完整藏文原文 · 德格版页 当前仅加载第 9 函德格 19b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་མ་གང་རབ་ཏུ་ཕྱུང་ངམ་བསྙེན་པར་རྫོགས་པར་བྱས་ནས་ཕན་མི་འདོགས་ན་ལྟུང་བྱེད་དོ། །ཡང་དགེ་སློང་མ་གང་རབ་ཏུ་ཕྱུང་ངམ་བསྙེན་པར་རྫོགས་པར་བྱས་པ་དག་ལ་བར་ཆད་མཐོང་བ་མི་འདྲེན་ན་ལྟུང་བྱེད་དོ། །ཡང་དགེ་སློང་མ་གང་རབ་ཏུ་ཕྱུང་ངམ་བསྙེན་པར་
D4.009.0019b01.01རྫོགས་པར་བྱས་ནས་བསླབ་པ་དག་ལ་སློབ་ཏུ་མི་འཇུག་ན་ལྟུང་བྱེད་དོ།། །།སྡོམ་ལ། ནད་གཡོག་རྒྱ་སྐྱེགས་སོར་མོ་དང་། །ཐལ་མོ་སྤུ་དང་དབེན་གཉིས་དང་། །བླ་གབ་མེད་པ་གཉིས་དང་ནི། །རྣ་བར་བཤུབ་ཅིང་སྨྲ་བའོ། །ཡང་དགེ་སློང་མ་གང་ལྷན་ཅིག་གནས་པ་
D4.009.0019b02.01དང་ཉེ་གནས་ན་བ་དག་ལ་ནད་གཡོག་མི་བྱེད་ན་ལྟུང་བྱེད་དོ། །ཡང་དགེ་སློང་མ་གང་རང་གིས་བསྟེན་པར་བྱ་བའི་ནང་དུ་རྒྱ་སྐྱེགས་ཀྱི་ཆང་བུ་བཅུག་ན་ལྟུང་བྱེད་དོ། །ཡང་དགེ་སློང་མ་གང་བསྟེན་པར་བྱ་བའི་ནང་དུ་སོར་མོའི་ཚིགས་གཉིས་འདས་ཏེ་འཁྲུ་ན་ལྟུང་བྱེད་དོ། །ཡང་
D4.009.0019b03.01དགེ་སློང་མ་གང་བསྟེན་པར་བྱ་བ་ལ་ཐལ་མོ་རྡེག་ན་ལྟུང་བྱེད་དོ། །ཡང་དགེ་སློང་མ་གང་གསང་བའི་ཕྱོགས་ཀྱི་སྤུ་འཐོག་ན་ལྟུང་བྱེད་དོ། །ཡང་དགེ་སློང་མ་གང་ཁྱིམ་པ་དང་ལྷན་ཅིག་དབེན་པ་སྐྱབས་ཡོད་པ་ན་འདུག་ན་ལྟུང་བྱེད་དོ། །ཡང་དགེ་སློང་མ་གང་དགེ་སློང་དང་ལྷན་ཅིག་
D4.009.0019b04.01དབེན་པ་སྐྱབས་ཡོད་པ་ན་འདུག་ན་ལྟུང་བྱེད་དོ། །ཡང་དགེ་སློང་མ་གང་ཁྱིམ་པ་དང་ལྷན་ཅིག་བླ་གབ་མེད་པ་ན་འགྲེང་ན་ལྟུང་བྱེད་དོ། །ཡང་དགེ་སློང་མ་གང་དགེ་སློང་དང་ལྷན་ཅིག་བླ་གབ་མེད་པ་ན་འགྲེང་ན་ལྟུང་བྱེད་དོ། །ཡང་དགེ་སློང་མ་གང་ཁྱིམ་པའི་རྣ་བར་བཤུབ་ཅིང་
D4.009.0019b05.01སྨྲ་ན་ལྟུང་བྱེད་དོ།། །།སྡོམ་ལ། ཉན་དང་དགེ་སློང་རྣམ་གཉིས་དང་། །རིག་པ་གཉིས་དང་རྨ་འགྲོལ་དང་། །བུ་དང་ཁྱིམ་དང་མ་བརྟགས་དང་། །མཚན་མོ་གཅིག་པུ་ཉལ་བའོ། །ཡང་དགེ་སློང་མ་གང་ཁྱིམ་པ་ལས་རྣར་བཤུབ་ཅིང་སྨྲ་བ་ཉན་ན་ལྟུང་བྱེད་དོ། །
D4.009.0019b06.01ཡང་དགེ་སློང་མ་གང་དགེ་སློང་གི་རྣར་བཤུབ་ཅིང་སྨྲ་ན་ལྟུང་བྱེད་དོ། །ཡང་དགེ་སློང་མ་གང་དགེ་སློང་གི་རྣར་བཤུབ་ཅིང་སྨྲ་བ་ཉན་ན་ལྟུང་བྱེད་དོ། །ཡང་དགེ་སློང་མ་གང་ཁྱིམ་པ་ལས་རིག་པ་ལེན་ན་ལྟུང་བྱེད་དོ། །ཡང་དགེ་སློང་མ་གང་ཁྱིམ་པ་ལས་རིག་པ་ཀློག་ན་ལྟུང་
D4.009.0019b07.01