完整藏文原文 · 德格版页 当前仅加载第 9 函德格 20b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་མ་གང་བྲོ་རྡུང་ན་ལྟུང་བྱེད་དོ། །ཡང་དགེ་སློང་མ་གང་གླུ་ལེན་ན་ལྟུང་བྱེད་དོ། །ཡང་དགེ་སློང་མ་གང་རོལ་མོ་ལ་རེག་ན་ལྟུང་བྱེད་དོ། །ཡང་དགེ་སློང་མ་གང་གདུགས་ཐོགས་ན་ལྟུང་བྱེད་དོ།། །།སྡོམ་ལ། མཆིལ་ལྷམ་ཁྲིའུ་ཕྱིས་གནོན་དང་། །སྟན་དང་
D4.009.0020b01.01སྐུད་པ་ཁྱིམ་ལས་དང་། །རྗེན་པ་འཚོད་དང་གོས་དང་ནི། །ཟས་འཚོང་བ་དང་ལྟོ་འདུན་ནོ། །ཡང་དགེ་སློང་མ་གང་མཆིལ་ལྷམ་གྱོན་ན་ལྟུང་བྱེད་དོ། །ཡང་དགེ་སློང་མ་གང་ཁྲི་ལ་འདུག་པའི་བསྙེན་བཀུར་ཉམས་སུ་ལེན་པར་བྱེད་ན་ལྟུང་བྱེད་དོ། །ཡང་དགེ་སློང་མ་གང་ཁྱིམ་
D4.009.0020b02.01གཞན་དུ་མ་བསྒོ་བར་སྟན་ལ་ཕྱིས་གནོན་བྱས་ཏེ་འདུག་ན་ལྟུང་བྱེད་དོ། །ཡང་དགེ་སློང་མ་གང་ཆོས་སྟོན་པ་ན་ཁྱིམ་པའི་སྟན་སྤྱད་པ་མ་གཏད་པར་འགྲོ་ན་ལྟུང་བྱེད་དོ། །ཡང་དགེ་སློང་མ་གང་སྐུད་པ་འཁལ་ན་ལྟུང་བྱེད་དོ། །ཡང་དགེ་སློང་མ་གང་ཁྱིམ་གྱི་ལས་བྱེད་ན་ལྟུང་བྱེད་
D4.009.0020b03.01དོ། །ཡང་དགེ་སློང་མ་གང་རྗེན་པ་འཚོད་ན་ལྟུང་བྱེད་དོ། །ཡང་དགེ་སློང་མ་གང་དགེ་སློང་མའི་ཚོགས་ཀྱི་གོས་བདག་གིར་བྱེད་ན་ལྟུང་བྱེད་དོ། །ཡང་དགེ་སློང་མ་གང་ཟས་འཚོད་ན་ལྟུང་བྱེད་དོ། །ཡང་དགེ་སློང་མ་གང་ལྟོ་འདུན་གྱི་ཟས་ཟོས་ནས་སྟན་ལས་ལངས་ཏེ་ཡང་ཟ་ན་
D4.009.0020b04.01ལྟུང་བྱེད་དོ།། །།སྡོམ་ལ། སྒོག་སྐྱ་སྨེ་གབ་ཆུ་གོས་དང་། །འཁྲུར་འཇུག་པ་དང་དགེ་སྦྱོང་གོས། །རྗེ་དང་བསྔགས་པ་ཁྱིམ་དང་ནི། །གནས་དང་རྙེད་པའི་སེར་སྣའོ། །ཡང་དགེ་སློང་མ་གང་སྒོག་སྐྱ་ཟ་ན་ལྟུང་བྱེད་དོ། །ཡང་དགེ་སློང་མ་གང་སྨེ་གབ་མི་འཆང་ན་ལྟུང་བྱེད་
D4.009.0020b05.01དོ། །ཡང་དགེ་སློང་མ་གང་ཆུ་གོས་མི་འཆང་ན་ལྟུང་བྱེད་དོ། །ཡང་དགེ་སློང་མ་གང་བཀྲུ་བཤལ་བ་ལ་གོས་འཁྲུར་འཆོལ་ན་ལྟུང་བྱེད་དོ། །ཡང་དགེ་སློང་མ་གང་དགེ་སྦྱོང་གི་གོས་ཁྱིམ་པ་ལ་བགོ་བའི་ཕྱིར་སྦྱིན་ན་ལྟུང་བྱེད་དོ། །ཡང་དགེ་སློང་མ་གང་འཁོར་གཙོ་བོ་ལ་ཆོས་
D4.009.0020b06.01གོས་སྣམ་སྦྱར་རྗེ་ན་ལྟུང་བྱེད་དོ། །ཡང་དགེ་སློང་མ་གང་བསྔགས་པ་ལ་སེར་སྣ་བྱེད་ན་ལྟུང་བྱེད་དོ། །ཡང་དགེ་སློང་མ་གང་ཁྱིམ་ལ་སེར་སྣ་བྱེད་ན་ལྟུང་བྱེད་དོ། །ཡང་དགེ་སློང་མ་གང་གནས་ལ་སེར་སྣ་བྱེད་ན་ལྟུང་བྱེད་དོ། །ཡང་དགེ་སློང་མ་གང་རྙེད་པ་ལ་སེར་སྣ་བྱེད་ན་ལྟུང་བྱེད་དོ།། །།
D4.009.0020b07.01