:3.1.142
3.1.143

Ajjhattaṁ rūpasaññī eko bahiddhā rūpāni passati parittāni suvaṇṇadubbaṇṇāni, ‘tāni abhibhuyya jānāmi passāmī’ti evaṁsaññī hoti.

dn33:3.1.143
3.1.144

Idaṁ paṭhamaṁ abhibhāyatanaṁ.

dn33:3.1.144
3.1.145

Ajjhattaṁ rūpasaññī eko bahiddhā rūpāni passati appamāṇāni suvaṇṇadubbaṇṇāni, ‘tāni abhibhuyya jānāmi passāmī’ti—

dn33:3.1.145
3.1.146

evaṁsaññī hoti.

dn33:3.1.146
3.1.147

Idaṁ dutiyaṁ abhibhāyatanaṁ.

dn33:3.1.147
3.1.148

Ajjhattaṁ arūpasaññī eko bahiddhā rūpāni passati parittāni suvaṇṇadubbaṇṇāni, ‘tāni abhibhuyya jānāmi passāmī’ti evaṁsaññī hoti.

dn33:3.1.148
3.1.149

Idaṁ tatiyaṁ abhibhāyatanaṁ.

dn33:3.1.149
3.1.150

Ajjhattaṁ arūpasaññī eko bahiddhā rūpāni passati appamāṇāni suvaṇṇadubbaṇṇāni, ‘tāni abhibhuyya jānāmi passāmī’ti evaṁsaññī hoti.

dn33:3.1.150
3.1.151

Idaṁ catutthaṁ abhibhāyatanaṁ.

dn33:3.1.151
3.1.152

Ajjhattaṁ arūpasaññī eko bahiddhā rūpāni passati nīlāni nīlavaṇṇāni nīlanidassanāni nīlanibhāsāni.

dn33:3.1.152
3.1.153

Seyyathāpi nāma umāpupphaṁ nīlaṁ nīlavaṇṇaṁ nīlanidassanaṁ nīlanibhāsaṁ, seyyathā vā pana taṁ vatthaṁ bārāṇaseyyakaṁ ubhatobhāgavimaṭṭhaṁ nīlaṁ nīlavaṇṇaṁ nīlanidassanaṁ nīlanibhāsaṁ;

dn33:3.1.153
3.1.154

evameva ajjhattaṁ arūpasaññī eko bahiddhā rūpāni passati nīlāni nīlavaṇṇāni nīlanidassanāni nīlanibhāsāni, ‘tāni abhibhuyya jānāmi passāmī’ti evaṁsaññī hoti.

dn33:3.1.154
3.1.155

Idaṁ pañcamaṁ abhibhāyatanaṁ.

dn33:3.1.155
3.1.156

Ajjhattaṁ arūpasaññī eko bahiddhā rūpāni passati pītāni pītavaṇṇāni pītanidassanāni pītanibhāsāni.

dn33:3.1.156
3.1.157

Seyyathāpi nāma kaṇikārapupphaṁ pītaṁ pītavaṇṇaṁ pītanidassanaṁ pītanibhāsaṁ, seyyathā vā pana taṁ vatthaṁ bārāṇaseyyakaṁ ubhatobhāgavimaṭṭhaṁ pītaṁ pītavaṇṇaṁ pītanidassanaṁ pītanibhāsaṁ;

dn33:3.1.157
3.1.158

evameva ajjhattaṁ arūpasaññī eko bahiddhā rūpāni passati pītāni pītavaṇṇāni pītanidassanāni pītanibhāsāni, ‘tāni abhibhuyya jānāmi passāmī’ti evaṁsaññī hoti.

dn33:3.1.158
3.1.159

Idaṁ chaṭṭhaṁ abhibhāyatanaṁ.

dn33:3.1.159
3.1.160

Ajjhattaṁ arūpasaññī eko bahiddhā rūpāni passati lohitakāni lohitakavaṇṇāni lohitakanidassanāni lohitakanibhāsāni.

dn33:3.1.160
3.1.161

Seyyathāpi nāma bandhujīvakapupphaṁ lohitakaṁ lohitakavaṇṇaṁ lohitakanidassanaṁ lohitakanibhāsaṁ, seyyathā vā pana taṁ vatthaṁ bārāṇaseyyakaṁ ubhatobhāgavimaṭṭhaṁ lohitakaṁ lohitakavaṇṇaṁ lohitakanidassanaṁ lohitakanibhāsaṁ;

dn33:3.1.161
3.1.162

evameva ajjhattaṁ arūpasaññī eko bahiddhā rūpāni passati lohitakāni lohitakavaṇṇāni lohitakanidassanāni lohitakanibhāsāni, ‘tāni abhibhuyya jānāmi passāmī’ti evaṁsaññī hoti.

dn33:3.1.162
3.1.163

Idaṁ sattamaṁ abhibhāyatanaṁ.

dn33:3.1.163
3.1.164

Ajjhattaṁ arūpasaññī eko bahiddhā rūpāni passati odātāni odātavaṇṇāni odātanidassanāni odātanibhāsāni.

dn33:3.1.164
3.1.165

Seyyathāpi nāma osadhitārakā odātā odātavaṇṇā odātanidassanā odātanibhāsā, seyyathā vā pana taṁ vatthaṁ bārāṇaseyyakaṁ ubhatobhāgavimaṭṭhaṁ odātaṁ odātavaṇṇaṁ odātanidassanaṁ odātanibhāsaṁ;

dn33:3.1.165
3.1.166

evameva ajjhattaṁ arūpasaññī eko bahiddhā rūpāni passati odātāni odātavaṇṇāni odātanidassanāni odātanibhāsāni, ‘tāni abhibhuyya jānāmi passāmī’ti evaṁsaññī hoti.

dn33:3.1.166
3.1.167

Idaṁ aṭṭhamaṁ abhibhāyatanaṁ.

dn33:3.1.167
3.1.168

Aṭṭha vimokkhā.

dn33:3.1.168
3.1.169

Rūpī rūpāni passati.

dn33:3.1.169